344 Acta Apostolicae Sedis - Commentarium Officiale

refellit amor atque ad fecunditatem patet, quae eundem ultra propriam

ipsius exsistentiam producit. Itaque nullus coniugum genitalis actus hanc

significationem infitiari potest,86 quamvis varias ob causas haud semper

novam vitam re generare possit.

81. Requirit filius ut tali amore nascatur et non quolibet alio modo, eo

quod « filius non est quid debitum, sed donum »,87 qui est « fructus proveniens

ex actu coniugalis amoris proprio suorum parentum »,88 quandoquidem « ad

creationis ordinem coniugalis inter virum et feminam amor atque vitae

transmissio inter se iugantur (cfr Gn 1, 27-28). Hoc modo effecit Creator

ut vir et femina ipsius creationis opus communicarent, quos pariter ins-

trumenta constituit sui amoris, eorum responsalitati, per humanam vitam

trasmissam, sortem humanitatis committens futuram ».89

82. Synodales Patres dixerunt: « Haud est laboriosum perspicere diffusam

mentem, ad quam vitae generatio una est ex rebus eligendis, quas singularis

persona vel coniuges simul praestituere possunt ».90 Ecclesiae doctrina « opem

fert ut aequabilis consciaque inter coniuges teneatur omnibus ex partibus

communio, una cum generationis responsalitate. Nuntius est rursus dete-

gendus Litterarum encyclicarum Humanae vitae Pauli VI, qui necessitatem

confirmat personae dignitatem servandae in methodis moraliter perpenden-

dis natorum moderandorum. […] Qui adoptionem et tutelam eligunt pecu-

liarem coniugalis experientiae fecunditatem patefaciunt ».91 Perquam grato

animo Ecclesia « familias sustinet, quae aliter praestantes recipiunt, colunt

affectuque afficiunt ».92

83. Quibus rebus positis, facere non possumus quin adfirmemus, si familia

vitae est sanctuarium, locus nempe ubi vita generatur curaturque, miseran-

dam reperiri discrepantiam, si locus fiat ubi vita negetur ac deleatur. Sic est

magnum vitae humanae bonum, atque sic inviolabile vitae innocentis parvuli

ius suae matris in sinu crescentis, ut haudquaquam ius sit vindicandum de

proprio corpore quod de tali vita decernitur, utpote cum in se ipsa sit finis

86 Cfr pauluS Vi, Litt. Enc. Humanae vitae (25 Iulii 1968), 11-12: AAS 60 (1968), 488-489. 87 Catechismus Catholicae Ecclesiae, 2378. 88 congrEgatio pro doctrina fidEi, Instr. Donum vitae (22 Februarii 1987), II, 8: AAS 80

(1988), 97. 89 Rel Fin 2015, 63. 90 Rel Syn 2014, 57. 91 Ibid., 58. 92 Ibid., 57.