37. De sancta Katharina.

In 1. Vesperis.

R. O Christi pietas,

o virtus atque potestas,
Virginis es membris

sacri fluit unda liquoris,
Unde fides aegris
infundit dona salutis,
V. Virginis ob meritum

manet hoc memorabile sig-
num.

Ad Magnificat.

A. Inclita sanctae virginis
Katharinae solemnia
Suscipiat alacriter
Pia mater ecclesia.
Ave, virgo Deo digna,
Ave, dulcis et benigna,
Obtine nobis gaudia,
Quae possides in gloria.

Ad Matutinum.
Invitatorium.

Virginis atque Dei
nato jubilemus herili,

Cui Katharina duplam
fert martyr virgoque palmam.

In 1. Nocturno.
Antiphonae.

1. Filia Graccorum,

regis Costi, Katharina,
Coetorum regis
Christi thalamo nitet alto.
2. Luce creatoris

flos et decus hoc erat orbis,
Siderea forma

cum vita menteque pulchra.

3. Divina eluit

terrena philosophia,
Artibus et libris
verboque potens deitatis.

4. Hanc multi late

cuperent regesque ducesque

5. Imminet Augustus,

tempestas Ohristicolarura,
Tunc Katharina neci
se praeparat hostia Christi.
6. Concurrit populus

fanis litare profanis,
Mors est saeva piis,
caterva resistit iniquis.

Responsoria.
1. Regna tenens patria

Christo pupilla relicta,
Alexandrina
Katharina regebat in aula,
V. Argos virgo regens,

pia, larga Deoque cohaerens.
2. Sancta virgo Katharina,
Costi regis filia,
Summo patri Deo digna
mundi sprevit gaudia,
V. Tam divinis quam humanis

erudita studiis.
3. Cogit Caesar Christi servos
libare daemonibus,
Sed tyranni virgo jussa
voce damnat libera,
V. Saevit hostis innocentes

perimens atrociter.
4. Angelus e coelo

fovet hanc cum lumine claro,
Ne timeas, virgo,
vinces, ait, auspice Christo,
V. Carceris in claustro

summus Michael radiando.

In 2. Nocturno.
Antiphonae.
1. Stat Christi testis

tantis congressa sophistis,
Spectaculum miseris
hominumque parata catervis.

2. Argumentantes

argumentosa refellit,
Destruit idolatras

et praedicat omnicreantem.
3. Rex stupet et proceres
circumfusaeque cohortes,
Vicit bellatrix
Christi, tacuere rebelles.
4. Affirmat rhetor

cunctorum vera locutam
Et solum Dominum
Katharinae rite colendum.

5. Ut Caesar vidit,

quia virgo sic superavit,
Arguit elingues
prorsus factos sapientes.
6. Rhetor magnificus

pro cunctis dixerat unus:
Non sumus hic victi,
sed Christo credere docti.

Responsoria.
1. Cum sis rex hominum,
regnatori superorum
Debueras Christo,

non sculptilibus famulari,
V. Arguit in faciem

doctissima virgo furentem.
2. Mundi philosophos

Caesar vocat atque disertos,
Ut certent cum una

Christum referente puella,
V. Quinquaginta micant

ex agmine rhetoricorum.
3. Insultant igni,

Katharina, tui tot alumni,
Martyriique meras

rapit hinc gens docta coronas,
V. Non comburuntur,

sed in fornace coquuntur.
4. Christo credentes

flammas intrant sapientes
Et precibus fusis

migrant ad gaudia lucis ;
V. O virtus Christi,

nil praevalet artubus ignis.

In 3. Nocturno.
Ad Caatica.
A. Laeta mente tibi,

virgo dignissima Christi,
Festa celebrantes

nos audi, poscimus omnes,
Atque tuis precibus
nobis aperi pia coelos.

Responsoria.

1. Verberibus diris

sanctam Maxentius hostis
Immolat, illa suum

rogat inter verbera Jesum,
V. Gaudens haec pati

qui pertulit hostia mundi.
2. Visitat Augusta

Katharinam carcere clausam,
Illa velut rosa
splendebat luce superna;
V. Credidit Augusta

Christum docente Sybilla.
3. Christus sanctam tenebroso
reclusam ergastulo
Miro satis atque blando
confortat alloquio:
V. Salve virgo benedicta,

quam Christi praesentia.
i. De coelo geminas

fert angelus, ecce, coronas,
Unam reginae,
sanctae suae Katharinae,
V. Hancque coronat et hanc,
dotem fidei dat utrique.

In Laudibus.
Antiphonae.

1. Aeterno regi,

coelo terraque potenti,
Servans morte fidem
virgo conregnat eidem.
2. Atria Jerusalem

penetrans et luminis arcem
Haec jubilat sponso,
servit cui coelicus ordo.

3. Ad laudes vigilem

fontemque Deum sitientem
Christus suscepit,

cui virgo fidelis adhaesit.
4. Ignibus exstinctis

canit hymnum vox puerilis,
Sic nece consumpta

sponsi Katharina sub umbra.
5. Ordo puellarum

quam felix candidularum,
Cum quibus haec virgo
cantat nova cantica Christo.

Ad Benedictus.
A. Prudens et vigilans virgo,
Qualis es cum sponso illo,
Qui te elegit de mundo,
Quam pulchra, quam mirabilis,

Quanta luce spectabilis !
Inter Sion juvenculas
Et Hierusalem filias
Thalamo gaudes regio
Conjuncta Dei filio.

In 1. Vesperis.
Ad Magnificat.

A. Ave, gemma claritatis

ad instar carbunculi,
Ave, rosa paradisi,

more flagrans balsami
Katharina, virgo felix,

gloriosa meritis
Assistentes tuis festis

coeli junge gaudiis.