Acta Apostolicae Sedis - Commentarium Officiale716

hominum. Coniunctio duorum graduum operis interpretativi sacrae Scriptu-

rae secum fert, in conclusione, congruentiam inter fidem et rationem. Alia ex

parte requiritur talis fides ut, servans conveniens vinculum cum recta ratio-

ne, nullo umquam tempore incidat in fideismum, qui quatenus ad Scripturam

fautor fieret lectionum intolerantiae. Alia autem ex parte requiritur talis

ratio ut, scrutans elementa historica in Bibliis insita, apertam se ostendat

et non reiciat in antecessum a priori omnia quae propriam mensuram exce-

dant. Ceterum, religio incarnati Logos non poterit non se praebere penitus

rationalem coram homine qui veritatem et extremum sensum propriae vitae

et historiae sinceriter scrutatur.

Sensus litteralis et sensus spiritualis

37. Notabilis quaedam contributio ad instaurandam congruentem

hermeneuticam Scripturae, uti affirmatum est apud Coetum synodalem, pro-

venit quoque ex novata auditione Patrum Ecclesiae eorumque aditus exege-

tici.117 Etenim Patres Ecclesiae etiam hactenus nobis exhibent theologiam

magni ponderis, quoniam in eius cardine volvitur studium sacrae Scripturae

in eius integritate. Patres enim in primis et essentialiter sunt « divinorum

librorum tractatores ».118 Eorum « exemplum docere potest huiusce nostrae

aetatis explanatores aditum vere religiosum sacrae Scripturae, itemque inter-

pretationem quae constanter persequitur communionis criterium cum Ec-

clesiae experientia, quae per historiam ambulat Spiritus Sancti ductu ».119

Quamvis ignorans, ut patet, fontes naturae philologicae et historicae quae

hodiernae exegesi in promptu sunt, traditio patristica et mediaevalis bene

noverat diversos sensus Scripturae, initium sumens a sensu litterali, id est, « a

sensu deprompto ex verbis Scripturae et reperto per exegesim quae rectae

interpretationis regulas sequitur ».120 Verbi gratia, Thomas Aquinas ait:

« Omnes sensus (sacrae Scripturae) fundentur super litteralem ».121 Me-

moretur tamen oportet quod patristica et mediaevali aetate quodlibet

genus exegesis, etiam litteralis, agebatur sub fundamentis fidei et distinctio

117 Cfr. Propositio 6. 118 Cfr. S. Augustinus, De libero arbitrio, III, XXI, 59: PL 32, 1300; De Trinitate, II, I, 2: PL

42, 845. 119 Congregatio de Institutione Catholica, Instr. Inspectis dierum (10 Novembris 1989), 26:

AAS 82 (1990), 618. 120 Catechismus Catholicae Ecclesiae, 116. 121 Summa Theologiae, I, q. 1, art. 10, ad 1.