Acta Apostolicae Sedis - Commentarium Officiale720

nobis christianis (cfr. Rom 15, 4; 1 Cor 10, 11).132 Affirmamus insuper: « Iesus

enim Nazarenus Hebraeus fuit et Ecclesia ex Terra Sancta, velut ex matre,

nata est »; 133 quamobrem radix Christianismi invenitur in Vetere Testamento

et Christianismus hac radice constanter alitur. Idcirco, sana doctrina

christiana semper reiecit quamlibet formam Marcionismi recurrentis, qui,

diversis quidem modis, Vetus Novo Testamento officere intendit.134

Praeterea, ipsum Novum Testamentum Veteri consentaneum se praebet

et declarat quod in vitae, mortis et resurrectionis Christi mysterio sacrae

Scripturae populi Hebraici perfectam invenerunt earum adimpletionem.

Notandum tamen est notionem adimpletionis Scripturarum implicatam esse,

eo quod secum fert triplicem dimensionem: rationem nempe fundamentalem

continuitatis cum revelatione Veteris Testamenti, rationem iacturae et

rationem completionis et superationis. Mysterium Christi continuitate inten-

tionaliterque cum sacrificali cultu Veteris Testamenti coniungitur; peractum

autem est modo longe diverso, qui congruit cum multis prophetarum oracu-

lis, et ita perfectionem antea numquam adeptam attigit. Vetus Testamentum

revera dissensionibus abundat inter aspectus institutionales et eius aspec-

tus propheticos. Mysterium paschale Christi est prorsus consentaneum

- ea tamen ratione quae praevideri non poterat - prophetiis et aspectui

praefigurativo Scripturarum; nihilominus, patentes exhibet aspectus discon-

tinuitatis quoad ad Veteris Testamenti institutiones.

41. Hae considerationes ita ostendunt Veteris Testamenti praestantiam

necessariam esse pro christianis, eodemque tamen tempore authenticam indo-

lem lectionis christologicae exhibent. Inde ab aetate apostolica ac deinceps in

viva Traditione, Ecclesia in lucem protulit divini consilii unitatem in duobus

Testamentis ope typologiae, quae non habet indolem arbitrariam, sed est

intrinseca in eventibus a textu sacro narratis et ideo universam respicit

Scripturam. Typologia « in Dei operibus sub Vetere Testamento peractis

praefigurationes discernit illius quod Deus in plenitudine temporum in

Persona Filii sui incarnati adimplevit ».135 Christiani igitur legunt Vetus

Testamentum sub lumine Christi mortui et resuscitati. Si lectio typologica

132 Cfr. Catechismus Catholicae Ecclesiae, 121-122. 133 Propositio 52. 134 Cfr. Pontificia Commissio Biblica, Il popolo ebraico e le sue sacre Scritture nella Bibbia

cristiana (24 Maii 2001), 19: Ench. Vat. 20, n. 799-801; Origenes,Homilia in Numeros 9, 4: SC 415,

238-242. 135 Catechismus Catholicae Ecclesiae, 128.