33. Des. Ambrosio Cadnrcensi.

In 1. Vesperis.
Ad Magnificat.
A. Ambrosi, pie confessor,
Esto noster Intercessor,
Esto noster advocatus,
Quibus judex est Iratus.

Ad Matutinum.
Imitatorium.

Christum regem adoremus
Et beatum collaudemus
Praesulem Ambrosium.

In 1. Nocturno.
Antiphonae.
1. Piscem captum exenterat,
Qui comedendum emerat,
Et ex Ipsius patulo
Clavis exit ventriculo.
2. Omnis stupet et miratur,
Cui clavis ostendatur,
Quid boc signo portendatur.

3. Rumor exit In populum,
Et ad tale spectaculum
Fit grande conventiculum.

Responsoria.
I. Felix dies hodie
Illuxit ecclesiae,
Qua coelestis patriae
Fit civis Ambrosius ;
V. Quem In suam laetus chorum
Frequens coetus angelorum
Receptavit hodie.

2. Ambrosio nomen dedit
Coelestis ambrosia,
Cujus succu delibutus
Et perfusus gratia,
Pubescentis juventutis
Restrinxit Incendia.
V. Virginalis carnis florem
Dei servans ad odorem
Puer bonae Indolis.
3. Praesul factus Cadurcensis
Pastor bonus et Insomnis

Verbo studet et exemplis
Dei plebem pascere
V. Et a caulis lupos sacris
Precibus abigere.

In 2. Nocturno.
Antiphonae.

1. Agrippinus hoc audito
Exit domum, currit cito,
Ferro laetatur agnito.

2. Clavem videns exsultavit
Et sermonem memoravit,
Quem vir Dei prophetavit.

3. Petiit ergo vir Dei
Rem mirandam ferens ei
Novitatem tantae rei.

Responsoria.
1. Scelerosa servum Dei
Cum tentaret femina,
Risit Evae suggerentis

Impudica famina,
Nec assensit vir pudicus
Ad Incestus crimina.
V. Sed quae venit ardens Igne
Sulfurantis Veneris,
Redit casta, redit lugens
Culpas vitae veteris.
2. Dum pastoris larga manus
Sumptibus assiduis
Templi stipem dat egenis,

Orphanis et viduis,
In pastorem plebs et clerus
Ardet zeli furiis.
V. Et quem sequi debuissent,

Persequuntur odiis.
3. Declinavit malignantum
Dei servus odia,
Templo juncti se corarctans

Domatis angustia,
Homo frugi corpus jugi
Macerans inedia.
V. Ibi virtus floruit,
Ubi signis claruit
Nec latet sub modio.

In 3. Nocturno.

Antiphonae.

1. Praesul sanctus ut audivit,

Quod de pisce sic exivit

Clavis, laetus exsilivit.

2. Certus, Deo placuisse,
Se In specu latuisse
Et sic corpus afflixisse.

3. Exit ergo de caverna,
Ne lateret haec lucerna
Amplius sub modio.

Rcsponsoria.

1. Ulcerosa lepra fugit,
Caecus videt, surdus audit,
Omnis sana mente plaudit
Visis mirabilibus.
V. Pars subsannat Dei virum
Et discedit opus miram
Dei sancti gratia.

2. Videns ergo perditorum

Murmur ingravescere,
Quos exemplis, verbis, signis

Nequivit compescere,
Sese studet absentando

Causam mali tollere.
V. Fugit pastor malum gregem,
Contemnentem Dei legem,
Et amando Christum regem

Manet solitarius.

3. Elongavit fugitivus
Et In solitudine,
Mansitavit diu clausus

Rupis In foramine
Prope pontem Cadurcensem
Vicinante flumine.
V. Hic Invisus nostro soli
Servit Deo, solus soli,
Spernit sordes nostri soli.

Ad Laudes.
Antiphonae.

1. Corpus stringens In cathena
Clavem jacet In profunda,
Sorbet piscis, rapit unda
Projectam claviculam.

2. Et hoc fore dicit signum,
Quod se Deo sciret dignum,
Si visenda rursus mundo
Clavis migret de profundo.

3. Eremita dignus Deo
Caeco latet In spelaeo
Uni notus Agrippino.

i. Hic ministrat servo Dei,
Terni post cursum diei
Panem siccum ferens ei
Aquae potum non Lyei.

5. Humi cubat cilicio
Utens pro lectisternio,
Triduano jejunio
Carnem domat decennio.

Ad Benedictus.

A. Tenebrosus esset specus
Et aeterna nocte caecus,
Sed de coelo missum lumen
Viro Dei dat solamen.

In 2. Vesperis.

Ad Magnificat.

A. Quem putabat obiisse,
Videns quasi recepisse
Et de busto prodiisse,
Grex pastorem recognoscit
Et praeesse sibi poscit.