Acta Apostolicae Sedis - Commentarium Officiale610

latus eius constanti insignitus est studio per praxim exercitiorum spiritua-

lium peccatores convertendi animasque servandi.

Maria Antonia a Sancto Ioseph, in saeculo Maria Antonia de Paz y

Figueroa, e nobili familia opibus aucta anno 1730 nata est in oppido v.d.

Silipica, ex urbe Sancti Iacobi de Estero, tunc pertinente ad Viceregnum

Fluminis Argentei, in praesens Rempublicam Argentinam. Inde ab infantia

iuxta valores et christiana principia est erudita, spiritualem doctrinam

Ignatianam cito attingens. Anno 1745 habitum induit veluti ''beata'' ex

Societate Iesu, vota privata emittens; et in locum dictum ''Beaterium''

secedens, communitariam vitam simul cum aliis mulieribus consecratis

gerere coepit.

Anno 1767, expulsis Societatis Iesu sodalibus e territoriis Regni Hispani-

ci, Maria Antonia propositum perfecit persequendi apostolatum exercitiorum

spiritualium, quem pro personis cuiusque ordinis socialis donum arbitrabatur

eximium. Ad tale propositum ineundum consensum plenum obtinuit tam

confessarii sui quam Episcopi urbis Sancti Iacobi de Estero, ubi huiusmodi

domum erexit. Serva Dei perquam simplici modo agendi utebatur. Ipsa enim,

protinus ut advenire consueverat in quamlibet urbem vel pagum iam desig-

natum uti centrum exercitiorum, varias publicas auctoritates statim adibat

ut cuiusque licentias obtineret. Monitionibus affixis, arcessere nitebatur

quendam fervidum et idoneum sacerdotem ad contionandum spiritualia exer-

citia et ad quaerendam aptam sedem et satis vastam quae per decem fere dies

circa centum participes excipere posset. Hisce in occasionibus semper reperire

potuit omnia quae necessaria videbantur ad gratuitam participum sustenta-

tionem, necnon ad complurima quae exoriebantur incommoda solvenda.

Fructus quos sub finem et ad conclusionem cuiusque cursus Serva Dei col-

ligere potuit uberes exstiterunt: etenim manifesti fuerunt casus quibus mores

sunt reformati, vita penitus mutata, vitia exstirpata, multi peccatores con-

versi, mundi vanitates relictae, status sacerdotalis renovatus et consecrata

quoque vita virorum et mulierum. Maria Antonia coram innumeris partici-

pibus tot exercitiorum spiritualium eminuit exemplo humanae et spontaneae

simplicitatis, quae per eius deditionem et prudentiam in omnium bonum

contulit. Anno 1779, expleto tempore quo ad exercitia paranda visitaverat

urbes vulgo Jujuy, Salta, Tucumán, Catamarca, La Rioja et Córdoba, nempe

tria milia chiliometrorum pedibus incedens, Serva Dei Bonaëropoli sedem

posuit, ubi, pedibus quoque percurrens circiter mille et quingenta chiliome-

tra, iam iamque sibi aestimationem comparavit et fiduciam Episcopi qui