SERMO XXX.

DE EFFECTU SANGUINIS

CHRISTI SACRAMENLITER.

Venite, comedite panem meum., etc. Prov. IX, 5. Et alia ut supra. Quae utilitas in sanguine Deo? Ps. XXIX , 10. Qui bibit meum sanguinem, habet vitam aeternam. Joan. VI, 55.

III. Quaeritur de sanguine Christi, ut in Sacramento a fidelibus sumitur, quae sit utilitas ejus sive effectus ? Ad hoc sciendum, quod sic sumptum possumus considerare tribus modis, scilicet,

I. Ut potum aquas vivas. II. Ut vinum spirituale. III. Ut sacrosanctum mysterium Ecclesias.

De primo, Psal. lxxvii, 20 : Percussit petram, et fluxerunt aquas. Sicut petra significat corpus Christi : ita aquae illae sanguinem ejus, quia est verus et vivus potus anima.

De secundo, Prov. IX, 5 : Venite, bibite vinum quod miscui vobis, id est, sanguinem Christi multa dulcedine plenum et conditum.

De tertio, ad Hebr. XIII, 12 : Jesus, ut sanctificaret per summ sanguinem populum, extra portam passus est. Ergo sanguinis Christi res sanctificans est et sacrosancta. Complenda orat : " Quae-" sumus Domine, ut sacrosancta myste-" ria praescns remedium nobis esse facias " et futurum. "

Juxta considerationem et similitudi- nem cujuslibet istorum trium habet sanguis Christi triplicem effectum.

I. Primo, potest considerari sanguis Christi potus, ut potus aquae vivae. Sed potus, ut dicunt Physici, est humectivus aridorum, exstinctivus incensorum, et delativus ad membra ciborum : similiter potus sanguinis, ut significatur per aquam, tres habet effectus in anima fideli : 1. Arida ejus humectat et conjungit,

2. Male incensa refrigerat et exstinguit,

3. Cibum verbi Dei ad membra vehit, ut bene operari possint.

1. De primo, Isa. xliv, 3 : Effundam aquas super sitientem, et fluenta super aridam : ut scilicet anima quasi pulvis arida, et facile defluxa, et ad malum prona, potu sanguinis Christi perfusa, conjungatur, conglutinetur, et roboretur ad bona. Exod. v, 12 : Dispersus est populus per universam terram aegypti ad colligendas paleas, scilicet mundi vanitates. E contra Joan. XI, 51 et 32 : Jesus moriturus erat, supple, et sanguinem suum daturus, non tantum pro Gente, sed ut filios Dei, erant, dispersi, congregaret in unum, scilicet per cordis unionem, linguas refraeationem, sensuum et membrorum disciplinam, vitae religionem, et supernam dilectionem. I ad Cor. v, 7 : Sitis nova conspersio, sicut estis azymi. Quia sicut estis azymi, id est, per baptismum a vitiis sinceri facti, ita sitis aspersione sanguinis Christi quasi pasta in nova et bona vita compacti.

2. De secundo effectu, Psal. lxxvii, 20 : Percussit petram, et fluxerunt aquee, ad refrigerandum scilicet pravas sitis ardorem. Eccli. iii, 33 : Ignem ardentem exstinguit aqua. Quia sanguis Christi figuratur per aquam, destruit fervorem iras, avaritiae, et pravi amoris, et concupiscentias. Augustinus : " Domine Jesu " Christe, scribe in corde meo vulnera " tua pretioso sanguine tuo, ut legam in " eis tuum dolorem, et tuum amorem : " tuum dolorem ad sustinendum pro te

" omnem dolorem, tuum amorem ad " contemnendum pro te omnem pravum " amorem. " Et sic apparet, quod sanguis Domini ad instar aquas contra mala in nobis incensa valet.

3. De tertio effectu, III Reg. XIX, 8: Elias comedit, et bibit aquam, et ambulavit in fortitudine cibi illius, quadraginta diebus et quadraginta noctibus, usque ad montem Dei Horeb. Polus cibum ad membra detulit, et ad eundum sive operandum movit: sic potus Christi cibum verbi Dei sive praecepti ad corda defert, ut vires animas, et membra corporis secundum illud vivant, regantur, et bene operentur, secundum illud Proverb. IX, 5 et 6 : Comedite et bibite : relinquite infantiam, et vivite, et ambulate per vias prudentias. Comedite cibum verbi Dei, et bibite sanguinem Christi, qui scilicet preceptum ad cor, ad sensus, et ad membra deferat : et prava relinquere, et bona perficere moneat.

II. Secundo, potest considerari sanguis Christi, ul vinum spirituale. Et secundum hoc tres habeteffectus, quia, 1. Lavat, 2. Calefacit, 3. Laetificat. Lavat sordes culpas, calefacit corda charitate, laetificat spirituali dulcedine.

1. De primo, Gen. xlix, 10 et 11 : Exspectatio Gentium... lavabit in vino stolam suam, et in sanguine uvas pallium suum, id est, fidelem animam. I Joan. I, 7 : Si in luce ambulamus, societatem habemus ad invicem, et sanguis Jesu Christi, Filii Dei, emundat nos ab omni peccato. Ad Heb. IX, 13 et 14 : Si sanguis hircorum, et taurorum, et cinis vitulas aspersus inquinatos santificat ad emundationem carnis: quanto magis sanguis Christi emundabit conscientiam nostram ab operibus mortuis, ad serviendum Deo viventi. Apoc. xxii, 14 : Beati, qui lavant stolas suas in sanguine Agni: Ut sit potestas eorum in ligno vitas.

2. De secundo, Deut. xxxii, 13 et 14 : Constituit eum, ut comederet medullam tritici, id est, dulce corpus Christi, etsanguinem uvae biberent meracissimum, id est, purum et calidum : purum a macula iniquitatis, calidum in effectu charitatis. Esther, I, 10: Assuerus, id est, beatus, post nimiam potationem incaluvit mero, id est, accensus est charitate. Cant. II, 4 ': Introduxit me rex in cellam vinariam, ordinavit in me charitatem. Cella vinaria est Ecclesia, ubi propinatur calidum vinum, sanguis Christi, ad accendendum corda dilectione Dei et proximi. Matth. XXVI, 27 et 28 : Accipiens Jesus calicem, dixit: Bibite ex hoc omnes. Hic est enim sanguis meus. Calix est calida potio, quasi calidum vinum : calidus sanguis Domini calefaciens cor ad amorem Dei et proximi.

3. De tertio, Psal. CIII, 15 : Vinum latificat cor hominis. Eccli. XXXI, 36 : Exsultatio animm et cordis vinum moderate potatum, id est, sanguis Christi sumptus cum mensura fidei. Cant. I, 13 : Botrus Cypri dilectus meus mihi. Quia scilicet sumo cum suo sanguine dulcedinem spiritualis Iaetitiae, ad obliviscendum dolorem praesentem. Proverb. XXXI, 6 et 7: Date siceram moerentibus, et vinum his, qui amaro sunt animo : bibant, et obliviscantur egestatis sum.

III. Tertio, potest considerari sanguis Christi, ut sacrosanctum mysterium Ecclesiis, id est, ut res sacra et secreta, in qua magna virtus Dei est abscondita. Et secundum hoc tres habet effectus supernaturales : 1. Dcemones enim triumphat, 2. Gratiam Dei impetrat, 3. In vita bona conservat, donec ad vitam aeternam perducat.

De primo, Exod. XII, 23 : Cum viderit Dominus sanguinem agni in superlimi-nari, id est, in mente fideli, non sinet percussorem ingredi domos vestras et fodere. Chrysostomus : " Hic sanguis abi-" git dsemones, et longe facit esse. " I Mach. VI, 34 : Elephantis ostenderunt sanguinem uvas et mori, ad acuendos eos in prselium. Multo magis igitur per sumptum sanguinem Christi vincuntur spirituales inimici. Apoc. XII, 7, II: Factum est prselium magnum... cum dracone. Et ipsi vicerunt eum propter sanguinem Agni, et propter verbum testimonii.

2. De secundo, I Pet. I, 2 : In aspersionem sanguinis Jesu Christi: gratia vobis. Ad Heb. XII, 22, 24 : Accessistis ad Sion montem Dei,... et sanguinis aspersionem, melius loquentem quam Abel. Quia scilicet sanguis Abel clamat ad Deum vindictam : sanguis Christi postulat et impetrat gratiam. Bernardus: " 0 sanguinem Christi, summe reve-" rendum in altari poculum, in ccelo pro " nobis ad Patrem advocatum. "

3. De tertio, Joan. VI, 4 :Nisi manducaveritis carnem Filii hominis, et biberitis ejus sanguinem, non habebitis vitam in vobis. Quasi diceret: Si biberitis, bonam habebitis. Levit. XVII, 14 : Anima omnis carnis in sanguine est. Anima, id est, vita. Philosophus : " Corruptio et sene-" ctus non est nisi paucitas sanguinis : " et postquam caruerit sanguine, corrum-" pitur corpus. " Hinc multa moriuntur animalia propter vacuitatem sanguinis. Sicut itaque in sanguine nostro vita est corporalis, sic in sanguine Christi est spiritualis, et conservatio vita spiritualis, et perductio ad statum vitae immortalis. Joan. VI, 53 : Qui bibit meum sanguinem, habet vitam alternam. Amen.