34. De Virginibus.

Ad Laudes.
1. Suscipe voces pariterque laudes,
Quas tibi mente promimus devota,
Sponsa, coelesti copulata regi,
Beata virgo.
2. Te a primaevo juventutis flore
Sponsus coelestis adamavit Christus
Et sibi templum te sacravit aptum,
In quo maneret.
3. Tetemet ipsam fide decoratam.
Spe roboratam, caritate plenam,
Corde benignam, castitate puram
Christo dicasti.
4. Inde nunc cara Dei margarita
Et pretiosa vocitaris gemma,
Te namque plebes utriusque sexus
Laude frequentant.
5. En, quod superna resides in aula

Et quod in coelo potens es cura Christo,
Indicant signa cunctis recolenda
Et memoranda.
6. Daemones tuis meritis fugantur,
Claudi curantur, caeci illuminantur,
Audiunt surdi, eriguntur curvi,
Muti loquuntur.
7. Virginem inde te rogamus sacram,
Ut pro peccatis obsecrando nostris
Veniam nobis impetrare velis,
Sponsa coelestis.
8. Sicut in tuo Deus nos amore
Liberet cunctis pius ab adversis
Atque futuram douet nobis vitam

Pace perenni.
Sit Deo patri laus et honor semper,
Gloria nato et spiritui sancto,
Quorum majestas et una potestas
Est in aeternum.