Acta Benedicti Pp. XVI 721

revelat inexhaustam materiam Veteris Testamenti in relatione ad Novum,

attamen inducere non debet ad obliviscendum illud ipsum retinere proprium

Revelationis vigorem, quem ipse Dominus denuo confirmavit (cfr. Mc 12,

29-31). Quocirca « Novum Testamentum postulat etiam ut sub Veteris lega-

tur luce. Primaeva catechesis christiana constanter ad id recurrebat (cfr.

1 Cor 5, 6-8; 10, 1-11) ».136 Quamobrem Patres synodales affirmaverunt quod

« intellectio biblica Hebraeorum christianis quidem auxiliari potest in

comprehensione et studio Scripturarum ».137

« Novum Testamentum in Vetere est occultum, dum Vetus est in Novo

detectum »,138 ita hac de re subtili sapientia sanctus Augustinus asseverabat.

Magni igitur interest ut tam in pastorali quam in academico ambitu in lucem

bene proferatur intimum vinculum inter duo Testamenta, dum sancti Gre-

gorii Magni in memoriam revocamus effatum: « Quod Testamentum Vetus

promisit, hoc Novum exhibuit et quod illud occulte annuntiat, hoc istud

exhibitum aperte clamat. Prophetia ergo Testamenti Novi Testamentum

Vetus est et expositio Testamenti Veteris Testamentum Novum ».139

Paginae « obscurae » Sacrarum Litterarum

42. In contextu necessitudinis inter Vetus et Novum Testamentum,

Synodus etiam tractavit argumentum de illis biblicis paginis, quae obscurae

videntur et difficiles ob violentiam resque immorales aliquando in ipsis nar-

ratas. Ad rem quod attinet ante oculos ratio habeatur oportet potissimum

revelationem biblicam in historia funditus esse insitam. Dei consilium ibi

progressive manifestatur atque efficitur lente per subsequentes periodos, non

obstante hominum oppositione. Deus eligit populum eiusque patienter curat

educationem. Revelatio aptatur ad antiquarum aetatum culturalem mora-

lemque rationem ideoque earum gesta et usus refert, exempli gratia fraudu-

lentos motus, violentos interventus, populorum caedes, quin eorum immora-

litatem palam denuntiet; quod explanatur ex historico contextu, qui tamen

hodiernum lectorem obstupefacere potest, praesertim cum oblivioni dantur

tot « obscuri » modi se gerendi, apud homines per saecula et in nostra quoque

aetate vigentes. In Vetere Testamento prophetarum praedicatio vehementer

136 Ibid., 129. 137 Propositio 52. 138 Quaestiones in Heptateuchum, 2, 73: PL 34, 623. 139 Homiliae in Ezechielem, I, VI, 15: PL 76, 836 B.