SERMO XXXI.

DE CONSIDERATIONE

SANGUINIS CHRISTI TERTIO MODO.

Venite comedite panem meum,etc. Prov. IX, 5. Et alia ut supra.

Patres nostri omnes eumdem potum spiritulem biberunt, I ad Corinth. x, 4. Augustinus :" Biberunt potumspiritalem eumdem, quem et nos: corporalem " vero alterum, quia aquam biberunt quae fluxit de petra, et fuit signum " sanguinis Christi, quem nos eliam spiritualiter bibimus. "

III.

Tertio modo consideratur sanguis Christi, ut praeter sacramentum a salvandis spiritualiter bibitur. Et circa hoc tria possunt inquiri :

I. Locus ubi iste potus invenitur ? II. Usus ad quem quaeritur ? III. Suavitas gratiae quae de usu ejus exoritur ?

I. Primo quaeritur, Quis sit locus, ubi potus spiritualis sanguinis Christi invenitur ?

Ad hoc dicendum, quod tot sunt loca, quot Christi vulnera. Psal. lxxvii, 20 :

Percussit petram, et /luxerunt aquis. Sicut ex foraminibus petrae Judaei aquam, ita fideles ex vulneribus Christi hauriunt spiritualem ejus sanguinem. Zach. xiii, 6 : Quid sunt plagse istas in medio ma-nuum tuarum ? Respondeo, ut scilicet sugamus ex eis sanguinem spiritualem per piam Passionis meditationem. Isa, XII, 3 : Haurietis aquas in gaudio de fontibus Salvatoris, id est, de vulneribus spiritualem sanguinem ad sitim malorum desideriorum exstinguendam. Sed ad quid est vulnus lateris ? Isa. lx, 4 : Filii tui de longe venient, et filise fuse de latere surgent. Glossa : " Quia perfo-" rato latere Christi in cruce, effluxit " sanguis redemptionis. " Filii ergo de longue venient, quia electi de peccatis pcenitentiam agent : et filise de latere surgent, quia devota animse de vulnere lateris Christi spiritualem devotionis sanguinem bibent.

Hinc in locis quibusdam a dextris Crucifixi depingitur puella hilari et pulchra facie, et coronata, designans Ecclesiam quae sanguinem Christi in calicem reverenter suscepit : et a sinistris synagoga, oculis panno ligatis, tristi facie, inclinans caput, et cum corona decidente : quae ipsum sanguinem fudit, atque adhuc contemnit : in quo figuratur, quod ha?c et omnis mortaliter peccans, tria bona perdit : lumen scilicet gratiae, gaudium conscientia?, coronam gloria. Hinc dicitur, Thren. v, 16 et 17, in oratione Jeremiae: Cecidit corona capitis nostri: vse nobis, quia peccavimus. Propterea moestum factum est cor nostrum,ideo contenebrati sunt oculi nostri. Puella in dextris sanguinem Christi in calicem suscepit : quia fidelis anima cor mundum vulneribus Christi applicans, sanguinem ejus spiritualiter cum omni devotione sumit: unde lumen verum, cordis gaudium, et aeternae gloriae coronam acquirit.

Secundo qua?ritur, Quis sit usus ad quem sanguis Christi qua?ritur ?

Et dicendum, Ad animam totam cum tribus potentiis suis, scilicet intellectu, voluntate, et memoria perfundendum,

atque potandum. Exod. XII, 22 : Fasciculum hyssopi Ungite in sanguine qui est in limine, et adspergit ex eo superliminare, et utrumque postem. Fasciculus hyssopi significat perfectionem et integritatem fidei. Limen domus est humilis Christus, per quem conceditur ad coetum introitus. Fasciculum autem hyssopi tingere in sanguine qui est in limine, est fidem rectam sanguine Passionis Christi decorare, et confirmare. Sed debemus eo utrumque postem et superliminare adspergere, id est, intellectum, affectum et memoriam ita sanguine Christi perfundere, et spiritualiter inebriare, ut intellectus hujus sanguinis circa genus humanum virtutem recognoscat, affectus tam ingens erga se beneficium diligendo sapiat, et memoria tanti amoris et largitatis sacramentum numquam obliviscendo semper teneat.

III. Tertio qua?ritur, Quae sit suavitas gratiae quaede tali usu, sive perfusione jam dicta sanguinis hujus exoritur ?

Et potest ad hoc dici, quod facit animam quasi paradisum Dei. De suavitate hujus gratia?, 1 Pet. I, 2 : In adspersionem sanguinis Jesu Christi: Gratia vobis, et pax multiplicetur. Gratia, virtutum fertilitas : pax, dulcedo cordis atque serenitas. Hujus suavitas gratiaeper irrigationem sanguinis Christi comparatur paradiso Dei. Eccli. xl, 17 : Gratia sicut paradisus in benedictionibus, id est, sicut hortus Dei in variis deliciosis fructibus. Jerem. xxx, 12 : Erit anima eorum quasi hortus irriguus.

Irrigata enim anima dulci Christi sanguine profert triplicem suavitatem gratia?, scilicet, 1. Dulces flores virtutum, 2. Frondes arborum, 3. Fructus operum.

I. Primo, ex spirituali perfusione sanguinis Christi oriuntur in anima quasi in paradiso Dei, dulces et varii flores virtutum. Nam sicut sanguis hominis triplicem habet colorem : sanus, rubeum habet colorem : minime decoctus, ut lac in mamillis mulierum, habet colorem album : et maxime coctus, nigrum : sic spiritualis influentia sanguinis Domini operatur in anima, quasi in paradiso Dei, flores virtutum varii coloris, scilicet, 1. Rosas charitatis, 2. Lilia castitatis, 3. et Violas humilitatis.

1. De primo, Eccli. l, 8 : Justus... quasi flos rosarumin diebus vernis: quia scilicet rutilat roseo sanguine Christi virtute charitatis. Cant.VII, 5 : Comas capitis tui, sicut purpura regis, quas scilicet tingitur sanguine cujusdam animalis. Comae capitis Ecclesia, id est, Christi, sunt fideles, bonis cum moribus decorantes. Hi sunt ut purpura regis : quia spirituali Christi sanguine perfusi, rubent ut rosa, virtute charilatis.

2. De secundo, Eccli. l, 8 : Justus... quasi lilia quas sunt in transitu aquse : quia scilicet candet castitate, ex bene decocti in corde ejus Christi sanguinis irrigatione. Apoc. VII, 14 : Laverunt stolas suas, et dealbaverunt eas in sanguine Agni. Cant. v, 12 : Oculi ejus, id est, fideles in futurum sibi providentes, sicut columbae, quae lacte sunt lotae, id est, sicut simplicium, qui ex consideratione bene cocti in mamillis cordis eorum, Christi sanguinis dealbati sunt, et casti facti. Osee, XVI, 6 : Ero quasi ros, Israel germinabit sicut Ulium.

3. De tertio, Cant.II, 11 et 12 : Jam hiems transiit,... flores apparuerunt in terra nostra. Flores primi post hiemem sunt violae nigri coloris, pulchra?, boni odoris, et terrae vicinae. Hi flores significant animas humiles ex consideratione sanguinis Christi in Passione multum torti, quasi denigratas, id est, sibi viles, et coram superbis despectas. Ezech. XXXII, 7 : Nigrescere faciam stellas coeli, id est, ardentes spiritu charitatis, et lucentes verbo veritatis : nigrescere faciam sanguine Christi, ut nigras et pulchras violas virtute humilitatis. Cant. i, 1 : Nigrasum, sed formosa, filias Jerusalem. De his tribus generibus et coloribus florum paradisi dicitur, Thren. IV, 7: Candidiores Nazaraei ejus, id est, flridi, nive, nitidiores lacte, quia similantur lilio in castitate : rubicundiores ebore antiquo, quia similantur rosae in charitate : sapphiro pulchriores, quia similantur violas in humilitate.

II. Secundo, ex spirituali perfusione sive potu sanguinis oriuntur in anima quasi in paradiso Dei frondes bonorum et dulcium eloquiorum. Job, XIV, 7 et seq. : Lignum habet spem : si praecisum fuerit, rursum virescit. Si senuerit in terra radix ejus, ad odorem aquas germinabit, et faciei comam quasi cum primum plantatum est. Eccli. XXXIX, 19 : Florete flores, ...et frondete in gratiam: quia scilicet electi non solum flores virtutum, sed etiam folia verborum bonorum proferunt ex potu sanguinis Christi ad triplicem gratiam : 1. Ad peccatorum conversionem, 2. Ad inimicorum reconciliationem, 3. Ad moestorum consolationem. Hinc arbores irrigatae triplicia proferre leguntur folia, scilicet medicinalia, pulcherrima, et viridia.

1. De primo, Apoc. XXII, 2, et Ezech. xlvii, 12 : Folia ligni, scilicet paradisi Dei, ad medicinam et sanitatem gentium, id est, peccatorum : quia aquas ejus de sanctuario egredientur. Aqua sanctuarii spiritualis potus sanguinis Christi efficit folia sanctas praedicationis, ad salutem peccatoris. Proverb. XXV, 15 : Lingua mollis confringet duritiam. Mal. ii, 6 : Lex veritatis fuit in ore ejus, et multos avertit ab iniquitate.

2. De secundo, Dan. IV, 7, 9 : Ecce arbor, et folia pulcherrima,... et subter eam habitabunt animalia, et bestias, et in ramis ejus conversabantur volucres cccli. Quasi diceret : Sub folio pulchro animalia sibi inimica, ut lupus et agnus, columba et nisus, pacificata erant: quia verba sapientium inimicos reconciliant. Eccli. xl, 21 : Tibias, et psalterium sua-tim faciunt melodiam, id est, concordiam vocum, et super utraque lingua suavis faciens concordiam inimicorum. Item, VI 5 : Verbum dulce multiplicat amicos, et mitigat inimicos : et lingua eucharis, il est, bonae gratias, in bono homine abundat.

3. De tertio, Jerem. xvii, 7 et 8 : Benedictus vir, qui confidit in Domino... Et erit quasi lignum quod transplantatur super aquas, et erit folium ejus viride. Viridis color inspectus maxime in herbis et foliis oculos tarbatos reparat et confortat : unde per hujusmodi folia, bonorum verba significantur, quas tristes et miseros consolantur. Eccli. xl, 22 : Gratiam, et speciem desiderat oculus, et super hsec virides sationes. Proverb. XXVII, 9 : Unguento et variis odoribus delectatur cor: et bonis amici consiliis anima dulcoratur. Eccli. xlviii, 27 : Ezechias consolatus est lugentes Sion. Job, XXIX, 25 : Cum sederem quasi rex, eram ta-men maaerenlium consolator. Ad Roman. I, 11 : Desidero videre vos : ut aliquid impertiar vobis gratiee spiritualis ad confirmandos vos. Joel. m, 18 :. In die illa : stillabunt montes dulcedinem, et colles fluent lacte, scilicet, sacrae consolationis.

III. Tertio, ex spirituali potu sanguinis Christi oriuntur in anima, quasi in paradiso Dei, bonorum operum fructus. Eccli.XXIV, 42 : Rigabo hortum meum plantationum, et inebriabo prati mei fructum. Rigabo sanguine Christi hortum animas, et inebriabo fructum bonorum operum operum coelesti dulcedine, id est, boni irrigati potu sanguinis Christi, facient dulcem fructum bonorum operum coelesti dulcedine ad utilitatem Christi, quem etiam ipsi comedent in retributione coelesti. Amos, IX, 14 : Facient hortos, et comedent fructus eorum, in praesenti scilicet, spirituali praegustatione, et in futuro plena fruitione. Amen.