Acta Benedicti Pp. XVI 715

exegesim scientificam et lectionem divinam. Immo exhinc quaedam exoritur

haesitatio in homiliis quoque apparandis ».112 Praeterea affirmandum est

quod hoc discidium aliquando incertitudinem gignit et exiguam soliditatem

in itinere formationis intellectualis etiam apud quosdam candidatos ad

ecclesialia ministeria.113 In summa, « quoties exegesis non est theologia,

Scriptura anima theologiae fieri nequit, versaque vice, quoties theologia

non est essentialiter interpretatio Scripturae, haec theologia fundamento

caret ».114 Quocirca firmiter redire oportet ad annotationes quas huiusmodi

Constitutio dogmatica Dei Verbum tradit diligentius perpendendas.

Fides et ratio ad Scripturam conveniendam

36. Nostro quidem iudicio, conferre possunt ad perfectiorem comprehen-

sionem exegesis et ideo eius vinculi cum universa theologia, ea quae Summus

Pontifex Ioannes Paulus II ad rem edocuit in Litteris Encyclicis Fides et

ratio. Affirmabat enim quod « non est porro subaestimandum periculum quod

inest in proposito quodam sacrae Scripturae veritatem eruendi ex una tan-

tum adhibita methodologia, necessitate neglecta latioris exegesis, quae una

cum tota Ecclesia ad textus plene intellegendos accedere sinat. Quotquot in

sacrae Scripturae studium incumbunt prae se usque ferre debent varias

methodologias explanatorias in aliqua ipsas etiam inniti opinatione philoso-

phica: est illa acumine pensitanda antequam sacris scriptis aptetur ».115

Haec provida meditatio ansam nobis praebet ad notandum quomodo in

aditu hermeneutico ad sacram Scripturam necessario in discrimine versetur

rectum vinculum inter fidem et rationem. Etenim hermeneutica saecularizata

sacrae Scripturae in actu ponitur a quodam conceptu qui suam ob structu-

ram impedire optat, nempe, quominus Deus ingredi possit in vitam hominum

et humanis verbis hominibus loquatur. Itaque in his quoque adiunctis hortari

necesse est ad spatia propriae rationalitatis dilatanda.116 Hac de re in adhiben-

dis methodis investigationis historicae vitandum est ne suscipiantur, si quae

affuerint, criteria quae praeiudicialiter sese opponant revelationi Dei in vita

112 Ibid. 113 Cfr. Propositio 27. 114 Benedictus XVI, Allocutio in XIV Congregatione Generali Synodi Episcoporum (14 Octo-

bris 2008): Insegnamenti IV, 2 (2008), 493-494. 115 Ioannes Paulus II, Litt. enc. Fides et ratio (14 Septembris 1998), 55: AAS 91 (1999),

49-50. 116 Cfr. Benedictus XVI, Allocutio ad IV Conventum Nationalem Ecclesiae in Italia (19 Octo-

bris 2006): AAS 98 (2006), 804-815.