43. De sancto Leodegario.

In 1. Vesperis.
Ad Magnificat.

A. Martyris adscripto

celebremus tempore festum,
Quo Leodegarius

victricem sanguine palmam
Promeruit cunctis

glomeratus in ordine sanctis.

Ad Matutinum.
Invitatorium.
Concentus Domino,

famuli, celebrate sonoros,
Quo Leodegarius

gaudet sociatus in aevum.

In 1. Nocturno.
Antiphonae.
1. Praeclarum sidus seculo
Leodegarius Domino
Celso Francorum genere
Surgit ab ipso lumine,
Prima vitae ducamina
Regalis alit curia.

2. Hujus indoles inclita,
Superno jubare fulta,
Dum tendit ad sublimia,
Regis jussu pontifici
Didoni, inquam, avunculo
Apicum characteribus
Imbuendus addicitur.

3. Divino instructus munere
Ac roboratus pectore
Aucta fulgent praesagia
Monitis praesulis compta,
Caelibeim vitam didicit,
Ut integer in utroque
Sancto paretur ordini.

Responsoria.

1. Martyris adscripto

celebremus tempore festum,
Quo Leodegarius

victricem sanguine palmam
Promeruit cunctis

glomcratus in ordine sanctis,
V. Quo laetus Domino

citharizat munera laudis.
2. Hic ortus jam primordia
Francorum ex prosapia
Nobili duxit linea,
Prima vitae ducamina
Regali fovet domate,
V. A parentibus curiae
Nutriendus addicitur
Teneris puer in annis.
3. Fultus superna gratia
Indole atque praeclara,
Dum tendit ad sublimia,
Regis jussu Pictavensis
Ad studia literarum
Praesul applicat puerum,
V. Ut doctus sapientia
Suffultusque disciplina
Probitate affluat plena.

In 2. No cturno.
Antiphonae.

1. Cum in eo perlucida
Perpatescant insignia,
Memoriae tenacitas,
Eloquentiae puritas,
Assueta tellus imbribus
Sulcos fecundat frugibus.

2. Divina mox auctoritas
Ac plebis universitas

Ad eligendum prodiit,
Quem sacer ordo deposcit,
Ut urbs Aedua capiat
Leodegarium in cathedra.
3. Honoris apice functus
Denis annorum cursibus,
Sors invida jam nubilos
Regis incendit aminos,
Insaniat in praesulem,
Ni loco cedat patiens.

Responsorio.
1. Divino instructus munere
Ac roboratus pectore,
Futurorum praesagia
Rutilant in praecordiis,
Monitis comptam praesulis
Coelibem dum servat vitam
Ordini sacro condignam.
V. Eloquio suavissimus
Moerentibus laetitiam,
Sceleratis disciplinam
Norat reddere congruam.

2. Dum castitatis speculo
Virtutumque praeconi
Redolet in palatio,
Dignis attollunt laudibus,
Ut urbs Aedua capial
Leodegarium in cathedra ;

V. Cujus memoria tenax,
Eloquentiae puritas,
In viro manet castitas.

3. Honoris apice functus
Denis annorum cursibus
Sors invida jam nubilos
Regis incendit animos,
Insaniat in praesulem,
Ni loco cedat patiens.

V. Praesul captat consilium,
Ut relictis mundi pompis
Sequeretur vocem Christi.

In 3. Nocturno.

Antiphonae.

1. Tandem a rege voti compos
Habenis ruptis omnibus

Nudus evasit saeculo
Tectusque Christi chlamyde
Luxovii CoeDObio
Regitur Deo principe.

2. Quidam versutus callide,
Ebroinus cognomine,
Ignem spirabat animo
Versans dolos in pectore,
Captet ceu lupus vitulum,
Quem mactaret innoxium.

3. Cum, ecce, manus valida
Urbis infestat moenia,
Crebris urget assultibus,
Imbellem septis extrahat
Pracdam, quam ore sorbeat.

Responsuiia.

1. Regis permissu pontifex
Habenis ruptis omnibus
Nudus evasit saeculo
Tectusque Christi chlamyde
Luxovii coenobio
Regitur Deo principe ;

V. Fratrum catervae socius,
Abbati pie subditus
Votum complet operibus.

2. Nutu Dei dum pontifex
Ad urbem redit alacer,
Laeta plebs mox cum laudibus
Locis occurrit omnibus,
Gaudet pastore reduce,
Dum revocat ab exsule,

V. Voce, corde jubiloque

Hymnis, psalmis intonabant,
Ovantes dum properarent.

3. Quidam ferox Ebroinus,
Vulpinis callens fraudibus,
Sanctum Dei velut mitem
Lupus aggressus vitulum,
Dolos captat, ut rapiat
Captumque mox dilaniet.

V. Validam carnifex manum
Cogens dirigit militum,
A septis urbis extrahat
Praedam, quam ore sorbeat.

In Laudibus.

Antiphonae.

1. Martyris eximii dum
Lumine splendido locum
Celsa lustrat divinitas
Excubias dans noxturnas,
Rumore cunctos celebri
Ad locum duxit tumuli.

2. Emicat inde protinus
Claris locus insignibus,
Manat salus languentibus,
Quotquot gravabat intimis
Furens dolor in ossibus.

3. Sacrum corpus transferendum
Ansoaldo sorte datum,
Alio dum portaretur,
A populo constipatur,
Confert medelam languidis
Fide contactis loculis.

4. In curvo quidem corpore,
Adducto genu vertice,
Mulier tabe consumpta
Per tot annorum tempora,
Sancti adorans feretrum
Statum recepit pristinum.

5. Dantur laudes in excelsis,
Merita canunt martyris,
Hymnos votis accumulant,
Ad locum sibi debitum
Cum gressibus accelerant,
Uti decet, perveniant.

Ad Benedictus.

A. Igitur praesulis jussu
Magno locata ambitu
Coelestis aulae fabrica
Arte fulget mirifica ;
Praebet sanctum mausoleum
Populis patrocinium,
Cujus nobis juvamina
Subveniant in saecula.

In 2. Vesperis.

Ad Magnificat.

A. Inelite martyr, ave,

praesulque sacerrime, salve,

O Leodegari,

bino charismate felix,
Ora pro nobis

peccati mole gravatis
Excasaque prece,

culpat quos actio vitae.