34. De sancta Anna.

In 1. Vesperis.

Antiphonae.

1. Novam sidus jubare

radians divino,

Eeginae coeli genitrix

a Seraphin camino

Ignem venit mittere

in terram gelidorum,

Sedentibus In tenebris

lumen et viam morum.

2. Anna de prosapia

regum oriunda,

Tres In Christo ducens viros,

per quos fit fecunda,

Tres filias genuit

mundo laetabunda.

3. Senescentis saeculi

luxus aspernata

Fit typus maris aenei

moribus ornata,

Sanctitatis Indoli

studens Illibata.

4. Nunquam cum ludentibus

totius honestatis

Speculum se miscuit,

sed formam bonitatis

Sancta Anna se praebuit

et normam pietatis.

5. Virga Jesse protulit

germen verae vitae,

Dum Anna nobis genuit

Mariam, matrem rite.

Ad Magnificat.

A. Felix terra pariens

coelum trinitatis,

In quo corporaliter

fons divinitatis

Habitare voluit;

reos a peccatis

Solvens duc ad patriam

summae claritatis.

Ad Matutinum.

Invitatoriuia.

Sion sancta, jucundare

Laudum In praeconiis.

Annam sanctam venerare

Largam patrociniis.

In 1. Nocturno.

Antiphonae.

1. Annam vocatam gratiam

Gratanter Invocemus,

Ut datam sibi gloriam

Post gratiam speremus.

2. Nam meritis et precibus

Dat aviae dilectae

Rex Christus, natae filius,

Quidquid optatur recte.

3. Hinc nascitur de gratia

Vas juste plenum gratia,

Pro cujus abundantia

Mensuram transit copia.

Responsoria.

1. Gloriosa de te dicta

Scimus, radix benedicta,

Radix illustrissima,

Radix Jesse, qua Inflicta

Finem habent maledicta

Pro culpa primaria.

V. Ex te consurgens virgula

Dei per virtutem

In flore fructum protulit

Cunctis In salutem.

2. Haec est coelum, In qua stella

Ortum duxit, quem pagella

Praedixit Mosaica,

Quae servata a procella

Merces servat et In cella

Reponit vinatica.

V. Ora mater filiam

Summe benedictam,

Ut ducat In patriam

Plebem hic afflictam.

3. O quam caris et praeclaris

Arca lignis et Insignis

Est compacta coelitus,

Urnam veram quae gestavit,

In qua panis se locavit

Vitae, Dei filius.

V. O proles, pulcherrimi

cella paradisi,

Fructum vitae poscimus

peccatis Illisi.

In 2. Nocturno.

Antiphonae.

1. Quis ergo nunc de venia

Fiducia carebit,

Cum tam mater quam filia

Rem nominis Implebit.

2. Accedat reus propere

Non deserens olivam,

Quae novum fructum gratiae

Produxit In spem vivam.

3. Ad rivum, unde fluvius

Ortum produxit maximus,

Aeterni fontis cupidus

Currat miser Intrepidus.

Eesponsoria.

1. Quis condigne turturis

Matrem collaudabit,

Cujus vox In superis

Audita vocavit

In consortem miseris

Deum, qui sanavit

Vulnus culpae veteris

Et vitam donavit.

V. Benedictus filius,

Annae qui de filia

Nobis nasci voluit.

2. Felix mater, quae figuris

Tot et tantis In scripturis

Praesignata legitur,

Utero de cujus curis

Observatis In obscuris

Lux egressa creditur.

V. Sedentes In tenebris

Vallis hujus miserae

Lucis lucem gerula

Fac videre prospere.

3. Funde vinum desolatis,

Phiala laetitiae,

De qua novae desperatis

Rivus fluxit gratiae,

Ut de regno claritatis

Detur spes fiduciae.

V. Liberalis liberali

Preces funde sedulas.

Qui paratus est largiri

Satis plus quam postulas.

In 3. Nocturno.

Antiphonae.

1. O Anna felix, annue,

Ut festa recolentes

Tuae dulcis memoriae

Te videant gaudentes.

2. Tu cisterna de Bethlehem,

Cujus aquam sitivit

Rex David, In Hierusalem

Qui de torrente bibit.

3. Tu gloria Hierusalem,

Quae peperisti virginem,

Quae Deum dedit hominem

Naturae praeter ordinem.

Responsoria.

1. Gaude felix radix Davidica,

De qua nata stirps estbalsamica

In qua virga crevit mirifica,

Quae fructum tulit virtute coe-

lica.

V. Invocemus filiam

gratiae, quam gratia

Fons Implevit gratiae

gratis donans omnia.

2. In aeterno speculo

Praevisa sed saeculo

Data senescenti,

Dulcis Anna, sedulo

Subvenire populo

Prompta sis egenti.

V. Tu gloria Hierusalem In gloria locata,

Degentes In miseria

sustolle manu data.

3. Hesther nostra non Innixa

Duabus puellulis,

Super suum sed Innixa

Dilectum et cellulis

Meritorum jam transcensis

Regis gestans Insignia,

Dispensatrix pro expensis

Cunctis Ipsam poscentibus

Largitur patrocinia.

V. Caecis visus reformatur

Ejus beneficiis,

Claudis gressus restauratur,

Vita datur mortuis.

Ad Laudes.

Antiplionae.

1. Gaude, mater praeoptata,

Cui sedes In gloria

Ab aeterno est parata

Felici memoria.

2. Serviamus Deo nostro

cordis cum laetitia

Dulcis Annae recolentes

festiva solemnia.

3. Ad te lucem Increatam

Nostra sitit anima,

Claritatem ut optatam

Nobis cum dulcissima

Dones Anna, vitis ubi

crescit optatissima.

4. Benedictam benedicat

omnis creatura

Super omnes mulieres,

cujus genitura

Benedicta, Deum prodit In nostra natura.

5. Novum canamus canticum

Laudantes regem Dominum

Concordi melodia

Omnes, cujus In adspectu

Supernorum cum conventu

Mater regnat cum filia.

Ad Benedictus.

A. Benedictus sit Dominus,

Qui quod per os antiquitus

Promisit sanctorum,

Plene persolvit homini

Ad laudem suo nomini

Erigens sonorum

Cornu David In genere,

Quo sempiterno foedere

Conjuncti simus dexterae

Regis angelorum.

Ad Horas.

Ad Primam.

A. Ad ortum lucis Dominum

Oportet adorare,

Annam, lucis vehiculum,

Qui lucem jam Intrare

Fecit, a quo principium

Hoc sumpsit luminare.

Ad Tertiam.

A. Adesto, sancte spiritus,

Te nobis Invocantibus

Ob Annae precem piam,

Ut Igne tui radii

Succensi laeti stadii

Hujus curramus viam.

Ad Sextam.

A. Qui matutinum splendidum

Meridiem et Igneum

Facis, lucis creator,

Exstingue flammas litium

Per Annae gratae meritum

Nobisque sis salvator.

Ad Nonam.

A. Qui sine motu stabilis

Mensuras motus temporis

Manans semper Immotus,

Fac aviae laudabilis

Ut meritis sit fragilis

Sexus tibi devotus.

In 2. Vesperis.

Antiphonae.

1. Laudes Deo decantemus

Hac die laetitiae,

Jucundanti conformemus

Coeli nos militiae,

Et beatam predicemus

Rivum dantem gratiae.

2. Exaltare dignum duxit

Deus hanc veraciter,

Fontem vivum quae produxit

Redundantem largiter,

Quem Influxit et effluxit

Verbum mirabiliter.

3. Haec est Anna Deo plena,

Ex qua nobis oritur

Veniae et vitae vena,

Per quam nunc reficitur

Cujuscunque mens serena,

Quo sitita quaeritur.

4. O terra vere beata,

Eructus almus, quem dedisti,

Satiet nos In patria

Dulcedine Jesu Christi.

5. Ad te, mater laetitiae,

Confugimus securi,

Tolle causam tristitiae

Dans boni spem futuri.

E. Lauda, mater, et exsulta,

Fidelis ecclesia,

Dies haec est, qua exculta,

Super solem filia,

Transit Anna grata fulta

Dilecti praesentia.

V. Insistentes Annae laudi,

Jesu dulcis, nos exaudi,

Nos exclusos patria.

Ad Magnificat.

A. Magnificemus cantico

Mariae genitricem

In carmine magnifico,

Ut nos per adjutricem

Precem matris et filiae

Dator coronet gloriae

Post gratiam victricem.

Ad Nunc dimittis.

A. Nunc dimitte, Jesu care,

Servis lapsus criminum,

Qui te verum salutare

Precantur et Dominum,

Et cum Anna te laudare

Detur praeter terminum.