Acta Francisci Pp. 345

quaeque numquam esse possit dominatus obiectum cuiuslibet hominis. Vi-

tam in quocumque eius gradu tuetur familia, etiam cum ad exitum vergit.

Quocirca « in sanitatis structuris operantes de morali officio monentur con-

scientiae obiectionis. Eodem quidem modo Ecclesia non solum necessitatem

animadvertit iuris confirmandi mortis communis, vitatis medicamentorum

obstinatione et euthanasia », sed etiam « capitalem poenam firmiter respuit ».93

84. Confirmare etiam voluerunt Patres « unam de maximis provocatio-

nibus, quibus occurrere debent familiae hodie, esse utique educationem,

quae propter praesentem culturam et communicationis socialis magnum

instrumentorum pondus laboriosior fit et implicatior ».94 « Ecclesia magni

pretii sustinet partes, familiis opem ferens, a christiana initiatione inci-

piens, per recipientes communitates ».95 Attamen in primis Nobis videtur

memorare integram educationem filiorum « officium gravissimum » ac simul

« ius primarium » esse parentum.96 Non solummodo agitur de munere aut

pondere, sed etiam de praecipuo iure quod aliis demandari non potest, quod

tueri debent parentes quodque nemo ab eis auferre quodam sub obtentu

debet. Publica potestas educationis servitium subsidii in modum praebet, ad

parentes necessario attinens munus comitandi, qui ius habent educationis

- in promptu quidem quae sit et qualitatis - genus libere eligendi, quam

ad suam mentem filiis ministrare volunt. Schola in parentum locum non

supponitur, sed est eorum supplementum. Praecipuum est hoc principium:

« Quivis alius in educationis cursu cooperator, parentum nomine, eorum con-

sensu et quodammodo etiam eorum mandato agere debet ».97 Attamen « inter

familiam et societatem, inter familiam et scholam, hiatus quasi infinditur;

educationis foedus hodie est fractum; et sic educationis pactio societatis

cum familia in discrimine versatur ».98

85. Per congruam pastoralem actionem ad cooperandum vocatur Eccle-

sia, ut parentes ipsi suum educationis munus exsequi possint. Quod cum facit,

semper eos adiuvare debet ut peculiare eorum officium frugifere evolvatur,

et agnoscatur eos, qui matrimonii sacramentum receperint, veros fieri edu-

93 Rel Fin 2015, 64. 94 Rel Syn 2015, 60. 95 Ibid., 61. 96 Codex Iuris Canonici, c. 1136; cfr Codex Canonum Ecclesiarum Orientalium, c. 627. 97 pontificium conSilium pro familia, Sessualità umana: verità e significato (8 Decembris

1995), 23. 98 Catechesis (20 Maii 2015). L'Osservatore Romano, 21 Maii 2015, p. 8.