Quinquagena II.

51. Ave, Iesu, in cuius laudibus
Gloriamur caelorumneumatum,
Da, ne hostis fallamur fraudibus
Neque dolis eius satellitum.

52. Ave, Iesu, cuius ventilabro
Secernemur iusti ab impiis,
Da, ne rursum foeder volutabro
Noxae victus concupiscentiis.

53. Ave, cuius mortis per stigmata
Confortamur in belli acie,
Nostra sumens holocaustamata
Rorulentos fac imbre gratiae.

54. Ave, cuius per mortis merita
Liberamur a mundi turbine,
Da, peccata milii inolita
Tuo fretus vincam iuvamine.

55. Ave, Iesu, qui quinque vulnera
Es perpessus crucis patibulo,
Gratiarum da nobis munera,
Ut laudemus te voto sedulo.

56. Ave, Iesu, thronis aethereis
Introducte tua potentia,
Irretitos venantum laqueis
Tua solvas misericordia.

57. Ave, Iesu, cuius mors inclita
Serpentino succurrit morsui,
Freno legis tuae debilita
Reluctantem carnem spiritui.

58. Ave, qui cum inferni principe
Passionis certasti gladio,
Me a foro ipsius eripe,
Quando mundi tollar de medio.

59. Ave, benedicte a saeculo,
Quo palantur hostis versutiae,
Concertanti tuo tirunculo
Armamentum da patientiae.

60. Ave, qui nos a domo carceris
Liberasti per fortitudinem,
Da, ne mundilevemur prosperis,
Nec adversa

gignant formidinem.

61. Ave, fortitudo languentium
Tuis praestans hic patrocinia,
A languore conserva mentium
Recolentes tua praeconia.

62. Ave, fili David symphonidis,
Ex intacta genitus virgine,
Nos abstiactos horto Adonidis
Gratiarum reple dulcedine.

63. Ave, gratiarum fons omnium,
Cuius fundum est inscrutabile,
Inimicum enerva bestium,
Qui frequenter

nos tentat subdole.

64. Ave, Iesu, qui verbis acriter
Blasphematus es multis vicibus,
Te colentes hymnis alacriter
Ab amaris defende casibus.

65. Ave, sator casti consilii,
Quod implentes

meremur gloriam,
Incolarum huius exsilii
Esto redux ad caeli patriam.

66. Ave, Iesu, qui nos charactere
Tui sancti signasti nominis,
Nos ad viam velis dirigere
Errabundos instinctu daemonis.

67. Ave, qui post mortis supplicia
Eduxisti vinctos de carcere,
Sed nunc regnans in caeli gloria
Tuo sacro nos reple munere.

68. Ave, cuius cruore roseo
Expiantur mundi facinora,
Me, quilatam viamnunctranseo,
Fac per arta ire itinera.

69. Ave, cuius mortis antidotum
Restauravit thronos aethereos,
Paradisi mitte praepositum
Ad pellendum hostes tartareos.

70. Ave, cuius sub tirocinio
Reparatur mens olim profuga,
Vitam meam oppressam senio
Legi tuae nunc saltem subiuga.

71. Ave, qui es cultu regifico
Adoratus a tribus regibus,
Nos ab hoste salva terrifico
Opem ferens te adorantibus.

72. Ave, Iesu, cuius creamine
Constant caeli, terrae et maria,
Insignitum tua imagine
A fortuna serva contraria.

73. Ave, finis atque principium
Carens fine atque initio,
Caeli nobis da municipium
Ab inferni conservans crucio.

74. Ave, Iesu, quo latex aqueus
Est in vini versus dulcedinem,
Sacramenti tui nectareus
Potus mentis lavet putredinem.

75. Ave, cuius tonant praeconia
Mundi partes per quadrifarias,
A colente crucis insignia
Cunctas hostis depelle furias.

76. Ave, Iesu, qui plurifariam
Ad te trahis beandas animas,
Mentis meae abrade scoriam,
Quae est indurata ut adamas.

77. Ave, petra, ex cuius latere
Fons effluxit aquae et sanguinis,
Legem tuam fac nos exquirere
Per lustramen aeterni flaminis.

78. Ave, Iesu, qui Adae debitum
Tua morte solvisti inclita,
Peccatorum me fasce obrutum
Pietate leva ingenita.

79. Ave, cuius per mortem carneam
A peccatis mundus absolvitur,
Serva per te plantatam vineam,
Quam inferni fera depascitur.

80. Ave, cuius, per carnis alimen
Impinguantur iustorum animae,
Omne meum, exoro, genimen
A tormentis aeternis redime.

81. Ave, cuius poenae acerbitas
Reformavit polorum limites,
Sanctae lucis tuae vicinitas
Tenebrarum fugat satellites.

82. Ave, cui aequiparabile

In creatis rebus non repperi,
Nomen tuum per ineffabile
A fermento nos purga veteri.

83. Ave, qui in vita perpetua
Laetabundis laudaris vocibus,
Caro mea luxu circumflua
Torreatur amoris facibus.

84. Ave, modo inaestimabili
Ex intacta qui natus virgine,
Mihi, quaeso, succurre flebili,
Qui astringor mentis gravedini.

85. Ave, o laborantum requies
Sedens sedem super aetheram,
Curvos rege viarum tramites,
Rectae vitae dans sequi lineam.

86. Ave, petra, de qua ecclesiae
Sanctus Paulus

stravit fundamina,
Rege me contectum canitie
Legis tuae per moderamina.

87.Ave, Iesu, cuius almifama
Nos a lacu redemit passio,
Nos, tum redis

nube fiamiuivoma,
Beatorum iunge consortio.

88. Ave, proles David et Abrahae,
Alvo natus sacratae virginis,
A malorum me sorte abstrahe,
Ne deturper foetore criminis.

89. Ave, in quem fecerunt impetum
Iudaeorum manus sacrilegae,
Propinquorum atque sodalium
Vitam, precor, meorum dirige.

90. Ave, Iesu, qui te precantibus
Semper clemens

praestas subsidia,
Ab bac vita nobis meantibus
Angelorum mitte solacia.

91. Ave, sator bonorum seminum,
Quibus hortum plantas ecclesiae,
Statum eius reforma pristinum,
Fructum illi praestans iustitiae.

92. Ave, civitatis uranicae

Pulchritudo, sol atque gaudium,
Insurgentes in nos bararice
Tuum. precor,

frenet praesidium.

93. Ave, Iesu, iudex aequissime,
Ultionum Deus qui diceris,
Meae consolamen da animae
Sepulturam post mei funeris.

94. Ave, quem adorat ecclesiae
Omnis aetas, sexus et dignitas,
Gratulari aeterna requie
Tua nobis praestet benignitas.

95. Ave, cuius laus indelebilis
Cuncta durat per aevi saecula,
Te exoro, Iesu amabilis,
Mihi assis in mortis horula.

96. Ave, Iesu, nostra spes unica,
Lumen verum de vero lumine,
Laudi tuae me totum dedica,
Mentem tuo replens amamine.

97. Ave, cuius nomen percelebre
Claret cunctis in terraefinibus,
Fac devote me tibi psallere
Voce psalmi, tubis ductilibus.

98. Ave, qui idcirco nos percutis,
Ut correctos a morte redimas
Absolvendo a suis debitis,
Nostras perduc

ad caelos animas.

99. Ave, Iesu, in quem haereticae
Olim sectae latrarunt perfide,
Iubilantem tibi symphonice
Veritatis circumda aegide.

100. Ave, Iesu, qui mundi tenebras
repulisti surgens diluculo,
Animarum septem mortiferas
Corruptelas aufer a servulo.