Quinquagena I.

1. Ave, Iesu, qui super flumina

Gratiarum plantas ecclesiam,

Sere in me virtutum semina,

Quibus fructus

perennes faciam.

2. Ave Iesu, quem theologica

Dicta Dei demonstrant filium,

Sorti tuae me, quaeso, adplica

Cum extremum erit iudicium.

3. Ave, in quem gens adversaria

Insurrexit crebro fallaciter,

Tela hostis persecutoria

Declinare fac me sagaciter.

4. Ave, qui virorum gementium

Frontes insignasti Tau litera,

Ne in iram ruam frementium,

Cruce muni me salutifera.

5. Ave, in quem

spem nostram ponimus,

Qui sequentes te semper liberas,

In te corda nostra dirigimus.

Ut ad preces aures aperias.

G. Ave, o salvator piissime,

Tua morte restaurans vetera,

A tormentis mentis me exime,

Quibus premor ob mea scelera.

7. Ave, leo stirpis Davidieae,

Propheliae solvens signacula,

Ne in pravitatis haereticae

Cadam, me conserva, pericula.

8. Ave, calcans torcular fortiter,

Ex quo fluunt

iustorum praemina,

Te ex corde peto humiliter,

Ne incurram Stygis supplicia.

9. Ave, Iesu, quem amphisaepere

Tota mundi non potest fabrica,

Tuae crucis solve charactere

Adligatos catena hostica.

10. Ave, per quem hostis insidiae

Declinantur a tuis cautius,

Virus, precor, aufer invidiae

Serpentino veneno noxius.

11. Ave, Iesu, per bona opera

Salvandorum ditans pauperiem,

Mea vane consumpta tempora,

Da,perbonam vitam recuperem.

12. Ave, qui venisti a superis,

Aperire caecorum oculos,

Volutantes nos in bis tenebris

Declinare fac caute subdolos.

13. Ave, florulente sanguineis

Guttis, pugnans

pro nobis strenue,

Me venenis tinctum vipereis

Miseratus precantem ablue.

14. Ave, Iesu, cuius benignitas

Vitam mavult

quam mortem impii,

Poenas nobis relaxa debitas,

Locum praebens aeterni gaudii.

15. Ave, cuius nos fructnaria

Caro ducit ad vitam caelibem,

Potestate ne adversaria

Opprimamur, fer opem celerem.

16. Ave, Iesu, qui piis auribus

Audis tuo redemptos sanguine,

Me, qui premor ab adfligentibus.

Tuo protegas obumbramine.

17. Ave, Iesu, per mansuetudinem

Tuos clemens

auscultans supplices,

Preme tuam per fortitudinem

Inimicum et eius complices.

18. Ave, cuius radix fontanea

Iustis praestat fructus iustitiae,

Carnem textam compage terrea

Menti subde per dona gratiae.

19. Ave, cuius carnis litamine

Est placata summa divinitas,

Solve nos a mentis ligamine,

Quo nos vinxit hostis atrocitas.

20. Ave, cuius sanguis terrigenas

Iungat choris caelestis curiae,

Da vincentes bostes multigenas

Laureamur corona gloriae.

21. Ave, qui in crucis patibulo

Pependisti nudatus vestibus,

Obumbramen da tuo servulo,

Qui turbatur a persequentibus.

22. Ave, Iesu, mentis indiguae

Salus, amor et consolatio,

Nos in locum perducas pascuae,

Beatorum quo est refectio.

23. Ave, Iesu, qui Deus Sabaoth

In prophetis frequenter diceris,

Ab immundo defende Beemoth,

Nos ne foedet squalore Veneris.

24. Ave, qui pro vitae tutamine

Es in regna latus Canopica,

Delictorum mentem atramine

Obfuscatam sollerter albica.

25. Ave, qui vitiorum delubrum

Dissolvisti per rorem gratiae,

Tortuosum da vincam colubrum,

Qui me strinixit cauda lasciviae.

26. Ave, cuius praeclaram faciem

Sancti concupiscunt prospicere,

Meis, quaeso.

propinquis requiem

Praesta, qui teguntur in funere.

27. Ave, benedicte per saecula,

Qui in patris venisti nomine,

Tous tibi supplicat assecla,

Adnlantum ne cadat famine.

28. Ave, cuius omnipotentia

Maiestatis mundo innotuit,

Cum de nube patris sententia

In baptismo tuo intonuit.

29. Ave, Iesu, qui recte dicere

Mediator Dei et hominum,

Vinculatos educ de carcere,

Qui purgantur ardore criminum.

30. Ave, qui de massa pulverea

Potestate formasti hominem,

Me exutum, mole corporea

Fac gustare tuam dulcedinem.

31. Ave, Iesu qui per sanguineum

Nos sudorem ad caelosrevocas,

Motum luxus exstingue igneum

Ac livoris faces fumificas.

32. Ave, quem pro-

sequuntur laudibus,

Continentur qui caeli ambitu,

Nos renatos aquis vitalibus

Septiformi informa spiritu.

33. Ave, Iesu, quem benedicere

Non cessabunt sancti in superis,

Ne nos patiaris succumbere

In adversis neque in prosperis.

34. Ave, qui Iudaeis venumdari

Voluisti vili numismate,

Nos, quos cernis

hoste circumdari,

Scripturarum conforta dogmate.

35. Ave, fons aquarum viventium,

Quae in praeceps

fluunt de Libano,

Mentes ad te confugientium

In eorum conforta termino.

36. Ave, Iesu qui nos assidue

Ad te vocas lege bifaria

Laudes tibi promentes strenu ,

Praebe usui necessaria.

37. Ave, Iesu qui culpas abluis

Supplicantum tibi humiliter,

Nos a poenis serva perpetuis

Et aeterna bona da largiter.

38. Ave, per quem captis remissio

Praedicata est ac exhibita,

Sic ornetur mea locutio,

Dilabatur ne in prohibita.

39. Ave, Iesu, qui ad agalmata

Angelorum

fers drachmam decimam,

Precis meae sint thymiamata

Tibi grata

ob spem firmissimam.

40. Ave, flos, qui ab horto caelico

Oluisti per mundi climata,

Me odore tuo vivifico

A peccati morte resuscita.

41. Ave, qui confregisti tartara

Angelorum stipatus acie,

Me turbatum, precor, exhilara,

Ne ignava turper segnitie.

42. Ave, Nazarene, lux Bethlehem,

Omnis boni decus egregium,

Agonizans ne fide titubem,

Lucis tuae immitte radium.

43. Ave, qui sudorem sanguineum

In agone fudisti positus,

Observantes meum calcaneum

Hostes tuis prosterne viribus.

44. Ave, Iesu, decorus specie

Filiorum prae natis hominum,

Ensem mihi praesta constantiae,

Temptamenta

quo vincam daemonum.

45. Ave, Iesu, fons, cuius impetus

Civitatem Dei laetificat,

Rivis aquae nos sancti spiritus

Pota, quos hic latex significat.

46. Ave, qui ad

regnandum perpetim

Ascendisti cum summa gloria,

In excessus

nos perduc Beniamin,

Contemplemur quis te in patria.

47. Ave, qui es in templum Domini

Praesentatus ritu Iudaico,

Innitentes defende nomini

Tuo vento ab aquiloni eo.

48. Ave, cuius os sapientiam

Est locutum turbis fidelium,

Linguae meae da eloquentiam

Veri, pravum frenans eloquium.

49. Ave, cuius manifestatio

Exspectatur iudiciaria,

Tua assit tunc consolatio,

Gloriemur qua caeli gloria.

50. Ave, Iesu, cuius vocamine

Propelluntur hostis conamina,

Gratiarum aquae aspergine

Mentis meae lava cavamina.