Acta Apostolicae Sedis - Commentarium Officiale602

auctus est. Cappellanus additicius nominatus, Lubecam apud ecclesiam

Sacratissimi Cordis Iesu missus est, ubi ministerium sacerdotalem sub illo

«Totus pro Christo rege » nava sedulitate, infinito ardore et singulari missio-

nario afflatu explevit. Hilaris suae indolis et iocosae, necnon constantis ad

plenam suipsius pro aliis oblationem proclivitatis causa, operariorum atque

opificum fiducia Servus Dei potitus est et praesertim firmus benignusque

spiritualis iuvenum moderator exstitit. Ob placidae - uti dicitur - mortis

accelerationis consilia, ob odium fidei christianae et persecutiones sub obten-

tu differentiae nationis instanter patratas, nefarium nazistarum regimen im-

pavide asperrimeque impugnavit. Quapropter, a delatore quodam ex custo-

dibus curiosis proditus, comprehensus est et Marstalli in carcerem coniectus.

Servus Dei Hermannus Lange die 16 mensis Aprilis anno 1912 Leriis

natus est e familia optimi ordinis profunda christiana pietate informata.

Iam inde ab adulescentia ardens desiderium percepit sacerdotem se conse-

crandi, quod die 17 mensis Decembris anno 1938 presbyterali ordinatione

prospere consummavit. Insequenti anno, Vicarii munere insignitus, Lubecam

apud ecclesiam Sacratissimi Cordis Iesu missus est et ipse, sicut uterque

frater conservus supra memoratus, praesertim pastoralibus pro bono iuve-

num vacans negotiis et, eodem modo, seditionis contra regimen conflandae

coargutus. Hermannus vinculis oneratus confestim Laverii Curiae in carce-

rem coniectus est, ubi indicta causa capite damnatus est.

Servi Dei die 10 mensis Novembris anno 1943 Hamburgi perempti sunt.

Magna invidia, qua Partis Nationalis Socialistae asseclae erga religionem

atque Ecclesiam catholicam conflaverunt, in verum odium fidei annis eorun-

dem imperii transiit usque ad funestam persecutionem fidei christianae, quae

coetus operaque religiosa, cultus licentiam et liberum aditum Ecclesiae ad

instrumenta communicationis tradendae multis exceptionibus et angustiis

vexabat. Quae impedimenta in Dioecesim quoque imposita sunt, ubi Ioannes

Henricus Gulielmus Prassek, Andreas Paulus Eduardus Müller et Hermannus

Lange muneribus fungebantur suis, Lubecae iuvenibus in spiritualibus mode-

randis assidue attendentes, quibus enim occasiones religiosae institutionis

plures subiciebant, semper fida rectaque ratione animati virtutes et mandata

Christi inter iuvenes diffundendi. Hanc autem pastoralem curam, utpote quae

regimini hostilis videbatur, semper nazistae invisam habuerunt, qui propterea

Servos Dei iugiter insectati sunt et usque ad carcerem atque ad tormenta et

mortem obtrectaverunt. Qui vero numquam animo defecerunt, Deo innixi,

super viam evangelizationis prosequentes, neque etiam in ferissimis atrocis