Congregatio de Causis Sanctorum 603

suae custodiae diebus ullo modo munera ministerii sacerdotalis praetermit-

tentes: Servi Dei, enim, etiam intra muros cellae detenti, pane et vino furtim

subintroductis, Eucharistiam celebrare et sacramentum Reconciliationis,

quorum animarum fuit solacium et dilectio, aliis captivis ministrare non

remiserunt. Ultimis diebus ante exsecutionem una eorum cura fervens

suipsius oblatio Domino fuit in immanis intimique Christi et Ecclesiae amoris

renovatione. Martyrium eorum sanctitatis et honestatis vitae fuit exitus,

quam omnino in divinae voluntatis perquisitione et consummatione et in

indefesso misericordis ministerii pastoralis exercitio degerunt.

Hanc ob martyrii famam apud Curiam Hamburgensem a mense Novem-

bri anni 2004 ad mensem Novembrem anni 2005 confecta est celebratio

Inquisitionis dioecesanae super martyrio Servorum Dei, cuius auctoritas

et vis iuridica a Congregatione de Causis Sanctorum Decreto diei 4 mensis

Maii anno 2007 probatae sunt. Positione confecta, iuxta suetum morem,

die 7 mensis Novembris anno 2009, in Congressu Peculiari Consultorum

Theologorum prospero cum exitu disceptatum est an Servorum Dei mors

verum martyrium fuisset.

Patres Cardinales et Episcopi in Sessione Ordinaria diei 8 mensis Iunii

anno 2010 habita, audita relatione Excellentissimi ac Reverendissimi Domini

Andreae Mariae Erba, Episcopi emeriti Veliterni - Signini, Causae Ponentis,

agnoverunt Servos Dei in odium fidei ob fidelitatem erga Christum ab ipsis

confessam interemptos esse.

De hisce omnibus rebus, referente infrascripto Archiepiscopo Praefecto,

certior factus, Summus Pontifex Benedictus XVI, vota Congregationis de

Causis Sanctorum excipiens rataque habens, hodierno die declaravit:

Constare de martyrio eiusque causa Servorum Dei Ioannis Prassek, Andreae

Pauli Eduardi Müller et Hermanni Lange, sacerdotum dioecesanorum, in casu

et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 1 mensis Iulii A.D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis