Acta Apostolicae Sedis - Commentarium Officiale608

benignus et huic missioni fidelis fuit. Litteras classicas docuit, artem penitus

colens iuxta Evangelium educandi maxima habita reverentia puerorum

iuvenumque, « quos Dominus speciali amat amore », sicut Fundator Servus

Dei Antonius Angelus Cavanis dictitabat. Adiuvabat et exhortabatur egenos,

patientia et « spe frugis colligendae » admonebat, pro alumnis sicut et pro

omnibus, qui frequentaturi essent scholas vel instituta Congregationis,

orabat, in eos fiduciam incutiebat et, regulis Instituti semper adhaerens,

omnibus coram Domino vivere videbatur.

Hoc educationis opus Servus Dei, sacramentum Reconciliationis disci-

pulis atque omnibus christifidelibus, qui ipsum peterent, multos annos

ministravit. Optimus conscientiarum moderator, vocem reddebat prudentia

ac sapientia suffultam, omnes ad maiora suscitabat.

Humilitas et paupertas Iesu vehementer Basilium illiciebant, quam iugi

perseverantia imitatus est et in seipso summopere effinxit, et mysterio Crucis

et caritatis Domini impense deserviit cotidiana Sanctae Missae celebratione,

Viae Crucis atque eucharisticae adorationis participatione, necnon pia ac

fervida Sacratissimi Cordis Iesu devotione. Communionem ecclesialem fundi-

tus vivebat atque pro aliis summa sollicitudine rogabat et oblationem Deo

acceptam dabat ad peccatorum redemptionem. Morbis ac praesertim gravi-

bus herniae molestiis laborans, corporis animaeque vexationes, solitudinem

scilicet ac suipsius demissionem, laeto corde Domino offerebat, nihil magni

habens quod pro amore Christi fecerat.

Vir fuit fortis, mitis et temperans. Eius vita mirabilibus eguit adiunctis,

sed cotidiana quadam emicuit sollicitudine duarum religiosi institutionis et

presbyteratus operi omnino dicati vocationum, quibus usque ad ultimum in

sacrificio et humilitate fidelis fuit. Oratione communitatis eius comitante,

saeculum hoc dereliquit mane diei 16 mensis Martii anno 1962.

Ob sanctitatis famam, a die 18 mensis Maii anno 1985 usque ad diem

16 mensis Martii anno 1988 Causa Beatificationis et Canonizationis inita

est apud Curiam Tarvisinam per celebrationem Inquisitionis dioecesanae,

cuius auctoritas et vis iuridica a Congregatione de Causis Sanctorum Decreto

diei 23 mensis Martii anno 1992 probatae sunt. Positione confecta, die

14 mensis Iulii anno 2009, iuxta consuetudinem, in Congressu Peculiari

Consultorum Theologorum prospero cum exitu disceptatum est an Servus

Dei more heroum virtutes christianas exercuisset.

Patres Cardinales et Episcopi in Sessione Ordinaria diei 13 mensis Aprilis

anno 2010, audita relatione Excellentissimi ac Reverendissimi Domini