Acta Apostolicae Sedis - Commentarium Officiale724

a Spiritu atque agnoscere nequit Verbum Dei conceptum esse in sermone

et locutione propriis determinatae aetatis ».146 E contra, christianismus

percipit in verbis hoc Verbum, ipsum Logon, quod mysterium suum per

talem multiplicitatem realitatemque humanae historiae extendit.147 Vera

responsio ad fundamentalisticam lectionem haec est: « Credentium lectio

sacrae Scripturae, quae ab antiquo in Ecclesiae traditione facta est ». Ipsa

« quaerit salutis veritatem pro vita uniuscuiusque christifidelis et pro

Ecclesia. Huiusmodi lectio biblicae traditionis historicam qualitatem

agnoscit. Propter hanc ipsam qualitatem, relate ad testimonium historiae,

vivus sensus percipitur sacrarum Scripturarum, quae ad credentium vitam

etiam hoc nostro tempore destinantur »,148 in quo autem haud ignoratur

humana mediatio inspirati textus eiusque genera litteraria.

Dialogus inter pastores, theologos et exegetas

45. Authentica fidei hermeneutica secum fert quaedam consectaria

magni momenti in provincia pastoralis actuositatis Ecclesiae. Ideo Patres

synodales hanc ad rem commendaverunt exempli gratia magis assiduam

necessitudinem inter pastores, exegetas et theologos. Bonum videtur ut

Conferentiae Episcoporum foveant hos conventus, « quo maior promoveatur

communicatio in servitutem Divini Verbi ».149 Huiusmodi cooperatio adiuva-

bit omnes ad proprium opus melius perficiendum pro universa Ecclesia. Nam

esse in prospectu operis pastoralis significat, etiam iuxta studiosos viros,

stare coram textu sacro in eius natura communicationis quam Dominus facit

hominibus pro eorundem salute. Idcirco, sicut affirmat Constitutio dogmati-

ca Dei Verbum, suadetur ut « exegetae autem catholici, aliique sacrae theolo-

giae cultores, collatis sedulo viribus, operam dent oportet, ut sub vigilantia

sacri magisterii, aptis subsidiis divinas Litteras ita investigent et proponant,

ut quam plurimi divini verbi administri possint plebi Dei Scripturarum

pabulum fructuose suppeditare, quod mentem illuminet, firmet voluntates,

hominum corda ad Dei amorem accendat ».150

146 Pontificia Commissio Biblica, L'interpretazione della Bibbia nella Chiesa (15 Aprilis 1993),

I, F: Ench. Vat., 13, n. 2974. 147 Cfr. Benedictus XVI, Allocutio Lutetiae Parisiorum ad viros culturae deditos apud Colle-

gium a Bernardinis (12 Septembris 2008): AAS 100 (2008), 726. 148 Propositio 46. 149 Propositio 28. 150 Conc. Oecum. Vat. II, Const. dogm. de divina Revelatione Dei Verbum, 23.