34. De s. Helena Trecensi.

In 1. Vesperis.
Antiphonae.

1. In Helena

sponsa et virgine
Sponsum novo

laudemus carmine,
Ut placens sit

laus nova, pristinae
Deponantur

errorum sarcinae.

2. Voce, voto

virginis Helenae
Psallat laudes
senex cum juvene,

Immo psallat
omnis conditio

Et solemni

concrepet gaudio.

3. Speciali

resultet gaudio
Ecclesiae

Trecensis concio
Coram sanctis

membris virgineis
Resonando

tubis argenteis.

i. Urbs Trecorum,
summo tripudio

Pretioso

gaude de spolio,
Naturensis

amisit regio,
Quod Johannis

habes ingenio.
5. Excubantes

in laude seduli
Coram gleba

sacri corpusculi,
Dicant omnes

et dicant singuli:
Ave, salus

Trecensis populi.
R. Felix florem

produxit Graecia,
Quem nunc felix

habet Campania,
Felix locus,

felix ecclesia,
Floris hujus

vernans praesentia,
V. Immo felix

quaecunque patria
In Helenae

certat obsequio.

Ad Magnificat.
A. Ave, virgo,

cujus praesentia
Trecassina

floret ecclesia,
Ave, cujus

pia suffragia
Post Graeciam

nunc sentit Gallia,
Roga regem

regentem omnia,
Ut temperet

iram clementia.

In Completorio.
Ad Nunc dimittis.

A. Ecce, comples,

immense Domine,
In Helena

praeclara virgine,

Quod scripturae
praedicant pristinae,

Dans salutem
in manu feminae.

Ad Matutinum.
Invitatorium.

In Helena,

quae flos est virginum,
Creatorem

laudamus Dominum.

Ad Nocturnum.
Antiphonae.

1. Ad honorem

Helenae, filiae
Agryelis

atque Gratuliae,
Invigilet

chorus psalmodiae.
2. Ex radice

processit regia
Virga poma

ferens praedulcia,
Virgo virens

in coeli curia.
3. O dulcis Helena,

clara natalibus
Et beneficiis

et mirabilibus,
Succurre famulis

ad te clamantibus.

Responsoria.
1. Inclinata

palma ramusculo
Dulci pascit

Helenam epulo,
Desponsatur

vidente populo
Destinato

coelitus annulo ;
V. Per columbam

transmissus annulus
Carnis facit
ut cesset stimulus.

2. O praeclarum

Dei miraculum,
Cum sopori

dedisset oculum,
Turtur pennis

et alis geminis
Ventilabat

faciem virginis.
V, Helenae dupliciter

turtur famulatur,
Per quem musca refugit,

aestus temperatur.
3. Aegrae carnis

medere stimulis,
Virgo, nostris

praesens sub oculis,
Virgo, carens

rugis et maculis,
Virgo, tantis

clara miraculis.
V. Clamantibus

succurre famulis,
Universis

simul et singulis.

In Laudibus.

Antiphonae.

1. Virgo, virga tyrannorum,
Sicut probat Alphybus,
Te laudantem serva chorum
A luporum morsibus.
2. Cletus, evangelio
Simul et cilicio

Clam pectus armatus,
Helenae judicio
Et regis imperio
Praesul est creatus.
3, Ante fuit

ei praecognitus
Suae matris

imminens transitus,

Quam infirmam

flevit medullitus,
Qua defuncta

cessavit gemitus.
4. Audita est vox de caelis
In solamen Agryelis

Affecti tristitia,
Quod requiem sine fine
Regi simul et reginae

Praeparavit filia.

5. O miranda

virginis gloria,
Nubes pluunt

rosas et lilia,
Quando coeli

transit ad atria.

Ad Benedictus.

A. Ave, virgo illibata.
Trecensium advocata

Coram sponso tuo,
Ave, prudens et beata,
Ad nuptias praeparata

Vase non vacuo;
Ave, Deo desponsata
Et jam Christo copulata

Nexu perpetuo,
Ut amatus, fac amata,
Sua remittat errata

Gregi exiguo.

In 2. Vesperis.
Ad Magnificat.

A. O virgo Helena,

plena dulcedinis,
Pudoris speculum

viris et feminis,
Hostiam suscipe

devoti carminis
Et culpas dilue

praesentis agminis.