Congregatio de Causis Sanctorum 607

TARVISINA

Beatificationis et Canonizationis Servi Dei Basilii Martinelli, Sacerdotis Professi

e Congregatione Scholarum a Caritate (1872-1962)

DECRETUM SUPER VIRTUTIBUS

« In Ecclesia omnes, sive ad Hierarchiam pertinent sive ab ea pascuntur,

ad sanctitatem vocantur » (Lumen Gentium, n. 39).

Magisterium Ecclesiae de universali vocatione ad sanctitatem mira

ac singulari ratione spiritualitati Servi Dei Basilii Martinelli, presbyteri et

solliciti religiosi, personat, qui vita sua vultum Iesu Pastoris et Magistri

illuminavit.

Venerabilis Servus Dei in vico Calceranica prope Tridentum in Italia die

27 mensis Decembris anno 1872 natus est et eodem die ad baptismalem

fontem ductus Basilii Lini nomen sumpsit. Familia eius humilium navo-

rumque agricolarum christiana pietate summopere informata erat et mater

eius, praesertim, et avunculus presbyter magnum probatumque pondus apud

Basilium puerum habuerunt, qui enim e familia hausit magnam pietatem

erga Beatissimam Mariam Virginem, quam cotidiana coronae marialis

oratione, maioribus festis Matri Dei dicatis participatione et iteratis peregri-

nationibus apud sanctuaria ipsi propinqua Sanctissimae Deiparae supra

Montem Felesinum et in vico Montaniaga Pinii veneranter coluit. Infans

sacramentum Confirmationis recepit et adulescens ad mensam eucharisticam

accessit. Laudabiliter cursu primariae institutionis in schola peracto, since-

ram sacerdotio proclivitatem ostendens, Institutum Cavanis Venetiarum

ingressus est, in quo studia Philosophiae ac Theologiae perfecit atque pro-

fessionem perpetuam magna cum laetitia emisit, ut deinde ad sacros ordines

admitteretur. Presbyteratu auctus est die 17 mensis Aprilis anno 1897.

Pater Basilius Domui in vico Possanio prope Tarvisium destinatus est, ut

muneribus institutionis tradendae atque laureae in Litteris classicis compa-

randae, quam apud Universitatem Studiorum Patavinam adeptus est, ibi se

accingeret. A Superioribus pluraper triennia ad officium Magistri novitiorum

ac dein iuvenum Theologiae studiosorum institutoris vocatus, praestantem

magistrum necnon testem virtutum se praebuit insignem. Totam vitam pe-

culiari operi institutionis iuvenum vacavit et usque ad provectam aetatem,

praesertim in domibus Congregationis Venetiarum et Possanii, minister