Congregatio de Causis Sanctorum 307

MATRITENSIS

Beatificationis seu Declarationis Martyrii Servorum Dei Andreae a Palazuelo (in saeculo: Michaë lis Francisci González González) Sacerdotis Professi Ordinis Fratrum Minorum Capuccinorum et XXXI Sociorum († 1936)

DECRETUM SUPER MARTYRIO

« Stantes ante thronum et in conspectu Agni, amicti stolis albis, et palmae

in manibus eorum; et clamabant voce magna dicentes: "Salus Deo nostro,

qui sedet super thronum, et Agno" » ( Ap 7, 9-10).

Iter Martyrum, secundum divinationem illius Patmi vaticinatoris, in

Dei et Agni immolati laudis hymno perficitur. Hac in egregia multitudine

fuerunt et Servus Dei Andreas a Palazuelo, in saeculo Michaël Franciscus

González González, et comites sui, qui in Ecclesia et in mundo martyrii

corona refulgent. Isti enim, cum in Hispania primae partis saeculi vicesi-

mi vexatio contra religionem saeviret, Christo extremum fidei et amoris

testimonium perhibuerunt, nec minime recesserunt ante crudelitatem ac

iniquitatem sanguinemque suum cum sanguine Divini Agni comiscuerunt.

Illis politicis condicionibus, quibus discriminatio et persecutio insolen-

ter dominabantur, Dei Servi omnino sciebant fidem suam et regimen vitae

religiosae satis esse, ut ad mortem perducerentur. Amor in Christum et

eorum fidelitas in religiosam professionem numquam defecerunt. Obstricti

sunt ad confligendum cum duritia inhumanae doctrinae, conscii tamen erant

se Agnum in viam crucis secuturos esse, ante carnifices summam animi

vim ostenderunt nec minima labes visa est. Fidens commendatio in Dei

voluntatem eorum in corde inconcussa semper fuit.

Pater Andreas a Palazuelo fere decurio istius delectae legionis existi-

matur. Natus est die 8 mensis Maii anno 1883 et vestem fratrum Minorum

Capuccinorum in Hispanica provincia Castellae anno 1899 sumpsit et perpe-

tuam professionem emisit anno 1903, deinde sacris ordinibus die 19 mensis

Septembris anno 1908, initiatus est. Fuit philosophiae professor, definitor,

tabularii praefectus, provincialis, scriptor et animarum moderator. Die 20

mensis Iulii anno 1936 ob ferocias, quae a turmis anarchomarxianis perpe-

trabantur contra christianam religionem, eiusdem signa et ministros, suum