Quinquagena II.

51. Ave, Iesu, iustorum gloria,
Quos confirmas sermone utili
Antichristi per te malitia
Conteretur in fine saeculi.

52. Ave, qui hostiles insidias
Pepulisti a sanctis fortiter,
Praesta, mundi huius molestias
Sufferamus ut aequanimiter.

53. Ave, Iesu, per quem magnifica
Largiuntur sanctae ecclesiae
Pietate tua me iudica
Confitentem te voluntarie.

54. Ave, Iesu, qui es fallaciter,
Inimicis a Iuda traditus,
Te exoro corde humiliter,
Ne hiatu mergar interitus.

55. Ave, Iesu, bellorum optime,
Propugnator invisibilium,
Hostes nostros

potenter comprime
Iiefoveque corda flebilium.

56. Ave, Iesu cuius ecclesia
Laudes semper et grates resonat,
Ab aeterna mortis sententia
Vernam serva, qui te glorificat.

57. Ave, Iesu, iudex iustissime,
Cui assistunt conventus caelici,
Me conserva, te peto intime,
A serpentis morsu venefici.

58. Ave, Iesu, qui alimoniis
Scripturarum foves ecclesiam,
Impetentes nos contumeliis
Frange ac eorum invidiam.

59. Ave, Iesu, cuius benignitas
Nobis patet per evangelium,
Detur nobis munita civitas,
Qua habetur

aeternum gaudium.

60. Ave, Iesu, turris fortissima,
Qua dependent virtutum clipei:
His a servi, exoro, anima
Hostes repellantur tartarei.

61. Ave, salutaris et gloria
Populorum in te spernantium,
Mentis nostrae ruit maceria,
Cui benigne praebe auxilium.

62. Ave, auctor, lucis perpetuae,
Vigilamus ad quem diluculo,
Exsultantis in te assidue
Cor confige amoris iaculo.

63. Ave, qui pro salute huminis
Ascendisti crucis patibulum,
Toxicatos veneno daemonis
Tuum sana per adminiculum.

64. Ave, Iesu spes terrae finium,
Cui cum plausu

hymnum concinimus,
Post hanc vitam

nos tuum atrium
Fac intrare, devote petimus.

05. Ave, cuius sunt terribilia
Facta, quae fecisti a saeculo,
Sempiterna sit tibi gloria,
Quod adesse dignaris servulo.

66. Ave, Iesu, via tutissima,
Qua venitur ad caeli patriam.
Mentis meae illustra intima
Tuam praestans misericordiam.

67. Ave, aeternale principium,
Qui cum patre

regnas et pneumate,
In conventu tuo lactantium
Corda riga superno dogmate.

68. Ave, cuius per multitudinem
Miserationum respicimur,
Cum per fellis amaritudinem
Et aceti poenis absolvimur.

69. Ave, Iesu, adiutor nobilis,
Toto corde ad te clamantium,
Subiacenti multis periculis
Tuum mihi da adiutorium.

70. Ave, Iesu, qui hostem crucias,
In inferno ne sanctos sauciet,
In senecta ne me proicias,
Virtus mea quando deficiet.

71. Ave, Iesu, pax nos conglutinans
Fide, spe ac amoris vinculo,
Ne nos laedat

hostis exterminans,
Obsecramus te voto sedulo.

72. Ave, cordis mei solacium,
Cui tota mente adhaereo,
Sempiternum da mihi gaudium,
Per aenigma qui te nunc video.

73. Ave, qui opertus in tempore
Descendisti e patris gremio,
Congregationis meminere.
Possedisti quam ab initio.

74. Ave, qui passionis calicem
Degustasti pro vita hominum,
Praestolamur

quem nostrum iudicem,
Nexum solve

nostrorum criminum.

75. Ave, cuius nomen innotuit
In Iudeae et eius finibus,
Cum maiestas tua apparuit
Ab aeternis

resplendens montibus.

76. Ave, finis bonorum omnium,
Sine quo consolari renuo,
Unde fastum hunc transitorium
Propter te nunc omnino respuo.

77. Ave, Iesu, panis angelice
Mundncaris qui ab hominibus,
Mentem meam hoc cibo refoves
Glorisique eius fructibus.

78. Ave, cuius potestas regia
Nos sustantans,

arcens malevolos,
Tibi mea voluntas propria
Obsequatur actus per singulos.

79. Ave, vitis irrorans gentibus
De supernis salutis poculum,
Servos tuis tege palmitibus
Atque cunctum

fidelem populum.

80. Ave, Iesu, qui tuos supplices
Sedem locas super aetheream,
Da, pressurasmundimultiplices
Forti mente pro te sustineam.

81. Ave, Iesu, cuius divinitas
Nullo unquam fine concluditur,
Consoletur per te humanitas,
Quae diversis malis atteritur.

82. Ave, Iesu, Deus altissime,
Caelo regnans perpetualiter,
Declinemus, da, prudentissime
Blandientes nobis fallaciter.

83. Ave, Iesu fundator inclite,
Tabernaculorum caelestium.
Ad quae te inducamur comite
Nos et cunctae
turbae fidelium.

84. Ave. Iesu,

per quem absolvimur
A captivitate diaboli,
Cum a malis ad te convertimur
Deplorantes nos motu flebili.

85. Ave, Iesu, suavis et patiens
Mala sua vere plangentibus,
Da, ut legem tuam custodiens
Iungi possim te diligentibus.

86. Ave, fundamentum ecclesiae,
Vocitatur quae Dei civitas,
Quam circum dant caeli militiae,
Ubi summa

regnat tranquillitas.

87. Ave, Deus salutis omnium,
Inferorum profunda penetrans,
Tuum nobis defer auxilium,
Quos devastat hostis insidians.

88. Ave, Iesu, quem primogenitum
Pater ponit in summis civibus,
Turbatorum respice gemitum,
Hos a mundi

salvans turbinibus.

89. Ave, splendor luminosissime,
Quem emittit paterna claritas,
Luce tua pauperis animae
Propulsetur omnis obscenitas.

90. Ave, cuius per adiutorium
Hic ab inimicis protegimur,
Esto semper meum refugium,
In quem forti spe nunc erigimur.

91. Ave, Iesu, palmeta caelica
Gratiarum infundens imbribus,
Depromentes

psalmorum cantica
Nos coniunge caeli florentibus.

92. Ave, Iesu, qui pulchritudine
Es indutus, ut docet symbolum,
Mentem meam tu sanctitudine
Orna, in qua regnes insaeculum.

93. Ave, legis tuae scientia,
Ne delinquant,

informa homines,
Tua mihi assis potentia
Concertanti adversus daemones.

94. Ave, olim escam ex aere
Ac ex petra profundens laticem,
Nos mundatos omni facinore,
Obtinere fac caeli apicem.

95. Ave, cuius nos incarnatio
Ab inferni reduxit faucibus,
Unde iuste te nostra contio
Nuntiando laudat in gentibus.

96. Ave, Iesu, de tabernaculo
Alvi sanctae prodiens virginis,
Adiuvamen, te quaeso sedulo,
Confessori da tui nominis.

97. Ave, salutare eximium,

Notum fecit quod Deus gentibus,
Post finale examen praemium
Nobis dona

cum sanctis omnibus,

98. Ave, Iesu, rex admirabilis,
Cuius honor amat iudiciam,
Multum malis qui est terribilis,
Mihi, quaoso,

praebe propitium.

99. Ave, Iesu, thesauro unice,
Cordis mei mentisque iubilus,
Servi tui torporem disice,
Ut saxorum

qui premit cumulus.

100. Ave, cuius beati oculi
Ad fideles tuos respiciunt,
Ne sermone me laedant subdoli,
Quaeso, contra

me qui insaniunt.