40. De sancta Landrada.

In 1. Vesperis.
Antiphonae.

1. Proles Landrada procerum
Regum Francorum exstitit,
Multis relinquens saeculum
Virginibus et praefuit.

2. Dei a juvenilibus

Annis impleta gratia,
Spem ponens in coelestibus
Manum misit ad fortia.

3. Haec jejuna pascit membra
Sicco pane, aqua pura,
Plus provocat esuriem
Edens quam exstinguit illam.
4. Humoque nudo jacuit,
Qua parum somnum recipit,
Carnem suam spiritui
Semper cogit se subjici.
5. Vilem se virgo reputans
Actus exercet humiles,
In lege Dei meditans
Noctes deducit et dies.

R. En rutilat praeclara

dies solemnis in orbe,
Qua coelos Landrada petit

carpens meritisque
Praemia digna suis,
fruitur visione creantis,
V. Angelicis turmis

virgo sociata beatis.

Ad Magnificat.

A. Beatae Landradae
votiva solemnia

Devote celebret
militans ecclesia,

Ut ipsius inter-
cedentibus meritis

Gaudiis perfrui
mereantur aeternis.

Ad Matutinum.
Inhvitatorium.

Jubilemus dulcisoDis
Carminibus altissimo,

Qui turmis junxit codicis
Landradam suo merito.

In 1. Nocturno.
R esponsoria.

1. Sponsa Jesu Christi
nulli voluit copulari
Sponso mortali,

famulans sibi corde fideli,
Quem viribus totis

teneris dilexit ab annis ;
V. Virgo studet sponso

pro posse placere pudico.
2. Nobilis haec genere,

sed nobilior probitate,
Sprevit amore Dei

bona terrae, culmina mundi,
V. Nobile justis hoc genus
actibus ipsa decorat.

3. Pura fide, patiens

quoque spe, fervens etamore,

Gratis ornata
moribus ipsa fuit,
V. Simplex, pacifica,

prudens, humilisque pudica.

In 2. Nocturno.
R esponsoria.

1. Omnis ab intus gloria virginis

exstitit hujus,
In Domini lege

meditatur nocte dieque,
V. In terris carne,

sed sursum mente resedit.

2. Jejunans, vigilans

teneram carnem macerabat,
Spiritui semper

et eam servire cogebat,
V. Haec aliis mitis

in se servatque rigorem.
3. Est pauper laeta,

constans et mente quieta,
Spectans mercedes

animae, carnis quoque dotes,
V. Pro Christo plures

suffert Landrada labores.

In 3. Nocturno.
Antiphonae.

1. Benedicit Deum, laudat
Diebus atque noctibus,
Orat, jejunat, vigilat,
Suis laborat manibus.
2. In terris se reputans
Vilem, Deo cara,
Nunc in coelis habitans,
Fulget signis clara.
3. Ob laudem sacrae virginis
Novum carmen concinimus,
Ut secum frui gaudiis
Nobis donet coelestibus.

Responsoria.
1. Vilem se reputans

humiles exercuit actus,
Subvenit et miseris

sibi subtractis alimentis,

V. Laeta dat et ipsis

aeternae verba salutis.

2. Norma fuit cunctis
vitae sanctimonialis,
Diva columbinis

oculis videt ac aquilinis,

V. Ducens angelicam

mortali corpore vitam.

3. Protege, conserva

nos semper, virgo beata,
Quam celebrem vita

faciunt, mors, plurima signa,
V. Laudum carmina, quae

canimus nunc, sint tibi grata.

In Laudibus.

Antiphonae.

1. Beata virgo Landrada,

Cui regnum mundi viluit,
Non aurum, non monilia,
Sed Christum regem induit.

2. Deo servire studuit
Toto mentis ingenio,
Qui sibi solus placuit
Amatque corde fervido.

3. Semper ad Deum vigilat,
Cui toto corde jubilat,
Et per ipsius genitum
Vitam duxit angelicam.

4. Haec benedicit Dominum,

Qui pontum, tellus, aethera
Et quae in illis resident,
Sua creat potentia.
5. Corde, voce et opere

Regem laudavit coelicum
Ejusque vicit munere
Mundum, carnem, daemo-
nium.

Ad Benedictos.

A. O vernalis flos, oliva,
Pietatis radix viva,

Inter spinas lilium,
Permanens in vera vite
Verus palmes, via vitae,

Suscipe fidelium
Pia vota, duc, tuere
Patriamque possidere

Da post hoc exsilium.

In 2. Vesperis.

Ad Magnficat.

A. Virgo dulcis et benigna,
Laude et honore digna,
Tuis sanctis precibus
Cunctis purges a peccatis,
Nos fac Deo cum beatis
Perfrui spiritibus.