37. De sancta Anna.

In 1. Vesperis.

Antiphonae.

1. Terra, pontus, astra, mundus

Laetum dent obsequium,

Ghorus psallat Iactabundus

In Annae praeconium.

2. Stirpe natam ex regali

Vir accepit nobilis

Instituto de legali,

Dignitatis parilis.

3. Sed quos foeta desperatos

Lex naturae prodidit,

Partu sacro non privatos

Rex naturae reddidit.

4. Prole tandem fecundatur

Consecratus uterus,

In quo proles consecratur

Ante partus gemitus.

5. Adjunge tibi Domina

Piae natae suffragia,

Jam Ipsis comitantibus

Nihil negabit Dominus.

Ad Magnificat.

A. Gaude mater et exsulta,

O felix ecclesia,

Dies adest, qua exculta

Ad coeli palatia

Angelorum coetu fulta

Dei transit avia.

Ora clemens, ut Indulta

Nostra sint peccamina;

Quamvis magna, licet multa,

Tua prece cedunt cuncta

Comprecante filia.

Ad Matutinum.

Invitatorium.

Adoremus Christum regem,

Quem Maria genuit,

Cujus Anna mater sancta

Hac prole resplenduit.

In 1. Nocturno.

Antiplionae.

1. Sol aeternus Annam Christus

praeelegit taliter

Genitrix ut matri suae

fieret carnaliter.

2. De stirpe patriarcharum

contraxit originem

Et sanctorum proles regum

ornavit propaginem.

3. Ex hac ollam spei nostrae

figulus composuit,

Qua decoctas dapes vitae

orbis terrae rapuit.

Eesponsoria.

1. Celebremus hodiernam

Diem cum laetitia,

Qua beata mater Anna

scandit ad coelestia,

V. De qua virgo est exorta

et vitae puerpera.

2. In redemptionis nostrae

et salutis opere

Anna felix velut radix

videtur in arbore,

V. Ex qua virga traxit ortum

pariens amygdalum.

3. Mediante Anna nobis

mediator nascitur,

In cujus nativitate

mundo salus oritur,

V. Quod promisit, adimplevit,

misereri voluit.

In 2. Nocturno.

Antiplionae.

1. Abrahae beati senis

et David promissio

Adimpleta est per Annam

in Mariae filio.

2. Hic ager, quem de supernis

benedixit Dominus,

Germinat odorem vitae

in virtutum floribus.

3. Annam Juda germinavit,

Anna virgam regiam,

Virga florem, flos decorem,

decor vitam coelibem.

Respousoria.

1. Bethlehem natale solum

matris Annae colitur,

Quae domus aeterni panis

et coelestis dicitur,

V. Qui supernos pascit cives

et in terra homines.

2. Sindonem virginitatis

Anna manu texuit.

Quam enixa maris stella

Deo patri vendidit,

V. Hic in carne patris verbum

matris esse praemium.

3. Quam jucundum et insigne

est Annae praeconium,

Dum Maria nuptiarum

dat formam coelestium,

V. Cui de ventre matris Annae

fecit Deus thalamum.

In 3. Nocturno.

Antiphonae.

1. Haec ad opus matris Christi

purpura contexitur,

De qua toga summo regi

pretiosa conditur.

2. Linea virginitatis

ex hac tela prodiit,

Verbum Dei factum caro

quam in carne subiit.

3. Dignum genitrici suae

fabricat palatium

Urbis artifex aeternae,

reparator omnium.

Responsoria.

1 . Genealogia Christi

dum texit historiam,

Ad Annam ex abundanti

respicit egregiam,

V. Ut sit meta tersa nube

et legis et gratiae.

2. Inter legis sacramenta

Salvatorem vetera

Contectum in patriarchis

diu clausit litera,

Donec virgo sine viro

genuit puerpera.

V. Mediatrix datur Anna,

quae vocatur gratia.

Grata cujus omnis mundus

sentit beneficia.

3. Felix Anna, quae prophetam

Samuelem genuit,

Sed felicior est ista,

quae Mariam edidit:

V. Illa nobis impetratum

Nazaraeum genuit,

Ista matrem Nazareni,

qui Nazareos consecrat.

Ad Laudes.

Antiplionae.

1. Ad legis metas

fideique vetus ruit aetas,

Cum genus Anna David

splendoribus irradiavit.

2. Concives, late

regi Domino jubilate,

Coelesti manna

per quem sacra vescitur

Anna.

3. Anna Deo vigilavit eo-

que lucis alumna

Hanc genuit, quae virgo fuit

vitaeque columna.

4. Ex Annae celebris

natalibus agmina plebis

Hanc habeant dotem,

sibi pacificare nepotem.

5. Laudem de caelis

exspectat quisque fidelis,

Qui meritis sanctae

refoveri postulat Annae.