Acta Francisci Pp. 353

facta ».112 Actio interior erga molestiam ab aliis inductam benedictionem

potissimum constituere in corde debet, bonum alterius desiderare, a Deo

postulare ut eum liberet eumque sanet: « Benedicentes, quia in hoc vocati

estis, ut benedictionem hereditate accipiatis » ( 1Pe 3, 9). Si contra malum

certare debemus, id profecto faciamus, sed semper nobis est interior vio-

lentia depellenda.

Venia

105. Si sinimus ut mali sensus in nostra intrent viscera, locus damus

tacito odio quod in corde inhaerit. Sententia logizetai to kakon significat

"cogitat malum", "secum fert notatum", id est acrimonia est plenum. Con-

trarium veniam significat, veniam quae in bono habitu nititur, quae intel-

legere aliorum debilitatem conatur et excusare alios studet, sicut Iesus qui

dixit: « Pater, dimitte illis, non enim sciunt quid faciunt » ( Lc 23, 34). Contra

autem suetus est mos ut magis ac magis culpae quaerantur, usque malitiae

fingantur, quodvis genus malarum intentionum contrahatur, et sic odium

crescit et funditus radices agit. Hoc modo quivis error vel quaevis coniugis

labes amoris vinculum delere potest atque familiarem firmitatem. Nimirum

hoc illud est omnibus rebus eandem interdum tribui gravitatem, periculo

interveniente ne crudeles fiamus possumus prae quovis alterius errore. Iusta

repetitio propriorum iurium in assiduam constantemque sitim transformatur

vindicationis plus quam in sanam defensionem propriae dignitatis.

106. Cum laesi sumus vel decepti, venia fieri potest et optabilis est, sed

nemo dicit eam facilem esse. Revera « Familiaris communio servari perfici-

que nequit nisi impenso studio sese abnegandi atque devovendi. Ea enim ab

omnibus et singulis poscit promptam et magnanimam voluntatem proclivem

ad indulgentiam, tolerantiam, veniam, reconciliationem. Nulla familia ignorat

quomodo caecus sui amor, dissensio, contentiones, conflictationes propriam

communionem petant violenter letaliterque feriant interdum: inde multiplices

variaeque oriuntur in familiari convictu discidii rationes ».113

107. Scimus hodie, ut veniam possimus dare, oportere per liberantem

transeamus usum nos ipsos intellegendi nobisque ignoscendi. Pluries errores

nostri, vel reprobans intuitus illorum quos amamus effecerunt ut affectionem

in nosmet ipsos amitteremus. Hoc tandem nos impellit ad alios cavendos,

112 Catechesis (13 Maii 2015): L'Osservatore Romano, 14 Maii 2015, p. 8. 113 ioannES pauluS ii, Adhort. Ap. Familiaris consortio (22 Novembris 1981), 21: AAS 74

(1982), 106.