40. De sancto Hieronymo.

In 1. Vesperis.

Antiphonae.
1. Sancti Ieronymi
Clara praeconia
Adnisu animi
promat ecclesia.
2. In tenella iuventute,
In labore multiplici
Legit stratum vitae tutae
Cleri apostolici.
3. Iam adultus ut Iosias
Industrius Ieronymus
Dei coepit cultus vias
Arripere laetissimus.
4. Ut sol miros dat fulgores,
Viae luculentia
Ornat vitam, format mores
Doctrinae sollertia.
5. Hortus virtutum floridus,
Virginitatis lilium,
Liber cunctorum splendidus
Portas subvertit hostium.
R. Aureo candelabro

fulgens gloriosa lucerna,
Doctrinae rutilans

Ieronyme sede superna,
Ad te clamantes

mundi lux, sal terrae, gu-
berna,
V. Doctorum doctor inclite,
Adiutor tu, Ieronyme,
In tribulatione succurre.

Ad Magnificat.

A. Clarus doctor

et lux fidelium.

Orbis decus,

candoris lilium,
Norma vitae,

lex morum omnium,
Felix caeli

sortitur bravium.

Ad Matutinum.
Invitatorium.

Omnis sapientiae

Ducem adoremus,
Doctorum ecclesiae

Specimen laudemus.

In 1. Nocturno.
Antiphonae.

1. Documentis artium

Ad primum eruditus
Adit Dei studium
Virtute redimitus.
2. Caelibatu honestatus

Ascendit summum cardinem,
Omni quoque consummatus
Aptus ad celsitudinem.
3. Obiurgator vitiorum

Vocat pravos clericos,
Exterminator errorum
Pessumdat haereticos.

Responsoria.

1. Ecclesiae officium

Hic ordinavit rectius,

Davidicum eulogium
Vertit de fonte verius,

Propheticum eloquium
Exposuit perfectius,

Catalogum illustrium
Virorum dat insignius,
V. Philosophorum omnium
Novit ipse plenissime,
Theologorum studia
Vicit perspicacissime.
2. Helvidius insanus
Cedit et Pelagianus,
Origenes tam profanus
Tantae lucis radio,
V. Iovinianus mutuit

Simulque Vigilantius,
Omnis haeresis siluit
Verique adversarius.
3. Studiosus in Platone,
Pariter et Cicerone,
Minus curans de sermone

Tradito divinitus,
Est attritus passione,
Est punitus caelitus;
V. Qualis sit tunc requisitus,
Christianus falso dictus,
Tullianus recensitus

Plagis multis est afflictus.

In 2. Nocturno.
Antiphonae.
1. Instante vitae tempore
Cum vocaretur caelitus,
Deficiente corpore

Confortabatur spiritos.
2. Angelorum imitatus
Vitam et officium,
Est ab iis invitatus

Ad captandum praemium.
3. Tactu sacri corporis
Caecus est sanatus,
In momento temporis
Haereticus crematus.

Responsoria.
1. Quasi stella matutina

Splendet pater inclitus,
Et ut luna plena bina
Stat corona praeditus,

Pudicitiae corona
Radians divinitus.
V. Quasi sol in Dei templo
Fulget doctor maximus
Verbo, signis et exemplo,
Confessor Ieronymus.
2. Leonem spina saucium
lubet remediari
Mansuetumque socium

Asellum comitari,
Quo rapto mandat proprium

Opus illum sectari,
Leo camelis praevium
Cogit abbati dari;
V. Raptores petunt veniam,
Olei praebent copiam,
Et sic mandat servari.
3. Cum dignus gloria
In lectum decidit,
Tunc sapientia

Se mirum prodidit,
Sacra mysteria

Cum fletu prendidit
Et plenus gratia
Spiritum reddidit;
V. Quot in ecclesia
Tractatus edidit,
Tot luminaria
Orbi contradidit.

In 3. Nocturno.
Antiphonae.

1. In multis linguis peritus

Sacram transfert paginam,
Patientia munitus
Multam suffert sarcinam.
2. Patrum vitas scriptitavit,
Virginum mores dictavit
Ac clericorum regulas.
3. Hic correxit mundi statum
Atque repressit reatum
Per scripturae normulas.
Responsoria.
1. Cum occasus immineret,
Caelicus exercitus

Et lux tanta, quam timeret

Hominum intuitus,
Paruere, ut clareret,

Quam sit caelo editus;
V. Superans fragrantiam

Odor naturalem
Cumulatam gloriam

Monstrat singularem.
2. Corpus carens

fluenti carie
Instar leprae

latorem saucium
Plenum claret

fluentis gratiae,
Dum odorem

spargit eximium.
V. Signa testantur caelica

Et odoris diffusio
De doctrina catholica

Et de pudoris lilio.
3. Pulchritudo

strati itineris
Eius hora

completi temporis,
Multitudo

caelestis agminis
Ferens in manibus

vasa luminis
Hunc demonstrant

iungendum superis
Et declarant

vim sanctitudinis,
V. Tunc mirandus fulgor lucis,
Dum auditur verbum ducis,
Praemiandum hunc pro crucis

Portitura sedula.

In Laudibus.
Antiphonae.

1. En, adest dies celebris,
Ieronymus qua laetius
Transit de mundi tenebris
Caeli civis eximius.

2. Alexandrinis profuit
Ieronymi vocatio,

Qua in delicto adfuit
Miranda liberatio.
3. Innocentibus delatis

Bethlehem pergentibus,
Igne et Auctis damnatis
Astitit Ieronymus.
4. Titum devotum perditum
Revocavit ad gratiam,
Monacho lapso aditum
Impetravit ad veniam.
5. Propter luxum presbyteri
Iacentis sacro tumulo
Pestem senserunt ceteri
Revelante Ieronymo.

Ad Benedictus.
A. Ieronymi

beata munia
Noster chorus

promat cum gaudio,
Cuius clarae

doctrinae gratia
Orbis totus

refulget radio,
Nunc aeterna

doctorum gloria
Gaudet felix

iunctus collegio.

In 2. Vesperis.

Ad Magnificat.

A. O Ieronyme inclite,

Per quem fulget ecclesia,
Virginitate praedite,

Zelo virtutis, gratia,
Baptistae compar prodite

Vitae et abstinentia
Et in cunctis composite,

Facundae eloquentiae,
Pietatis inclitae

Admiranda prodigia,
Tu, caritatis solitae

Memor ad danda munia,
Finito mundi tramite

Perduc nos ad caelestia.

R 1 lautet in E u. a.:

E. Sumit mundus medullas spiritus
Literali detecto cortice,
Famem, sitim pellunt divinitus
Manna datum, aqua de silice;

V. Haec Ieronymus praebet caelitus
In supremo doctorum vertice.

R 3 fehlt AV; statt seiner in E:

R. Praecursoris et baptistae

Admirandae gratiae
Compar fuit doctor iste

Aequalisque gloriae,
Augustinus hoc testatur

Se vidisse certius,
Et Cyrillus id effatur

Et scribit expressius.
V. Nam uterque caelebs purus

Et absque contagio
Domat artus sibi durus

Veste et edulio.