350 Acta Apostolicae Sedis - Commentarium Officiale

sola assidua cura de propriis demonstrandis facultatibus, sed etiam efficit

ut veritatis sensus amittatur. Sunt qui se maiores considerent quam ipsi

sint, quia "spiritaliores" vel "sapientiores" putari volunt. Paulus hoc verbo

aliis in tribus locis utitur, exempli gratia, cum dicit: « scientia inflat, caritas

vero aedificat » ( 1Cor 8, 1). Id est, se ipsos magnos nonnulli putant quia

plus sapiunt quam alii atque dant operam ut ab aliis recipiant et eos item

temperent, dum reapse amor, qui indulget, curat, infirmum sustinet, nos

magnos reddit. Alia in sententia idem vocabulum adhibet ad illos castigandos

qui « inflati sunt » ( 1Cor 4, 18), sed revera plus habent verbositatis quam

Spiritus "virtutis" (cfr 1Cor 4, 19).

98. Tanti est ut christiani hos mores teneant familiares tractantes, qui

parum in fide sunt instituti, infirmi vel de suis opinionibus incerti. Non-

numquam aliud evenit: qui, suam intra familiam sapientiores putantur, acres

manifestantur et intolerabiles. Humilis agendi modus hic apparet veluti

aliquid quod ex amore oritur, quia ut alii ex corde intellegantur eisque

ignoscatur ac serviatur, opus est superbia deponatur humilitasque colatur.

Iesus suis discipulis memorabat apud potestates quemque dominari alium

velle et huius rei causa iis dicit: « Non ita erit inter vos » ( Mt 20, 26). Amo-

ris christiani ratio non est illa ad quam quidam se ipsum aliis superiorem

considerat iisque vult suam demonstrare potentiam, sed illa ob quam « qui-

cumque voluerit inter vos magnus fieri, erit vester minister » ( Mt 20, 27). In

vita familiari ratio dominationis aliorum super alios vigere non potest vel

contentio ut cognoscatur quis intelligentior sit vel potentior, quia eiusmodi

ratio amorem exstinguit. Etiam ad familiam hoc spectat consilium: « Omnes

autem invicem humilitatem induite, quia Deus superbis resistit, humilibus

autem dat gratiam » ( 1Pt 5, 5).

Amabilitas

99. Amare vult etiam se reddere amabilem et hic significationem invenit

vocabulum aschemonei. Ostendere vult amorem duriter non operari, aspere

non agere, acriter non tractare. Eius modi, eius verba, eius gestus sunt grati

et non acres vel rigidi. Dolorem aliis afferre detestatur. Urbanitas « schola

est animo sentiendi et liberalitatis » quae a persona requirit ut « suam colat

mentem suosque sensus, ut discat auscultare, loqui atque interdum sile-

re ».107 Amabilitas non est ratio agendi quam christianus eligere potest vel

107 octaVio paz, La llama doble, Barcelona 1993, 35.