31. De sancta Helena.

Id 1. Vesperis.

Antiphonae.

1. O clemens Helena,

tibi sunt data gaudia plena.
2. O clemens Helena,

iam [sede] sedes in amoena.
3. O clemens Helena,

te gens collaudat egena.
4. Fac, clemens Helena,

quod cesset debita poena.
5. O clemens Helena,

nos duc ad regna serena.

Ad Magnificat.

A. Salve, decus patriae,

Martyr Deo grata,
Ad laudem Westgotiae

Caelitus donata,
Coram rege gloriae

Digne iam locata,
Esto regni Sueciae

Mitis advocata.

A d Matutinum.

Invitatorium.

Assunt nobis (sanctae)
Helenae sollemnia,

Virgo mater
iubilet ecclesia.

In 1. Nocturno.
Antiphonae.

1. Postquam hiems transiit
Infidelitatis,
In hac terra prodiit
Rosa venustatis.
2. Stella novae gratiae
Novae claritatis
Illuxit Westgotiae
Signis demonstratis.
3. Postquam fides patriae
Fines illustravit,
Stella mirae gratiae
Statim radiavit.

Responsoria.
1. Laetare fidelium
Contio devota,
Novum fac tripudium

Natio Westgota,
Helenae martyrium
Laudet mundi rota,
V. Cuius per mundum

clarent miracula nota.
2. Haec est Iudith similis
Vitae sanctitate,
Hesther non dissimilis

Vultus venustate,
Verbis, factis humilis,
Ardens caritate,
V. Lucens lucerna

per terrae climata late.
3. Carnalis conubii
Vinculo soluta,
A labe contagii

Carnis impolluta,
Quasi monasterii
Iugo substituta,
V. Est sanctas viduas

sancte vivendo secuta.

In 2. Nocturno.

Antiphonae.

1. Haec est Iudith vidua,
Victrix Holofernis,
In certando strenua,
Dedita supernis.
2. Ministris ecclesiae
Sedule servivit,
Egenos cotidie
Pavit et vestivit.

3. Plane probat meritum
Matris huius piae,
Nam ut Oldan spiritum
Gessit prophetiae.

Responsoria.

1. Offert se discrimini
Viarum perfecta,

Ad sepulcrum Domini

Peregre profecta,
Ipsius examini

Committens obiecta,
V. Non cedens homini

constans redit ad sua tecta.
2. Helenae de patria
Sancta revertenti
Fraudis conflant odia

Fraudibus intenti,
Sola de malitia
Nocent innocenti,
V. Nil obsunt animae

caelestia regna petenti.
3. Peracta feliciter
Hora passionis
Gaudet aeternaliter

Caeli digna thronis,
Fragrat odor dulciter
Ex unguenti donis,
V. Clarent prodigia

sua per fines regionis.

In 3. Nocturno.
Antiphonae.

1. Haec est Anna sobria
Mater Samuelis
Patiensque filia
Sara Raguelis.
2. Abigail sapiens
In ea revixit,
Deboraque praesciens
Quae futura dixit.
3. Legis Dei studio
Fuit ut Susanna,
Mentis desiderio
Phanuelis Anna.

Responsoria.

1. Oliva dum premitur,
Dulcor eliquatur,
Uva calce tunditur,

Ut vinum fundatur,
Palea concutitur,
Ut granum legatur.

V. Helena dum patitur,

animae caelum reseratur.
2. In caeli rosario

Poni rubens rosa
Meruit martyrio

Martyr gloriosa,
Cuius intercessio
Quam sit virtuosa,
V. Hoc patet indicio,

quod curat membra leprosa.
3. Audi, clemens domina,
Preces tuae gentis,
Gaudens inter agmina

Curiae gaudentis,
Sis inter discrimina
Vitae dux praesentis,
V. Quae fueras solita

gemitus relevare dolentis.

In Laudibus.
Antiphonae.

1. Ad novum praeconium

Martyris adcedit,
Quod vir vibrans gladium

Ferit et non laedit.
2. Mira lux emicuit

Caelitus in dumo,
Ostendens, quo iacuit

Digitus in humo.
3. Caecus tangens digitum

Martyris abscisum

Mox per eius meritum

Est adeptus visum.
4. Miram fidem habuit

Ut granum sinapis,
Quod probat et innuit

Elevatus lapis.
5. Claudis gressum tribuit

Et surdis auditum,
Caecis lumen praebuit

Devote petitum.

Ad Benedictus.

A. O beata domina,

Digne sublimata,
Audi pie carmina

Tibi decantata,
Tua per precamina

Diluens peccata
Duc ad caeli limina

Nos desiderata.

In 2. Vesperis.
Ad Magnificat.

A. Vale, flos Westgotiae,

Patriae lucerna,
In via iustitiae

Devios guberna,
De valle miseriae

Nos duc ad superna,
Ut tecum in requie

Vivamus aeterna.

Anal. hymn.

XXV, 184, wo es im Officium des hl. Brinolplius heifst:

Helenam sanctam viduam,
Quam praesul invocavit,

Historiam per congruam
Decenter honoravit.