Acta Benedicti Pp. XVI 725

Biblia et oecumenismus

46. Cum conscia sit Ecclesia se habere fundamentum in Christo, Dei

Verbo carne facto, Synodus in aspectum proferre voluit cardinem biblicorum

studiorum in dialogo oecumenico, plena manifestatione unitatis omnium

credentium in Christum considerata.151 In ipsa enim Scriptura invenimus

flagrantem orationem Iesu ad Patrem ut omnes eius discipuli unum sint,

ut mundus credat (cfr. Io 17, 21). Haec omnia confirmant et nos suadent

audire et meditari simul Scripturas urgere nos ad veram, etiamsi adhuc

non plenam, communionem vivendam; 152 « Scripturae igitur in communi

auditae sollicitant in dialogum caritatis et dialogum veritatis accrescunt ».153

Nam audire simul Verbum Dei, peragere lectionem divinam Bibliorum, admi-

ratione affici de Verbi Dei novitate, quae numquam veterascit nec exhaurie-

tur, nostram evincere surditatem his verbis quae ad nostras opiniones aut

praeiudicia non conformantur, audire ea et perscrutari in credentium om-

nium temporum communione: haec omnia iter efficiunt quod percurrendum

est ad unitatem fidei consequendam, tamquam responsum ad Verbi auditio-

nem.154 Magni ponderis sane huiusmodi fuerunt verba Concilii Vaticani II:

« Sacra eloquia in ipso dialogo [oecumenico] eximia sunt instrumenta in po-

tenti manu Dei ad illam unitatem adipiscendam, quam Salvator omnibus

hominibus exhibet ».155 Idcirco bonum est augere studium, comparationem

et oecumenicas celebrationes Verbi Dei, dummodo vigentes normae atque

diversae traditiones observentur.156 Haec celebrationes conferunt ad oecume-

nicam causam et, cum in eorum vero sensu vivuntur, constituunt intensa

momenta authenticae orationis, qua rogatur Deus ut festinet optatum diem

quo omnes ad eandem mensam accedere et ex uno calice bibere valeamus. In

iusta tamen et laudabili promotione harum celebrationum ita fiat ut ipsae

non proponantur fidelibus uti substitutio ritus participandi sanctam Missam

festivo praecepto servandam.

151 Animadvertere tamen oportet, quod attinet ad ita dictos Libros Deuterocanonicos Ve-

teris Testamenti eorumque inspirationem, Catholicos et Orthodoxos non habere exacte eundem

canonem biblicum ac Anglicanos et Protestantes. 152 Cfr. Relatio post disceptationem, 36. 153 Propositio 36. 154 Cfr. Benedictus XVI, Allocutio ad XI Ordinarium Consilium Secretariae Generalis Synodi

Episcoporum (25 Ianuarii 2007): AAS 99 (2007), 85-86. 155 Conc. Oecum. Vat. II, Decr. de Oecumenismo Unitatis redintegratio, 21. 156 Cfr. Propositio 36.