Parerga. Super Beati immaculati.

1. Ave, cuius sacratis legibus
Reducuntur iusti in patriam,
Locupletem fac me virtutibus,
Quarum gravem fero penuriam.

2. Ave, Iesu, largitor inclite,
Tuis dona opime tribuens,
Per te, precor, vitae praeteritae
Obliviscar, sanctam instituens.

3. Ave, cuius duplex nativitas
Creaturae est ineffabilis,
Meae mentis, exoro, tenebras
Tua spargat lux invisibilis.

4. Ave, cuius manus tornatiles
Sunt adfixae crucis patibulo,
Servos tuos ad bonum fragiles
Verbi tui sustenta pabulo.

5. Ave, Iesu, cuius praesentia
Omnis dolor fugit et gemitus,
Mihi, temptor qui avaritia,
Paupertatem lagire spiritus.

6. Ave, cuius tormenta varia
Siccaverunt peccati scatebras,
Luce tua dolis contraria
Mentis nostrae depelle tenebras.

7. Ave, cuius per sapientiam
Sunt elisa hostis fraudamina,
A languore me in valentiam
Tua muta per medicamina.

8. Ave, lapis, quo David inclitus
Rex Goliat stravit semiferum,
Meum, precor, expurga funditus
Cor a faece suorum scelerum.

9. Ave, qui diversis laboribus
Mundi es affectus assidue,
Me incultum

honestis moribus
Disciplinis nunc tuis instrue.

10. Ave, veri magister dogmatis,
Mentis reformans habitudinem,
Servientis, exoro, plasmatis
Aegram lima cordis rubiginem.

11. Ave, Iesu, qui rex veraciter
Appellatus es crucis titulo,
Me ab hoste

captum fallaciter
Iam ab eius absolve vinculo.

12. Ave, cuius per aevum ditio
Durat in terrenis et superis,
Me coapta tuo servitio,
Ut te digne laudem cum ceteris.

13. Ave, turba quem principatuum
Laudet atque virtus uranica,
Nomen tuum da per mellifluurn
Declinemus ut mundi lubrica.

14. Ave, Iesu, fontale luminum
Aeternorum urbis uranicae,
Eradica sentes peccaminum,
Ut laudemus te honorifice.

15. Ave, Iesu, cuius praesidio
Est succursum ruinae veteri,
Me a luxus serva incendio,
Pastus ignis ne fiam inferi.

16. Ave, o protector eximie,
Semper astans

in te sperantibus,
Da, ne foeder nota infamiae
Infernorum canum latratibus.

17. Ave, Iesu cuius intuitus
Cuncta videt infallibiliter,
Mea tibi placeat servitus,
Qua desudo te laudans iugiter.

18. Ave, o aequitatis arbiter,
Cui totus est mundus subditus,
Mentis sentes,

quas infert spinifer,
Eradica, exoro, funditus.

19. Ave, cuius beato nomini
Sempiterna debetur gloria,
Sublevamen deiecto homini
In hac mundi praebe miseria.

20. Ave, Iesu, per quem spurcitiae
A devotis pelluntur mentibus,
Soli demur ut patientiae
Inconcussis, precamur, basibus.

21. Ave, quem hic laudare satago
Propter formam tuae iustitiae,
Revertenti occurre prodigo
Primamstolam dansinnocentiae.

22. Ave, Iesu desiderabilis
Super cuncta delectabilia,
Nos a cunctis serva periculis
Et ad caeli perduc ovilia.

Super Magnificat.

23. Ave, cuius mater magnifica
Deo novum confecit canticum,
Me per preces eius iustifica
Hoc pangentem

metrum Pinrlaricum.

Super Nunc dimittis.

24. Ave, quem Simonea brachia
Sunt amplexa

oblatum Domino,
Me cum eo fac caeli gloria
Collaudare te sine termino.

Super Benedictus.

25. Ave, Iesu, sermo propheticus
Nuntiavit quem ante tempora,
Nos, quos turbat

tumultus bellicus,
Manu tua potenti libera.

Super Te Deum.

26. Ave, Iesu, quem plebs angelica
Sanctorumque

collaudat contio,
Nomen tuum in me mirifica
Eorundem iungens consortio.

Conclusio finalis.

27. Doxa patri sit innascibili,
Nato ac utruisque nexui,
Conregnant in saeclum saeculi
Potentatu regni perpetui.