Acta Benedicti Pp. XVI 723

olivae quae est populus Foederis (cfr. Rom 11, 17-24). Haurimus ergo

nostrum nutrimentum ex iisdem radicibus spiritalibus. Convenimus tam-

quam fratres, fratres qui invicem in quibusdam suae historiae temporibus

hostiliter se gerebant, sed nunc firmiter pontes duraturae amicitiae construe-

re student.143 Asseruit etiam Summus Pontifex Ioannes Paulus II: « Multa

communia habemus. Plurima simul facere possumus pro pace, pro iustitia et

pro mundo magis fraterno et humano ».144

Confirmare iterum cupimus quam pretiosus sit Ecclesiae dialogus cum

Hebraeis. Bonum est, ubi opportunum videtur, ut occasiones dari possint

etiam publice conveniendi et conferendi quae foveant incrementum recipro-

cae cognitionis, mutuae aestimationis et cooperationis in ipsa quoque sacra-

rum Scripturarum perscrutatione.

Interpretatio fundamentalistica sacrae Scripturae

44. Mens quam hucusque vertere voluimus ad argumentum

hermeneuticae biblicae in variis eius aspectibus sinit nobis nunc rem

attingere, quae saepius apparuit in synodali disceptatione circa

interpretationem fundamentalisticam sacrae Scripturae.145 Ad hoc quod

attinet argumentum Pontificia Commissio Biblica in documento De

interpretatione Bibliorum in Ecclesia indicia edidit adhuc valida. Hoc in

contextu monere praesertim cupimus de his lectionibus quae textum

sacrum in authentica eius natura non servant, quaeque fovent

interpretationes subiectivas et arbitrarias. Nam interpretatio « ad litteram »,

quam lectio fundamentalistica propugnat, revera constituit proditionem

sensus sive litteralis sive spiritalis, viam aperiens variis immoderatis

usibus, diffundens exempli gratia antiecclesiales ipsarum Scripturarum

interpretationes. Aspectus perquam deleterius consistit in re quae efficit ut

haec lectio fundamentalistica, « dum recusat historicam indolem agnoscere

revelationis biblicae, incapax fit plane accipiendi veritatem ipsius

Incarnationis. Fundamentalismus devitat artam coniunctionem inter

divinum et humanum in relationibus ad Deum. ... Hanc ob rationem

propendit ad textum biblicum considerandum veluti ad litteram dictatum

143 Cfr. Benedictus XVI, Salutatio in Aeroportu internationali Ben Gurion in Tel Aviv (15

Maii 2009): Insegnamenti V, 1 (2009), 847-849. 144 Ioannes Paulus II, Allocutio ad Rabbinos Principes Israelis (23 Martii 2000): Insegnamen-

ti, XXIII, 1 (2000), 434. 145 Cfr. Propositiones 46. 47.