Annus XVI - Vol. XVI 1 Februarii 1924 Num. 2

ACTA APOSTOLICAE SEDIS

COMMENTARIUM OFFICIALE

ACTA PII PP. XI

L I T T E R A E A P O S T O L I C A E

I

PAROECIALIS ECCLESIA BEATAE MARIAE VIRGINIS, VULGO « MARIJA BISTRICA »,

INTRA FINES ARCHIDIOECESIS ZAGABRIENSIS, TITULO AC DIGNITATE

BASILICAE MINORIS COHONESTATUR.

P I U S P P . X I

Ad perpetuam rei memoriam. - Praeclarissimas inter sacras aedes,

quibus Chroatia nobilitatur, iure meritoque accensenda est paroecialis

ecclesia ad B. M. V., vulgo Marija Bistrica appellata, intra fines posita

archidioecesis Zagabriensis. Hac sacra in aede tribus et ultra a saeculis

ipsius Deiparae Virginis simulacrum celeberrimum colitur, ad quod invi-

sendum praesentemque opem imploraturi confluunt tu rmat im fideles, non

solum e finitimis, sed e dissitis quoque regionibus peregrinantes. Septem

per saecula templum idem i terum iterumque rest i tutum, amplificatum et,

corrogata undique e Chroatiae finibus stipe, ornatum, nuperrime incendio

vasta tum, sed mox splendidioribus artis operibus excultum, quid Chroa-

ticae gentis fides possit testatur . Et re quidem vera, populi illius decus

ac delicium habetur hoc templum, prouti pretiosissimi ex voto oblata

donaria luculenter confirmant. Quin immo inter oblatores insignes nume-

ra tu r rec. mem. Praedecessor Noster Leo P P . X I I I , qui sacrae eiusdem

aedis gazophylacium pretioso dono locupletavit. Haec animo repetentes,

cum venerabilis frater Noster Antonius Bauer, Archiepiscopus Zagabrien-

sium, Nos flagitaverit ut praenobile ipsum templum ad Basilicae minoris

ACTA, Vol . XVI, n. 2. - 1-2-924. 3