304 Acta Apostolicæ Sedis - Commentarium Officiale

7. Vincentius Jovaní Ávila die 5 mensis Decembris anno 1902 in vico Be-

nicarló, intra fines provinciae Castellionensis ac dioecesis Dertosensis, natus

est. Die 24 mensis Iunii anno 1928 presbyteratu auctus est et die 11 men-

sis Augusti superioris anni iam Sodalitatem ingressus. Novem annos prae-

fecti alumnorum Seminariorum Valentiae, Burgi, Vallisoleti et Tarraconis

functus est officio. Moncadae prope Barcinonem die 5 mensis Decembris

anno 1936 martyr occubuit.

8. Amaedeus Monge Altés die 10 mensis Aprilis anno 1906 in vico Batea,

intra fines provinciae Tarraconensis ac dioecesis Dertosensis, natus est. Die

22 mensis Iunii anno 1930 presbyteratu auctus est et die 12 mensis Augusti

eodem anno Sodalitatem ingressus est. Praefecti alumnorum Seminariorum

Burgi et Barcinonis functus est officio. Gandesae prope Tarraconem die 16

mensis Augusti anno 1936 plumbis interfectus est.

9. Iosephus Piquer Arnáu die 26 mensis Octobris anno 1874 Ondae, in-

tra fines provinciae Castellionensis ac dioecesis Dertosensis, natus est. Die

17 mensis Decembris anno 1904 presbyteratu auctus est et die 12 mensis

Augusti anno 1906 Sodalitatem ingressus. Ministerium suum Gienni, Va-

lentiae et Dertosae institutioni presbyterali impendit. In vico Bechí prope

Castaliam die 11 mensis Septembris anno 1936 cum tredecim presbyteris

et duodecim laicis Sociis martyr occubuit.

10. Iosephus Pia Arasa die 16 mensis Novembris anno 1888 in vico

Sanctae Barbarae, intra fines provinciae Tarraconensis ac dioecesis Der-

tosensis, natus est. Die 18 mensis Maii anno 1913 presbyteratu auctus est

et die 8 mensis Septembris anno 1914 Sodalitatem ingressus. Institutor fuit

alumnorum Seminariorum Batiae, Dertosae, Plasentiae et Burgi et operam

eucharisticae reparationi in Mexico et Dertosae impendit. Dertosae die 11

mensis Septembris anno 1936 martyr occubuit.

11. Iosephus Prats Sanjuán die 31 mensis Iulii anno 1874 in vico Catí,

intra fines provinciae Castellionensis ac dioecesis Dertosensis, natus est.

Die 4 mensis Iunii anno 1898 presbyteratu auctus est et die 27 mensis

Augusti anno 1899 Sodalitatem ingressus est. Ministerium suum apud Se-

minaria Asturicae, Caesaraugustae, Barcinonis, Batiae ac Dertosae impendit

et apud Collegia pro vocationibus curandis Conchae et Murtiae. Dertosae

die 1 mensis Septembris anno 1936 cum tres Sociis Fratribus a Scholis

Christianis plumbis interfectus est.