interpretativus authenticus numquam sit processus solummodo intellectualis

sed etiam vitalis, in quo plena requiritur implicatio in vitam ecclesialem,

veluti vitam in « Spiritu » (Gal 5, 16). Hac enim ratione magis perspicua

redduntur criteria quae exhibentur in numero 12 Constitutionis dogmaticae

Dei Verbum: huiusmodi transcendentia evenire nequit in singulis fragmentis

litterariis sed tantum in relatione cum universa Scriptura. Unum enim est

Verbum, quod nos transcendere vocamur. Hic processus secum fert intimum

dramaticum sensum, quoniam, in transcendentiae processu transitus qui

accidit vigore Spiritus, necessario nectitur cum uniuscuiusque libertate.

Sanctus Paulus in propria exsistentia hunc transitum plene vixit. Quidnam

significent transcendentia litterae eiusque intellectio incipiendo tamtum-

modo a rerum complexu, ipse sequenti locutione radicitus hoc expressit:

« Littera enim occidit, Spiritus autem vivificat » (2 Cor 3, 6). Paulus reperit

« Spiritum liberatorem nomen habere et ideo libertatem mensuram interiorem

possidere: ''Dominus autem Spiritus est; ubi autem Spiritus Domini, ibi

libertas'' (2 Cor 3, 17). Spiritus liberator non est simpliciter proprius

conceptus, personalis visio interpretantis. Spiritus est Christus, et Christus

est Dominus qui ostendit nobis viam ».126 Scimus quomodo etiam apud

sanctum Augustinum hic transitus eodem tempore dramaticus et liberans

fuerit; ipse credere potuit in Scripturas, quae primo tempore videbantur

illi ita dissidentes in seipsis et aliquando turpitudine plenae et hoc propter

hanc transcendentiam quam ille a sancto Ambrosio didicit per

interpretationem typologicam, per quam totum Vetus Testamentum iter

est ad Christum Iesum. Iuxta sanctum Augustinum transcendentia litterae

credibilem reddidit ipsam litteram, eique permisit ut responsum tandem

inveniret ad altas inquietudines proprii animi veritatem sitientis.127

Intrinseca Bibliorum unitas

39. Apud scholam magnae traditionis Ecclesiae percipere discimus,

in transitu a littera ad Spiritum, unitatem quoque totius Scripturae, quan-

doquidem unicum est Verbum Dei quod nostram vitam interpellat, eam

constanter exhortans ad conversionem.128 Nobis securam viam constituunt

huiusmodi verba Hugonis a Sancto Victore: « Omnis Scriptura divina unus

Acta Apostolicae Sedis - Commentarium Officiale718

126 Ibid. 127 Cfr. Id., Audientia Generalis (9 Ianuarii 2008): Insegnamenti IV, 1 (2008), 41-45. 128 Cfr. Propositio 29.