38. De sancta Katharina.

In 1. Vesperis.

Antiphonae.

1. Virginis eximiae

Katharinae, martyris almae,
Festa celebrare

da nobis, rex pie, Christe.

2. Virgo sancta Katharina

Graeciae gemma,

Urbis Alexandrinae,

Costi regis erat filia.
3. Specie corporis decora

Nimis enituit,

Sed fide pulchrior

Sponso superno placuit.

4. Traditur ergo a patre
Doctoribus eximiis
Imbuenda
Liberalibus studiis.

5. Ait Deus per prophetam:
Perdam sapientiam
Sapientum et pervertam
Intellectum omnium.

Ad Magnificat.

A. Alma virgo Katbarina,
Martyr prudens et regina,

Pro salute omnium
Preces funde salvatori,
Castitatis amatori,

Christo, sponso virginum.

Ad Matutinum.

Invitatorium.

Christum regem adoremus,
Qui reginam Katharinara
Coronavit hodie.

In 1. Nocturno.
Antiphonae.

1. Felix virgo Katherina,
Costi regis filia,
Regem Christum venerando
Praedilexit animo.

2. Erat euira pulchra valde
Inter omnes feminas,
Nunc cum sanctis gloriatur
Dei cernens faciem.
3. Dixit namque Katharina
Imperanti pessimo:
Dii tui non loquuntur
Nec discernunt aliqua.

Responsoria.

1. Nobilissima regina
Katharina genere,
Sed nobilior virtute,
Dei plena gratia,
V. Deum habens protectorem
Non tyrannos pertimescit,
Nec adversis frangitur.

2. Sancta virgo Katharina
Regis intrans atrium,
Crucis signum fronte premens
Dixit ad Maxentium:
V. Insensate, quid adoras
Deos surdos sine flatu
Et sic perdis animam?
3. Imperator ait illi:
Cujus es tu filia,
Aut quale est nomen tuum.
Rogo, nobis indica?
V. Et respondens benedicta:
Katharina vocor ego,
Costi regis filia.

In 2. Nocturno.
Antiplionae.

1. Dei nutu virgo pura
Superavit rhetores
Et credentes eos fecit
Orthodoxae fidei.
2. Signo crucis praemuniti
A beata virgine
Baptizati sunt in igne
Facti martyres Dei.
3. Et inventi sunt illaesi
Per divinam gratiam
Et ad coetus sunt perducti
Beatorum gloriam.

Responsoria.

1. Martyrium sitiens,

libamina Cacsaris horrens,
Exclamat Christum,

praeter quem nil venerandum,
V. Daemoniis plena

sunt haec, ait, idola muta.

2. Ego vero desponsari
summo regi cupio,
Ut non tradam corpus meum
in gehennam pessimam,
V. Ipsum semper concupivi
Et optavi mihi sponsum
Creatorem omnium.

3. Fulgens virgo Katharina
Sancto plena spiritu,
Non timebat poenas latas
Sibi per carnifices,
V. Blandimentis non movetur,
Atque minis non terretur
Habens spem in Domino.

In 3. Nocturno.
Antiphonae.

1. Virgo gloriosa Katharina
Cilicio membra domabat,
Deum gemitibus exorabat.

2. Cum esset adhuc in annis
Virgo puerilibus,
Caris orbata parentibus
Mundi renuntiavit opibus.

3. Maxentius instat impius
Cum idolorum cultibus,
Puella voce libera
Haec sunt, clamat, daemonia,
Jesum Christum solum [Deum]
Praedicat os virgineum.

Responsoria.

1. Umbra carnis meae transit
atque pulchritudinis,
Unde nolo delectari
mundi hujus gaudiis;
V. Imperanti dixit virgo:
Deum verum crede mecum
Et salvabis animam.

2. Haec quinquagenos

oratores superatos
Dirigit ad coelos

aurum velut igne probatos,
V. Efficiens testes

fidei, quos pertulit hostes.

In Laudibus.

Antiphonae.

1. Rex potens Alexandrinae,
Qui Costus est vocatus,
Natam prudentem genuit,
Qua mundus est ornatas.

2. Opum plenum palatium
Parentes reliquerunt
Et Katharinam unicam
Haeredem dimiserunt.
3. Gubernat aulam regiam
Virtutum in decore
Suamque sapientiam

Demonstrat cum fervore.
4. Haec in aetate florida
Christum dilexit avida,
Cujus amore fervida
Mundi despexit fluida.

5. Sua reliquit moenia
Armata signo crucis,
Multa factura proelia
Cum inimicis lucis.

Ad Benedictus.

A. Salve, virgo Katharina,

Inter cunctas virgines
Quam ornavit lex divina,

Dum in carne viveres ;
Nos defende a ruina

Necis infernalis
Et ad portum sis carina

Lucis aeternalis.

In 2. Vesperis.
Ad Magnificat

A. O gaudium, jucunditas

Cordis et animorum,
Cum Katharinae probitas

Et pulchritudo moram
Imperatorem superat

Et quosque sapientes,
Quid respondere valeant,

Omnino nescientes.