DE SERENA ET S. IACOBI DE CHILE 30

pollentibus, qui utile ministerium praebere poterant ubi extre- ma erat Sacerdotum penuria. E contra Sacerdos Germanus ea non utitur valetudine, ut possit satisfacere Episcopi pe- titioni; ubi vero in praesentiarum moratur, sacerdotale mu- nus, equidem, explet, quum officio Cappellani fungatur et Praeceptoris, explanando Fidei rudimenta in collegiis saecu- laribus, scilicet « Escuela Militar » - « Application Practica » et « Liceo Amunategui ».

Si vero Sacerdoti Germano magnopere arridet domicilium Sancti Iacobi, maxime quia ita subvenire facile valet sororis male affectae valetudinis necessitatibus, quae a viro parum habet solatii in longinquis fere semper agente, sane hoc non videtur fratri Sacerdoti succensendum, quasi legi sanguinis nimium indulgeat ; siquidem hoc nullibi clericis vetatur, quando exinde sacerdotalia munia non pessumdent.

Quibus animadversis, propositum fuit diluendum

Dubium

An Episcopi Decretum sustineri debeat in casu. R E S O L U T I O Sacra C C . re disceptata sub die 25 Ianua-

rii 1896 censuit respondere: Supplicandum SSmo pro gratia excardinationis Sacerdotis Donoso.