39. De sancta Anna.

In 1. Vesperis.
Super Psalmos.
A. Felix Anna, cella munditiae,
Lumen mundi, vena clementiae,
Spes salutis, porta laetitiae,
Nos divinae commenda gratiae.
Ad Magnificat.
A. Haec est radix Anna pia,
Virga florens est Maria,

Christus flos est Inclitus:
Digna radix est honore,
Cujus virga tali flore
Fecundatur coelitus.

Ad Matutinum.
Invitatorium.
Ad sanctae matris

Annae memoriam
Omnes Christo

canamus gloriam.

In 1. Nocturno.
Antiphonae.
1. Chori plaudant alacriter
angelorum et hominum
Congratulando pariter
matri reginae virginum.

2. Pater praecelsae virginis
Joachim erat nomine.
Mater Annaque nobilis
regali fulsit semine.

8. In tres partes dividunt
sic rerum substantiam:
Dant templo, dant pauperibus,
servant sibi tertiam.

Responsoria.

1. Felix Anna, flos hortorum,
Mira nitens specie,
Regum surgit antiquorum

Ex clara progenie,
Quae medelam vitiorum,
Matrem gessit gratiae,
V. Haec beata miserorum
Succurrat inopiae.

2. Matronarum haec matrona
Claruit In saeculo,
Nunc In coelis est patrona

Pietatis titulo,
Cujus partu cuncta bona
Provenerunt populo.
V. Anna parens esto prona
Cunctis In periculo.

3. Ex conceptu conjugali
Anna miro ordine,
Radix boni, finis mali,
Spirat uno gernime,
Felix, quae fuisti tali
Impregnata virgine,
V. Nos In hora fac finali
Mori sine crimine.

In 2. Nocturno.

Antiphonae.

1. Annos quoque plurimos
ducunt In conjugio
Steriles atque tristes
sub legis opprobrio.

2. Exprobrabrat hinc pontifex
Joachim, quod sisteret
Infecundus cum fecundis
seque eis jungeret.

3. Joachim ex opprobrio

de templo tristis exiit,
Nec ad donum vel uxorem,
sed ad pastores transiit.

Responsoria.

1. Ex Judaea crevit spina
Haec matrona nobilis,
Spina tamen officina
Claruit mirabilis,
De qua prodiit regina
Coeli venerabilis ;
V. Nos a fraude serpentina
Salvet mater humilis.
2. Quam potens esse diceris
In regno beatorum,
Quae genitrix agnosceris

Reginae angelorum,
Insignis quippe diceris
Patrona miserorum ;
V. Impetra nobis miseris
Veniam peccatorum.
3. O quam digne veneraris
Ab humano genere,
Quae Mariam mundo paris
Magno Dei munere ;

Ipsa virgo singularis
Dignetur succurrere,
V. Anna, mater salutaris,

Fac nos Christo vivere.

In 3. Nocturno.

Antiplionae.

1. Joachim et conjugi
angelus apparuit
Dolentesque nimium
dulciter compescuit.

2. Preces vestrae sunt acceptae
habebitisque filiam,
Per quam Deus magnifice
praestabit cunctis gratiam.
3. Hinc cognoscunt se mutuo
conjugali foedere
Et agunt laudes Domino
pro concesso munere.

Responsoria.

1. Eva mater corruptelae
Pomi fit edulio,
Deformavitque sequelae

Lineam contagio,
Anna confers spem medelae
Sacro puerperio ;
V. Esto memor clientelae

Hujus In exsilio.
2. Anna, mater matris Christi,
Nos pie considera,
Quae Mariae meruisti

Propinare ubera,
Ecce felix ascendisti
Super cuncta sidera;
V. Tu In hora mortis tristi

Nos ab hoste libera.
3. Beata virgo virginum,
Matris tuae precibus
Remissionem criminum
Procura supplicibus
Et fac post vitae terminum
Laetos In coelestibus,
V. Succurre penes Dominum
cunctis assistentibus.

Ad Laudes.
Antiphonae.

1. Omnis sanctorum concio
Matrem collaudet virginis,
De cujus puerperio
Salus processit hominis.

2. Haec prolem devotissime
Petit a patre luminum
Et meruit dignissime
Mariam, decus virginum.

3. Ex Joachim, quem habuit
Vitae virum eximium,
Anna Mariam genuit,
Matrem regis justitiae.

4. Stirps Jesse clara deluit
Evae matris opprobrium,
Dum Anna prolem genuit,
Florem sanctorum omnium.

5. Anna floret ut lilinm
In summi regis curia,
Thronum adepta regium
Cum Immortali gloria.

Ad Benedictus.

A. Anna stellam matutinam
Magni regis et reginam

Peperit clementiae,
Cum qua vere jueundatur,
Quia Deum contemplatur

Revelata facie.

In 2. Vesperis.

Ad Magnificat.

A. Anna florem portavit gratiae,
Flos odorem spirat munditiae,
Almae preces matris et filiae
Nos conducant aeternaegloriae.