BONEAREN. 45

ex pluribus aliis medicis, qui Philumenam inspexerunt ante doct. Molina, ausus sit [operationem tentare, imo celebris doct. Porro aperte dixerit operationem fieri non posse abs- que vitae periculo ; c) natura ipsa operationis, non enim agebatur de simplici membranae incisione sed de [profunda et lata sectione; quocirca Zacchias lib. 3, tit. 1, q. 7, n. 29 habet: « Si membrana est quae impedimentum facit... ubi densa et crassa et valida sit, necesse omnino est in eius incisione, et praecipue quando interius posita est, pluri- mum mulierem angi, maximam fieri sanguinis effusionem, dolorem intervenire acerbum ;... ideo operatio haec maximo et evidenti cum periculo fit ». Nec aliud sentiunt in simil- limis casibus medici recentiores, ut videre est ex eorum re- lationibus in Albinganen. 7 sep. 1895; Salernitana, 14 mar- tii 1863; Verulana, 24 ian. 1871; Monasterien. 16 de- cembris 1899.

Ergo iudicium peritorum Bonaeriensium etiam quoad perpetuitatem grave admodum est. Ad summum hodie, ex postfacto, aliquatenus dubitari poterit de praecedentis peri- culi certa existentia, sed haud serium est, dictos medicos exhibere ut turpiter allucinatos, eorumque relationem deri- diculam vocare, inde inferendo iudicium illorum circa sta- tum physicum Philumenae nihil ponderis habere.

2°. Eximius vinculi defensor auctoritati doctorum Piro- vano, Alvarez, Lopez, Molina, Petacci et Topai, opponit auctoritatem medicorum Gastan, Pastore, Rosciano et Porro, quorum primus dicitur an. 1879, tertio a nuptiis mense, agnovisse in Philumena signa gestationis, alii vero viden- tur dixisse coitum cum ea utut difficilem non esse impos- sibilem.

R. 1: Haec non ab ipsis accepimus scripto aut viva voce, imo doctores Rosciano et Porro hac de re interrogati responderunt, se nec meminisse si Philumenam unquam in- spexerint : sed ea retulerunt coniuges priores, haud tamen concorditer: Hieronymus namque, ait doct. Pastore, sibi di- xisse coniugem suam esse impotentem ex defectu uteri et