41. De sancto Laudo.

In 1. Vesperis.

Antiphonae.

1. In laudem Christi

resonent praeconia Laudi
Cujus digna fuit
laude probata fides.

2. Hic teneris annis

apicem sortitus honoris
Moribus expressit
praesulis officium.

3. In subjectorum

clemens excessibus ultor
Virgam pastoris
flexit amore patris.
4. Multiplici clarus

meritorum dote sacerdos
Acceptas Domini
multiplicavit opes.
5. Majoris nomen

factis majoribus implens
In cunctis praesul
praesule dignus erat.

Ad Magnificat.
A. Voto, voce psallimus
In honorem praesulis,
Qui ad gradum praesulatus

Promoveri
Meruit divinitus,
Sua prece in nobis

Reseret cordis visum,
Qui caecatae mulieri

Reparavit oculum.

In 1. Nocturno.
Imitatorium.
Unum et verum Deum

adoremus,
In quo Laudus laudem

meruit sempiternam.

In 1. Nocturno.
Antipbonae.
1. Dignus laude

Laudus egregia
Tamquam lignum
aquarum copia
Jugi vernans

viroris gratia
Fructum dedit
in patientia.
2. Jugo Christi subjugatus
Regi Christo vir beatus
Deservivit in timore,
Exsultavit cum tremore.

3. Christus, ejus

susceptor, gloria,
Hac puerum

praevenit gratia,
Ut grandaevus

in pueritia,
Praesul plebis

regeret milia.

Responsoria.

1. Ecce nobis lux illuxit
digna cultu celebri,
Qua, dum mortem triumphavit,
vitam Laudus subiit,

Coelos ornans velut sidus
fusis micans radiis,
V. Qui fidelis servitutis
exhibens instantiam

Duplicatam reportavit
Domino pecuniam.

2. O lux mundi, mundum replens

spiritali lumine
Quasi stella matutina

in medio nebulae,
Nos illustra luminoso

lumine justitiae,
V. Ut, quos longa circumfudit

vitium caligine,
Tua prece manifesta

Christum cernant facie.

In 2. Nocturno.
Antiphonae.

1. Vultus tui,

virtutum Domine,
Sanctum tuum

signasti lumine,
Vocabulo,

vita laudabilem,
Signis quoque

reddens mirabilem.
2. In aeternum exsultabit,
In quo Deus habitabit,
Ipse justo benedixit,
Quia justus hunc dilexit.
3. Dei Laudus

magnificentia,
Coronatus

honoris gloria,
Christi laudem

a pueritia
Plenus ejus

perfecit gratia.

Responsoria.

1. Gaude felix sub felici
praesule Constantia,
Honorata diuturna
illius praesentia,

Quem divina praesignarunt

praesulem oracula.
V. Vota plebis ut audivit,

rex assensum praebuit,
Concors clerus, plebs electum

consecrari petiit.
2. Post acceptum visionis

responsum angelicae
Consecratus a beato

Gildardo pontifice,
Pastorali duodennis

sublimatur apice.
V. Sumpta vero pracsulatus

junior officia
Meritorum commendavit

multiplici gratia.
3. O vere spirituale

speculum ecclesiae,
In quo dona confluxerunt

multiformis gratiae,
Vas formatum in bonorem

manu sapientiae,
V. Te tutore spiritalis

abscedat nequitia,
Te custode perseveret

meritum et gratia.

In 3. Nocturno.
Antiphonae.

1. Ad usuram

dedit non propriam
Sed Domini

sui pecuniam,
Hinc ejusdem

in tabernacula
Ingressus est

vir sine macula.

2. In te, Deus,

Laudus laudabitur,
In te sperans

non commovebitur
Vitam enim,

quam a te petiit,
In aeternum

victuras subiit.

3. Sensu senex,

puer malitia,
Jam sortitus

locum in gloria
Deum videt

cordis munditia,
Quem quaesivit

in innocentia.

Responsorio.

1. Noctem luce fugativus

dum in nocte circuit,
Nocte pressa caecitatis

mulierem reperit,
Cujus prece mox suppressa

nocte lumen rediit.
V. Virginali puritate

vernans pueritia,
Efficaci floruit

sanitatum gratia.

2. Tutor gregis et provisor

spiritu prophetiae
Praecognovit inimicum

latentem in arbore,
Sub qua sui refecturo

parabant discumbere ;
V. Hostis fraude patefacta

dum recedunt propere
Repentino cursu, cernunt

arborem concidere.

3. O lucris gaudens,

Domini, non propria quae-
rens,
Suscipe servorum,

pie praesul, vota tuorum,
V. O consors Christi,

quem mente pia coluisti.

Prosa.

Virtutis praesul

egregie,
Puer es praelatus

ecclesiae,
Hostis fraudem

nequitiae

Spiritu praevenis

prophetiac.
Damnata mulier

longa caligine
Resultat oculis

infuso lumine.
Oves pastor

clementer respice,
Vota, laudes

dignanter suscipe
Servorum tuorum.

In 2. Vesperis.
Ad Magnificat.

A. O beate praesul Laude,

praesulum egregie,
Adsis nobis propugnator

hostilis nequitiae,
Locus in honorem tuum

consecratus, meritis
Tanti patris conservatus,

jugi pace gaudeat.