35. De sancto Hieronymo.

In 1. Vesperis.
Antiphonae.

1. Iucundare Bethlehem,

Effrata beata,
Quae sursum es, Ierusalem,

Plaude, mater grata,
Nam doctor ineffabilis

Caelestis facetiae
Columnaque mirabilis

Totius ecclesiae,
Te lustrat Ieronymus

Prodigiis insuetis,
Decorat in fastigiis

Te gaudiis praelaetis.
2. Graecorum hic et Arabum,

Persarum, Chaldaeorum
Noverat potissimum

linguas, Hebraeorum,
Scivit quasi literas

cunctarum nationum,
Perfecte quoque studuit

artes liberales,
Tunc mundus non habuit

sibi coaequales.
3. Nota fecit populis

Utraque testamenta,
Angularis lapidis

Stravit fundamenta,
Ex Hebraea transfert ea

Lingnam in Latinam,
Magnam curam ad scripturam

Habuit divinam.

4. Almus eum spiritus
Scripturis erudivit,
Et per eum Dominus
Ecclesiam sanxivit,

Et in tantum ceteros

Doctores transilivit,
Quod nescivit Ieronymus,

Natura nulla scivit.
5. Corde te. sanctissime

Rector veritatis,
Petimus humillime,

Subveni renatis,
Qui malleus haereticae

Fuisti pravitatis,
Te laudantes protege,

Iungito beatis.

Ad Magnificat.

A. O florens Dalmatia,

Quae germen vincens edidit,
Balsami dulcorem,
Dum doctorum facula,
Ieronymus, emicuit,
Veri fontis rorem
Infundens fidelibus,

Scribens, transferendo,
Non paucas rixas levibus

Verbis resecando;
Vastam tenens eremi

Bis annis laete binis,
Carnem quivit conteri

Inediis supinis,
Demum remeans Bethlehem
Bibliothecam summo
Studio compilavit;
Anhelans ad requiem
Aetatis octogesimo
Felix anno migravit.
Doctorum flos ex nomine,
Tuis opem supplicibus
Fer ad gaudiosa,

Pater dulcis Ieronyme,
Supernis apicibus

Nos iunge, nunc vitare
fac damnosa.

Ad Matutinum.
Invitatorium.

Hymnizemus hodie

Christo vero regi,
In psalmorum carmine

Iubilemus ei,
Qui transvexit inclitum
Ad caelos Ieronymum.

ln 1. Nocturno.
Antiphonae.
1. Cathedra pestilentiae

Hic doctor nunquam legit,
Sed verbo sapientiae
Vulpeculas abegit,
Demolientes vineam
Domini confregit.
2. Fremebant haeretici
Contra virum Dei,
Perversi quoque clerici

Illudebant ei,
Quorum unus posuit

Pravis in exemplum
Evae vestem, induit

Quam sanctus intrans tem-
plum.
3. Nimis multiplicati sunt
ipsum tribulantes,
Haeretici cum clericis

luxui vacantes,
De Roma dum proiciunt

sanctum blasphemantes,
De doctrinis caelicis
minime curantes.

Responsoria.

1. Ieronymus, verberibus
Vanis de codicibus
A Christo revocatus

Praeventusque muneribus
Et pascuis uberibus

Ab eo deputatus,
Ad matris ecclesiae

Ponenda fundamenta
Dum transtulit summopere

Utraque testamenta.
V. Iam duplicata Domino

Reddidit talenta,
Salubria nam populo

Dedit documenta.

2. Grandescit vir sanctissimus

In sanctitatis vita,
Ieronymus mitissimus,

Felix eremita;
Hic per quadriennium

Fit socius ferarum,
Pascitur ex fructibus

Et foliis herbarum,
V. Sic fiebat venialia

Levissima peccata,
Tamquam homicidia

Forent perpetrata.

3. Nunquam lectum alium

Quam terram ipse scivit,
Pisces, cibos carnium

Nunquam concupivit,
Saccoque cilicio

Membra sic contrivit,
Ut sanguinis effusio

In die ter abivit;
V. Carnem sic spiritui

Ieronymus subiecit
Et magna mirabilia

In vita sua fecit.

In 2. Nocturno.

Antiphonae.

1. Sanctum suum Dominus
Signis mirificavit,
Ipsum die obitus

Quidam blasphemavit,
Quem ultio divinitus
In lignum transmutavit.

Et ignis lapsus caelitus

Hunc incineravit.
2. Sepulcrum patens undique

Guttur haereticorum
Obstruxit mirifice,

Dum trium mortuorum
Per eum Eusebius

Suscitavit corpora,
Qui fatebantur plenius

Nequissimorum opera.
3. Honore cum gloria

Post mundi tropaeum
Et duplici aureola

Coronasti eum,
Virginum coronula

Sertoque doctorum,
Huius, Christe, per merita

Memento renatorum.
Responsoria.
1. Adpropinquante tempore

Dissolutionis
Discipulis magnopere

Compos rationis
Dixit: dilectissimi

Fratres caritatis,
Ad praesepe Domini

Me sepeliatis
V. Et corpus dominicum

Statim adferatis,
Desidero potissimum,

Me reficiatis.
2. Corpus cum salvificum

Vir sanctus recepisset
Simeonis canticum

Et vix complevisset,
Instar solis radius

Subito refulsit,
Vox elapsa caelitus

Talia deprompsit:
V. Veni, dilectissime,

Serve mi fidelis,
Iam delicatissime

Laetaberis in caelis.
3. Hippone dum in cellula
In huius mortis horula

Sederet Augustinus,

Anima sanctissimi
Apparuit Ieronymi

Splendor ut divinus,
Praeconceptam quaestionem
Solvendo per rationem

Caelitus expertam.
V. De caelesti hierarchia
Hunc instruxit hic in via

Unitatem trinitatis

Declarando sibi satis.

In 3. Nocturno.
Antiphonae.
1. Habitavit sedulo
In Dei tabernaculo

Ieronymus insignis,
Palam quoque clanculo
Restitit in saeculo

Perversis et malignis.
2. De pretioso lapide
Coronam in capite

Eius posuisti,
Vitae longitudinem
In caelo, terra caelibem

Ei tribuisti.
3. Populi, laetamini,
Et vos elevamini,

Portae aeternales,
Transit de sublimibus
Ieronymus concivibus

Ad nuptias regales.

Responsoria.
1. Venit baptista salvatoris
De supernis caeli choris
Cum sancto Ieronymo
Dicens Augustino:
Hic certe meus socius,
Quem tu vides, Ieronymus,
Aequalis mihi oppido
Est in caeli gaudio.
V. Sicut Deum video,
Sic et ipse videt,
Cognoscit et intellegit,
Non amplius formidet.
2. Silvanus praesul inclitus
Et Sabinianus

Haereticus nequissimus

Sub tortoris manus
Se obligabant mutuo

Errore pro haeretico;
Sanctus praesul educitur,
Et gladius mox rapitur

Per manus sanctissimi

Doctoris Ieronymi.
V. Increpans haereticum

Subito disparuit,
Et caput nequissimum

Mox ad terram decidit.
3. Translationis tempore
Dum coepit terram fodere

Inclitus Cyrillus,
In tumulo sic iacuit,
Ut nusquam terram attigit

Sancti viri corpus,
Quem nunc Roma fovet

in templo virginis almae.
V. Subvenias tristi

populo, Ieronyme, Christi
Doctor et amice,

tu fons nitidissimae linguae.

In Laudibus.

Antiphonae.
1. O quam credibilia
Tua testimonia

Fecit ille, Deus,
Dum pro tua vinea
Per tempora non modica
Fit Graecus et Hebraeus.
2. Summa cum sollemnitate,
Omnis terra, iubilate
Deo cum laetitia,
Qui hunc sanctum decoravit,
Sibi fidem praeparavit
Per aeterna saecula.
3. Quaesierant, sed in vanum,
Sanctum praesulem Silvanum

Tres morti perimere,
Sed ensis retrosiliit,
Quotiens hic cecinit:
Succurre, Ieronyme.

4. Omnes benedicite

Deo sacerdotes,
Et fideles psallite,

Nam ad caeli dotes
Graditur eximius
Hodie Ieronymus.

5. Collaudabant bestiae

Suum creatorem,
Dum fecit mitescere

Ieronymus leonem,
Qui venit in coenobium

Propter spinam pungentem,
Demum pascit asinum

Ligna deferentem.

Ad Benedictus.

A. Principalis spiritus,

Qui est os sanctorum,
Loquebatur caelitus

Per speculum doctorum,
Dum de petrarum medio
Magnam vocem populo

Dederat Ieronymus,
Hinc gentes et populi
Modulemur et singuli:

Benedictus Dominus.

In 2. Vesperis.

Ad Magnificat.

A. In omni terra sonuit

Ieronymi doctrina,
Nam ipse primus condidit

Officia divina,
Invisis quem prodigiis

Deus magnificavit,
Insuetis signis variis

Hunc mirificavit;
Testantur venerabiles

Cyrillus, Augustinus,
Salem, Hippone praesules,

Quod doctor hic divinus
Sit unus de sublimibus

Christi summi regis

Hierarchiae civibus
Et sacrae norma legis.

O sacer Ieronyme,
Nos iunge regi gloriae.