Acta Apostolicae Sedis - Commentarium Officiale714

dam ingenerat extraneitatem inter exegesim et theologiam, quae evenit

« etiam in verticibus academiarum ».109 Hic enim referre velimus urgentiora

consectaria quae sunt vitanda.

a) In primis, si activitas exegetica reducitur tantum ad primum gradum,

tunc consequenter ipsa Scriptura efficitur textus tantum praeteriti temporis:

« Ex quo erui possunt conclusiones morales, historia disci potest, sed Liber

qua talis loquitur tantum de anteactis temporibus et exegesis non est amplius

vere theologica, sed mera evadit annalium memoria, historia litterarum ».110

Haud dubie in tali reductione minime intellegi potest eventus revelationis

Dei per ipsius Verbum, quod in viva Traditione et in Scriptura nobis

transmittitur.

b) Defectio hermeneuticae fidei in relatione ad Scripturam non configu-

ratur deinde solum inter conceptus absentiae; in eius locum alia hermeneutica

necessario subsequitur, nempe « hermeneutica saeculo favorabilis, positivista,

cuius clavis fundamentalis persuasio est Divinum numen in hominum histo-

ria non apparere. Iuxta hanc hermeneuticam, cum videtur exsistere quod-

dam divinum elementum, hoc aliter est explicandum et omnia ad humanum

elementum sunt coartanda. Unde proponuntur interpretationes quae reiciunt

historicum divinorum elementorum sensum ».111

c) Huiusmodi sententia facere non potest quin damnum afferat vitae

Ecclesiae, dubium effundens circa fundamentalia mysteria christianismi

eorumque momentum historicum, ut verbi gratia circa Eucharistiae institu-

tionem et Christi resurrectionem. Ita enim superponitur quaedam hermeneu-

tica philosophica, quae negat dari posse ingressum Divini Entis in historiam

et in eadem eius praesentiam. Assumptio huius hermeneuticae intra studia

theologica necessario inducit onerosam dualitatem inter exegesim, quae

solum in primo gradu confirmatur, et theologiam quae aperitur ad declina-

tionem spiritualizationis sensus Scripturarum, qui historicam Revelationis

indolem neglegit.

Omnia haec non possunt non esse quoque negativa in iis quae referuntur

ad vitam spiritualem et actuositatem pastoralem; « unde, ob absentiam

secundi gradus methodologici, colligitur altum datum esse discrimen inter

109 Propositio 27. 110 Benedictus XVI, Allocutio in XIV Congregatione Generali Synodi Episcoporum (14 Octo-

bris 2008): Insegnamenti IV, 2 (2008), 493; cfr. Propositio 26. 111 Cfr. ibid.