36. De sancto Hieronymo.

In 1. Vesperis.
Super Psalmos.
A. Fulsit splendor firmamenti,
Quando regum rex credenti

Mundo curam hominum
Gerens misit protectorem,
Sacrae fidei doctorem
Beatum Ieronymum.

Ad Magnificat.

A. Ad sancti patris

sollemnia, plebs generosa
Adpropians laudis

det cantica nunc speciosa,
Semina qui mundo

suae doctrinae furibundo
Sparsit largiflue

docens ad summa venire;
Pectora curvemus,

cui laudes magnificemus.

Ad Matutinum.
Invitatorium.
Mole pressa iam corporis
In sancti festo doctoris
Christum laude deprecemur,
Ut ad ipsum sublevemur.

In 1. Nocturno.
Antiphonae.
1. Annis tener vir beatus
Hians Romam adiit,
Arte prima cui Donatus
Primo doctor exstitit.

2. Tanta crevit disciplina,
Ut non solum hic Latina

Lingua, Graeca doceretur,
Sed Hebraea fungeretur.
3. Cum leporem lectitaret
Tullianum, ruminaret

Sophiam Platonicam,
Flagro caesus caeli more
Amplexatur mox labore
Artem theologicam.

Responsoria.
1. Salem hausit suo flore,
In quo mansit cum decore
Hic vir praeclarissimus,
Affatim quem velut undam
Post effudit nimis mundam
Eloquens Ieronymus,
V. Linquens dogma Priscinorum,
Sequens thesaurum sanctorum.
2. Ter denorum iam annorum,
Cum fuisset, Romanorum
Est creatus cardinalis,
Nec inventus fuit talis;
V. Sanctitate praecellebat,

Sapientia pollebat.
3. Summo praesule defuncto
A clero Romano cuncto

Dignus est fastigio
Adclamatus, sed hic spernens
Solitudinem plus quaerens
Relicto fastigio,
V. In quam transit vir devotus
Fit anachoreta totus.

In 2. Nocturno.
Antiphonae.
1. Arguebat iugiter

Cleros lascivientes,

Idcirco unanimiter

Oderunt eum ferventes.
2. Norunt castimoniam
Patrem diligentem

Atque innocentiam
Prorsus retinentem.

3. Mulieris vestimentum

Mane surgens induit
Visitando matutinum,

Suum fore credidit;
Illud in opprobrium

Aemuli fecerunt,
Suum iuxta lectulum

Quod prius straverant.

Responsoria.

1. Ieronymus anachoreta
Bis duobus annis spreta

Saeculi laetitia
Mansit plorans, maestus, ge-
mens,
Sitibundus, fame demens,
Paenitendo vitia,
V. Regem regum generosum
Ut haberet gratiosum,
Hanc elegit sibi vitam,
Cum se fecit eremitam.

2. Algus ingens hunc consumpsit,
Solis fervor et combussit

Pellem eius niveam,
Tempus atque spatiosum
Saepius tempestuosum,
Fecit Aethiopicam;

V. Tanta quamquam sit perpessus,
Patiendo non est fessus.
Sed se putans deliciis
Interesse laetitiis.

3. Solitudine relicta
Festinans Bethlehemita

Sanctus fit Ieronymus,
En, ut hagiographiae
Foret interpres sophiae,
Hunc elegit Dominus,
V. Nobis large propinavit,
Adulescens quod gustavit.

In 3. Nocturno.

Antiphonae.
1. Leo claudus insudante
Lectione, contemplante

Sancto viro subintravit,
Tremefacti fratres surgunt,
Velocissime discurrunt,
Illi solus obviavit.

2. Conquerendo monstrat plantam
Leo dire sauciatam,

Ut sibi provideret,
Et confestim sanaretur,
Crebra cura pes lavatur,
Sente vulsa mox sanatur.

3. Truculentia reiecta
Velut agnus intra tecta
Inter fratres conversatur,
Ad quorum pedes mox curvatur.

Responsoria.
1. Multilinguem cognocens
Et famosum Papa prudens

Huic iniunxit studium,
Piae mentis ex affectu
Sanctae matris pro profectu
Ut conderet officium:
V. Prius quisque, quod volebat,
Precabatur, ut sciebat,
Suasu sed imperatoris,
Sacri cultus dilectoris.
2. Vidit evangelistarum
Rudimenta gloriosa
Frustratim epistolarum
Ad legenda pretiosa;
lussa patris adimplevit,
Cultus sic diurnus crevit,
V. Amplexatur, veneratur,

Omnis clerus gratulatur.
3. Vatum psalmos segregavit,
Seriatim ordinavit

Depromendos iugiter,

Almae laudem trinitatis

In psalmorum fine satis

Statuit humiliter;

V. Dei laudis augmentator,

Grandis fuit ordinator.

In Laudibus.
Antiphonae.
1. Mira Dei bonitas

Huic sedem paravit
Sancto, cuius gnaritas
Mundum illustravit.
2. In illis temporibus
Haereses fuere
Suisque conatibus
Scripta pervertere.
3. Clarus homo clara vita,
Sanctitate redimita,

Sustulit horum latratus,
Qui, cum essent transferentes
Veritatem conticentes,
Obiurgavit roboratus.
4. Haereses cunctas priores
Exstirpavit et errores,

Veritatem demonstravit,
Ob hoc caelum, terra, mare
Deum benedicunt gnare,
Sic hunc sanctum qui per-
flavit.
5. Ad aeternam regis pacem
Mundum linquens hunc fallacem
Nonaginta octo annis
Sex et mensibus expletis

Suae vitae sanctus transit
Et cum caeli sanctis mansit.

Ad Benedictus.

A. Ab excelsis est vocatas,
Ut obiret, vir beatus

Quadringentis circiter
Annis nostri salvatoris,
Angelorum astat choris

Promens laudes iugiter.

In 2. Vesperis.

Ad Magnificat.

A. Lucens fax inter doctores,
Verax inter translatores,

Ieronyme sanctissime,
Plebem doctam te pulsantem
Et tuas doctrinas fantem

Respice piissime,
Quam guberna sancta prece,
Ut damnosa prorsus nece

Non gravetur mortua,
Sed fungens amoenitate
Sit, qua fungeris beate,

Cum sanctis perenniter.