Acta Benedicti Pp. XVI 713

Hermeneutica biblica conciliaris: annotatio quaedam amplectenda

34. Hoc praevio prospectu, pluris aestimari possunt notissima interpre-

tationis principia propria exegesis catholicae et declarata in Concilio Vatica-

no II, praesertim in Constitutione dogmatica Dei Verbum: « Cum autem Deus

in sacra Scriptura per homines more hominum locutus sit, interpres sacrae

Scripturae, ut perspiciat, quid Ipse nobiscum communicare voluerit, attente

investigare debet, quid hagiographi reapse significare intenderint et eorum

verbis manifestare Deo placuerit ».106 Concilium in luce collocat elementa

fundamentalia ad sensum ab hagiographis optatum eruendum per studium

generum litterariorum et ambitus contextualis. Praeterea, cum Scriptura

interpretanda sit eodem Spiritu quo scripta est, Constitutio dogmatica deno-

tat tria elementa methodologica fundamentalia ut mens vertatur ad divinam

Bibliorum dimensionem, scilicet 1) textus interpretandus est, dummodo per-

pendatur unitas totius Scripturae, quod hodie appellatur exegesis canonica;

2) ratio habenda est de viva totius Ecclesiae Traditione, ac denique 3) servan-

da est analogia fidei. « Tantummodo cum duo adimplentur gradus methodo-

logici, scilicet historico-criticus et theologicus, tunc agi potest de exegesi

theologica, de exegesi huic libro accommodata ».107

Patres synodales iure meritoque affirmarunt quod negari nequit fructus

positivus qui obvenit ex usu hodiernae investigationis historico-criticae. At-

tamen, dum praesens exegesis academica, catholica quoque, altiore operatur

gradu in eo quod attinet ad methodologiam historico-criticam, adhibens

etiam eius recentiora adiuncta, necesse est exigere simile studium de theolo-

gica ratione textuum biblicorum, ut progrediatur altior investigatio iuxta

tria elementa quae Constitutio dogmatica Dei Verbum secum fert.108

Periculum dualitatis et hermeneutica saecularizata

35. Ad hoc quod attinet, denuntiare necesse est grave hodiernum discri-

men cuiusdam dualitatis quae ingignitur ex aditu ad sacras Scripturas.

Etenim, dum duo gradus distinguuntur aditus biblici, minime intenditur

eos disiungere, nec opponere nec simpliciter apponere. Illi dantur tantum

in reciprocitate. Attamen, haud raro infructuosa disiunctio inter eos quan-

106 N. 12. 107 Benedictus XVI, Allocutio in XIV Congregatione Generali Synodi Episcoporum (14 Octo-

bris 2008): Insegnamenti IV, 2 (2008), 493; cfr. Propositio 25. 108 Cfr. Propositio 26.