Acta Francisci Pp. 349

Hoc modo omnem suam fecunditatem demonstrare potest atque patitur ut

nos dandi felicitatem experiamur, nobilitatem item atque magnitudinem

sese cumulate offerendi, nihil metientes, nihil flagitantes, dumtaxat dare

ac servire studentes.

Invidia sananda

95. Reicitur igitur, veluti caritati contrarius, modus agendi quem vox

zelos significat (aemulatio vel invidia). Quod manifestat in caritate non esse

locum dolori ob bonum alterius (cfr Act 7, 9; 17, 5). Invidia quaedam est

tristitia ob bonum alterius quae demonstrat nobis non esse cordi felicitatem

aliorum, quia nostrum tantummodo curamus commodum. Dum amor nobis

e nobismet ipsis exire sinit, invidia autem ducit nos ad nostrum « ego » in

medium ponendum. Verus amor aestimat aliorum proventus, eosque non

sicut periculum considerat atque exuitur ab amaro gustu invidiae. Probat

unumquemque variis donis frui ac diversas vitae semitas calcare. Itaque

efficit ut quisque propriam viam detegat re ad felicitatem obtinendam, aliis

concedens ut suam reperiant.

96. Agitur ad summam de hoc adimplendo quod duo postrema praecepta

Legis Dei postulabant: « Non concupisces domum proximi tui: non desiderabis

uxorem eius, non servum, non ancillam, non bovem, non asinum nec omnia

quae illius sunt » ( Ex 20, 17). Caritas nos ad sinceram adducit aestimatio-

nem cuiusque hominis, eius agnoscendo ius ad felicitatem. Illam personam

amo, eam contuitu Dei Patris respicio, « qui praestat nobis omnia abunde

ad fruendum » ( 1Tim 6, 17) atque in me ipse eam recipio ut bono tempore

frui possim. Eadem amoris radix, utcumque res ceciderit, est illa quae me

ad recusandam iniustitiam adducit, quia quidam nimium et alii nihil habent,

vel illa quae impellens efficit ut quotquot a societate reiciuntur quadam

laetitia frui possint. Quod tamen non est invidia, sed aequitatis desiderium.

Sine gloria vana superbiave

97. Sequitur vocabulum perpereuetai quod indicat vanam gloriam, anxie-

tatem se ipsum superiorem monstrandi ad alios per putidum ac peracrem

agendi modum stupore afficiendos. Qui amat, non solum de se ipso nimis

loqui refugit, sed porro quia in aliis mentem defigit, suas partes tueri no-

vit, haud sibi medium vindicans locum. Vocabulum sequens - physioutai -

valde simile est, quia significat amorem nihil sibi adrogare. Ad verbum

valet « non inflatur » coram aliis, atque aliquid subtilius significat. Non est