308 Acta Apostolicæ Sedis - Commentarium Officiale

Matritense coenobium relinquere debuit. Die 30 eiusdem mensis milites

Factionis Popularis Hispanicae Servum Dei Andream ex deversorio apud

quod commorabatur una cum aliis sacerdotibus deduxerunt. Etsi innocen-

tiam suam professus est, consuetam tamen serenitatem servavit. Deinde

Servus Dei extra oppidi moenia deductus, prima luce die 31 mensis Iulii

trucidatus est.

Et alii undecim Sodales ex coenobiis Matriti et El Pardo variis locis et

temporibus in eadem persecutione interfecti sunt.

Haec nomina eorum:

- P. Ferdinandus de Santiago (in saec.: Ferdinandus Olmedo Reguera):

die 10 mensis Ianuarii anno 1873 natus est, sacris anno 1904 initiatus est,

Matriti die 12 mensis Augusti anno 1936 interfectus est.

- P. Iosephus Maria de Manila (in saec.: Eugenius Saz-Orozco Montera):

in Philippinis insulis anno 1880 ortus est, anno 1910 sacerdos ordinatus est,

Matriti die 17 mensis Augusti anno 1936 necatus est.

- P. Ramirus de Sobradillo (in saec.: Iosephus Pérez González): die 5

mensis Ianuarii anno 1907 natus est, anno 1930 sacris consecratus, die

27 mensis Novembris anno 1936 iuxta locum v. d. Paracuellos del Jarama

occisus est.

- P. Alexander de Sobradillo (in saec.: Ioannes Franciscus Barahona

Martín): die 10 mensis Ianuarii anno 1902 in vitam venit, anno 1926 sa-

cerdotio initiatus et verisimiliter Matriti die 15 mensis Augusti anno 1936

caesus est.

- P. Gregorius de la Mata (in saec.: Quirinus Díez del Blanco): die 25

mensis Martii anno 1889 genitus est, anno 1914 sacerdos ordinatus est, die

27 mensis Augusti anno 1936 Matriti mactatus est.

- P. Carolus de Alcubilla (in saec.: Paulus Merillas Fernández): die 17

mensis Iunii anno 1902 natus est, sacris consecratus anno 1928, die 14

mensis Ianuarii anno 1937 non longe e Matrito interfectus est.

- Fr. Aurelius de Ocejo (in saec.: Facundus Escanciano Tejerina): die 4

mensis Februarii anno 1881 ortus est, professionem anno 1916 emisit fere

in extremis diebus mensis Iulii vel primis Augusti Matriti occisus est.

- Fr. Saturninus de Bilbao (in saec.: Æmilius Serrano Lizarralde). Die 25

mensis Maii anno 1910 genitus est, anno 1935 professionem emisit, Matriti

extremis diebus mensis Augusti interfectus est.