Congregatio de Causis Sanctorum 311

- P. Ioannes Chrysostomus de Gata de Gorgos (in saec.: Ignatius Caselles

García): die 18 mensis Novembris anno 1874 natus est, sacerdos ordinatus

anno 1899, die 24 mensis Decembris anno 1936 occisus est.

- P. Honorius de Orihuela (in saec.: R aimundus Dominicus Ioannes

Costa): die 24 mensis Novembris anno 1888 ortus est, anno 1914 sacerdos

ordinatus, die 30 mensis Novembris anno 1936 interfectus est.

Summa istorum fidei Martyrum numerum triginta et duorum explet.

Servi Dei in vincula coniecti sunt et trucidati tantum quia Christi fidem

sequebantur et religiosam vitam degebant: nexus condicionum, actiones et

propositum talium homicidiorum exactorum eorum Martyrum in mortis

ratione plane et aperte vulgata sunt.

Dum fama martyrii triginta et duorum Servorum Dei in Ecclesia dif-

fundebatur, hac causa ab anno 1954 ad annum 1958 dioecesani Processus

Informativi celebrati sunt iuxta Curiam Matritensem, Malacitanam, Oveten-

sem, Santanderiensem, Orceliensem, quorum iuridica validitas ab hac Con-

gregatione de Causis Sanctorum per varia Decreta singillatim est approbata.

Anno 2000 hae Causae in unum congregatae sunt. Exarata Positione, die 2

mensis Octobris anno 2012 Congressus Peculiaris Consultorum Theologorum

habitus est, positivo cum exitu. Patres Cardinales et Episcopi Ordinaria in

Sessione congregati die 19 mensis Februarii anno 2013, me Angelo Card.

Amato praesidente, declaraverunt Servos Dei interfectos fuisse propter fi-

dem suam in Christum et in Ecclesiam.

De hisce omnibus rebus, referente subscripto Cardinale Praefecto, certior

factus Summus Pontifex Franciscus vota Congregationis de Causis Sancto-

rum excipiens rataque habens, hodierno die declaravit: Constare de marty-

rio eiusque causa Servorum Dei Andreae a Palazuelo (in saec.: Michaëlis

Francisci González González), Sacerdotis Professi Ordinis Fratrum Minorum

Capuccinorum, et XXXI Sociorum, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 27 mensis Martii a.D. 2013.

AngeluS Card. AmAto, S.d.b. Praefectus

L. G S.

G mArcelluS bArtolucci Archiep. tit. Mevaniensis, a Secretis