Quinquagena III.

101. Ave, Iesu, cuius apparuit

Huic mando vera humanitas,

Mea virtus ut fenum aruit,

Quam infundat tua divinitas.

102. Ave, Iesu, qui peccatoribus

Misereris ut pater filiis,

Sana, quaeso,

me a languoribus,

Replens bonis me desideriis.

103. Ave, virtus et sapientia

Summi patris,

quem sancti iugiter

Benedicunt in caeli patria,

His me iunge, peto humiliter,

104. Ave, Iesu, cuius possessio

Sancta mater exstat ecclesia,

Oris mei te nunc confessio

Benedicit laudans magnalia.

105. Ave, Iesu, cuius est gloria

Confitenti benigne parcere,

Cordis mei audi suspiria

Hoc consolans

superno munere.

106. Ave, Iesu, quem quadrifaria

Confitetur mundi divisio,

Nobis assit misericordia,

Ex qua nostra venit redemptio.

107. Ave, Iesu, patris praeconia

ludaeorum nuntians populis,

Mentis nieae purga confinia

Vitiorum a cunctis maculis.

108. Ave, Iesu, qui contumelias

Pertulisti a gente propria,

Fac nobiscum misericordias,

Possedisti quos ut manicipia.

109. Ave, nate, ante luciferum

Ex aeterni patris substantia,

Inimicum preme pestiferum,

Cuius turbat nos pervicacia.

110. Ave, Iesu, cuius iustitia

Permanebit insaeclumsaeculi,

Tua nobis omnipotentia

In hoc mundo succurrat flebili.

111. Ave, omni qui potentatui

Dominaris hic et in superis,

Beatorum nos iunge coetui,

Torqueamur ne poenis asperis.

112. Ave, rerum

cunctarum conditor,

Quem sanctorum

collaudat puritas,

Me, qui labe peccati inquinor,

Tibi placens lavet humilitas.

113. Ave, Iesu, aquis Iordanicis

Baptizatus Iohannis manibus.

Faecibus nos purga Satanicis,

Veritate lucescens mentibus.

11-1. Ave, Iesu, pastor eximie,

Greges tuos pie custodiens,

Nos a lupo rapaci erue,

Defensamen

benignum largiens.

115. Ave, Iesu, qui tuo sanguine

Patrem tuum nobis pacificas,

Gloriantum in tuo nomine

Passiones comprime lubricas.

116. Ave, cuius misericordia

Confirmata est in christicolis,

Quando ipsos tua custodia

Liberasti a suis aemulis.

117. Ave, lapis structurae caelicae,

Qui es factus in caput anguli

In superno me loca apice,

Michaelis per manum angeli.

118. Ave, via, qua ambulantibus

Sempiterna vita promittitur,

Tuis san ctis nos munda legibus,

Quibus ad te directe graditur.

119. Ave, via per quam ascenditur

Ad superna virtutum gradibus,

Vitam nostram,

quae hic adfligitur,

Tu defende a detrahentibus.

120. Ave, Iesu, cuius benignitas,

In supernis sanctos remunerat.

Quos hostilis turbatimmanitas,

Defensamen

tuum hos protegat.

121. Ave, qui es natus in Bethlehem

Ex Maria intacta virgine,

Fac caelestis cives Ierusalem

Gloriantes in tuo nomine.

122. Ave, Iesu, qui caelis habitas,

Ad quem nostros

levamus oculos,

Tua fortitudine comprimas

Inimici impulsos sedulos.

123. Ave, Iesu, qui tuo dogmate

Pravitates frangis haereticas,

Peccatonim ne mergar gurgi te,

Fraudes, quaeso,

pelle zabolicas.

124. Ave, in quem sancta ecclesia

Suam semper ponit fiduciam,

Mentis nostrae tu rege devia

Dans in bono perseverantiam.

125. Ave, Iesu, per quem calamitas

Nostra est con-

versa in gaudium,

Cum inferni dira captivitas

Est per tuum fracta obsidium.

126. Ave, architecte caelestium

Tabernaculorum mirifice,

Meae, quaeso, mentis triclinum

Tis amore benigne perfice.

127. Ave, Iesu, qui te timentibus

Caeli praestas beatitudinem,

Nos solutos a facinoribus

Fac gustare tuam dulcedinem.

128, Ave, Iesu, qui ab infantia

Es perpessus multas insidias,

Da, ne passionum frequentia

Mentis nobis gignat molestias.

129. Ave, salus in te sperantium,

Quos defendis pia custodia,

De profundis ad te clamantium

Rugibunda audi suspiria.

130. Ave, Iesu, cuius humilitas

Nostra facta est exaltatio,

Tua nobis praestet benignitas

Ne subrepat cordis elatio.

131. Ave, cuius, est incarnatio

Repromissa ex David germine,

Sed completa

est haec promissio,

Cum es natus ex pura virgine.

132. Ave, Iesu, cuius religio

Coadunat nos in ecclesia,

Tua quoque dulcis dilectio

Nos coniungat in amicitia.

133. Ave, Iesu,

quem fiagrantibsimac

Caritatis laudamus studio,

Servi te nunc

petunt humillime,

Ut his assis tuo praesidio.

134. Ave, Iesu, cui cordis iubilo

Alleluia cantamus iugiter,

Supernorum nos iunge populo,

Cum quis te

laudemus perenniter.

135. Ave, cuius magnificentia,

Declaratur multis prodigiis,

Mentis nostraepurgentur vitia

Dirae mortis tuae suffragiis.

136. Ave, Iesu,

qui mnndum possides,

Hunc cum patre

gubernans fortiter,

Babylonis absolve compedes,

Quibus ligor miserabiliter.

137. Ave, cuius misericordia

Promeretur per paenitentiam,

Angelorum nobis custodia

Nobis assit per tuam gratiam.

138. Ave, qui post mortis victoriam

Depraedatoque lacu inferi

Ascendisti ad patris dexteram,

Ope nobis succurre celeri.

139. Ave, Iesu, qui tuos eripis

Servos, ne iniquus

hos opprimat,

Rumpe tracis

habenas aucupis,

Ne in palam post virus evomat.

140. Ave, per quem

hostem sophisticum

Servi tui declinant cautius,

Verbum audias publicanicum:

Deus, esto mihi propitius.

141. Ave, qui, in agone positus

Patrem voce orasti humili,

Te exoro servus immeritus,

Ut in fine succurras flebili.

142. Ave, Iesu, qui te amantibus

Semper ades misericorditer,

Te precanti expansis manibus

Ad iuvamen praebe velociter.

143. Ave, cuius de promptuario

Beatorum pascuntur animae,

Te laudantem in hoc psalterio

A malignis benigne redime.

144. Ave, regnans perpetualiter

Cum gignente

et sancto pneumate,

Nos elisos miserabiliter

Levanectens iustorum semitae.

145. Ave, cordis mei fiducia,

Cui psallam, quamdiu fuero,

Fatigatum per multa vitia

Me conserva, quaeso, de cetero.

146. Ave, Iesu, caelestis medice,

Contritorum

medicans vulnera,

A squalore me carnis lubricae

Emundatum

sanctis connumera.

147. Ave, Iesu, rex caeli patriae,

Rex aeterne,

rex magni nominis,

Firma tuae portas ecclesiae

Ponens pacem in eius terminis.

148. Ave, quem caelestes militiae

Melodiis laudant harmonicis,

Hostis ne subdamur potentiae,

Nos praeceptis liga dominicis.

149. Ave, Iesu, cui cantat canticum

Plebs sanctorum

in regno gloriae

Carmen istud

canentem rhythmicum

Triumphanti iungas ecclesiae.

150. Ave, meum solamen unicum,

Quem sanctorum

laudat exercitus,

Modulamen hoc panegyricum

Sume,meus quod offert spiritus.

Parerga.

Super Beati immaculati.

l.Ave, via, qua ambulantibus

Sempiterna vita promittitur,

Tuis sanctis nos munda precibus.

Quibus ad te directe graditur.

2. Ave, Iesu, dulcis iucunditas

Toto corde te ex quaerentium,

Deprecatur te mea pravitas,

Tuum ne me celes eloquium.

3. Ave, Iesu, fons sapientiae,

In quo foedus quisque abluitur,

Velum amove ignorantiae,

Quo aspectus mentis obducitur.

i. Ave, o electe ex millibus,

Cuius pulchritudine trahimur,

Miserere de tuis legibus

Nobis,qui peccatis confundimur.

5.Ave, lex et norma iustitiae,

Per quam ad divina reflectimur,

Pestem aufer nunc avaritiae.

In ambitum qua rerum ducimur.

6. Ave, Iesu, qui homousion

Es vocatus a sanctis patribus,

Per oramen sanctae theotocon

Nos custodi ab exprobrantibus.

7. Ave, consolator lugentium,

Quod ex tua patet sententia,

Tu aerumnis nostris solacium

Nobis sis depellens contraria.

8. Ave, cuius beatae visio

Faciei sanctis promittitur,

Laqueorum mentis solutio

Per te fiat, quis circumplectitur.

9. Ave, cuius instigat bonitas

Caritatis ad desiderium,

Nobis a te detur humilitas,

Quae virtutum est servatorium.

10. Ave, sapor dulcoris intimi,

Iusta semper inspirans opera,

Perturbati maerores animi

Per dulcedinem tuam tempera.

11. Ave, nulla quem capit ratio,

Cuius cuncta potestas continet,

Da malorum ne fabulatio

Mentis nostrae

auditum inquinet.

12. Ave, finis et consummatio

Duplae legis, virtutum omnium,

Quarum iugis nunc meditatio

Pellat a me omne contrarium.

13. Ave, nobis qui evangelio

Praestitisti vivendi regulam,

Verbi tui nos lustra radio,

Ut vitemus peccati maculam.

14. Ave, lumen, cuius absentia

In ruinam gravem incidimus,

Tua nostris praestet clementia

Verbi tui lucernam pedibus.

15. Ave, Iesu, susceptor exsulum,

Te precantum pro adiutorio,

Malignorum aufer tendiculum,

Illud tuo frangens imperio.

16. Ave, Iesu, fons omnis gratiae,

Donum bonum

dans te amantibus,

Nos informa norma iustitiae,

Ne tradamur culumniantibus.

17. Ave, Iesu, cuius obsequia

Intellectum

praestant humilibus,

Desperatis confer remedia,

In pressuris fovens flebilibus.

18. Ave, Iesu, cuius iustitia

Violatur a cunctis perfidis,

Purga corda nostra sordentia,

Hostibus ne tradamur rabidis.

19. Ave, omnis boni efficiens

Causa, cuius, rectum iudicium,

Sis clementer voces exaudiens

Toto corde ad te clamantium.

20. Ave, Iesu, cuius principium

Exbtatsumma verborum veritas,

Me digneris sanare saucium,

Quem mortalis

premit infirmitas.

21. Ave, Iesu, qui diligentibus

Legem tuam das pacis cumulum,

Praestatibinunc supplicantibus,

Ne in currant aliquod scandalum.

22. Ave, pastor, qui ovem perditam

Reportasti ad caulas caelicas,

Poenam, quaeso,

dimitte debitam,

Quam incurri

per culpas lubricas.

Conclusio.

23. Honor patri et benedictio

Sit aeterno atque potentia,

Beatorum quem sacra contio

Laudat cordis in affluentia.

24. Honor nato, laus, sapientia,

Possessori regni perpetui,

Pietate cuius et gratia

Carmen illud libens contexui.

25. Honor, virtus, salus et bonitas

Sit amori patris et filii,

Cuius semper nos regat pietas

Mole pressos huius exsilii.