44. De sancto Iacobo.

In 1. Vesperis.

Ad Magnificat.

A. O lux et decus Hispaniae,

sanctissime Iacobe,

apostole Dei,

qui inter apostolos

primatum tenens

primus eorum martyrio

laureatus es,

o singulare praesidium,

qui videre meruisti

redemptorem adhuc mortalem

in deitate

mirabiliter transformatum,

exaudi preces tuorum servorum

et intercede pro nostra salute

omniumque populorum.

Ad Matutinum.

Invitatorium.

Regem regum adoremus

Et Iacobum invocemus

In conspectu Domini.

In 1. Nocturno.

Antiphonae.

1. O Iacobe

supplantans vitia,

Cuius orbis

gaudet memoria,

Roga Christum,

det nobis gaudia.

2. Christus tecum

Iairi filiam

Resuscitat

dando laetitiam,

Praebe nobis

iustitiae viam.

3. Defunctorum

resuscitatio,

Infirmorum

mira curatio

Et daemonum

tu es fugatio.

Responsoria.

1. Sanctus vocatus a Deo

Reficiendo retia

Spreto patre Zebedaeo

Ipse reliquit omnia.

V. ''Qui sequitur me, non ambu-

lat in tenebris.

''2. Monte Thabor sublimatur

Cum fratre Petro socio,

A nube hic obumbratur,

Dum fit transfiguratio.

V. Nemini dixeritis visionem,

'' quam vidistis.

''3. Facta est tibi missio,

Infirmorum curatio

Et daemonum fugatio,

Corporum suscitatio.

V. ''Ite, mundate leprosos, para-

lyticos curate.''

In 2. Nocturno.

Antiphonae.

1. Hermogenes

quae male gesserat

Arte sua

et praedicaverat,

Annullasti

et, quae is scripserat.

2. Per te plebi

fit reseratio,

Scripturarum

adnuntiatio,

Nativitas

et Christi passio;

3. Reseratur

et resurrectio

Et ad caelos

mira ascensio,

Hinc bacchatur

nefanda natio.

Responsoria.

1. Iudaea et Samaria

Per te praedicatur,

Cuius corpus Gallicia

Possidens ditatur;

V. ''Magna est gloria eius in sa-

lutari tuo.''

2. Hermogeni fert Philetus,

Quod sacris scripturis fretus

Sanctus nequit superari

Et per ipsum vult salvari,

V. ''Nam de ventre eius fluent

aquae vivae.''

3. Ab Hermogene figitur

Philetus nec erigitur,

Qui sudario tangitur

Et ad sanctum revertitur.

V. Dominus erigit elisos, Dominus

solvitcompeditos.

In 3. Nocturno.

Antiphonae.

1. Tu traderis custodia

Post haec Herodis curia,

Te iudicat vox impia.

2. Paralysi dissolutus

Per te redditur solutus,

Dum ad necem tu es ductus.

3. Per quem funis collo datur,

Scriba a te baptizatur,

Una tecum decollatur.

Responsoria.

1. Per daemones adducitur

Magus, cuius ars fallitur,

Per Iacobum convertitur

Et a plebe insurgitur.

V. ''Si consistant adversum me

castra, non timebit cor meum.

''2. Collo funus imponitur,

Ad Herodem perducitur,

Decollari praecipitur,

Ad martyrium ducitur.

V. ''Funes peccatorum circumplexi

sunt me.''

3. Martyr primus efficitur

Apostolorum igitur,

Contra hostes perfidiae

Stet pro nobis in acie.

V. ''Esto notis turris fortitudinis

a facie inimici.''

In Laudibus.

Antiphonae.

1. Corpus sine remige

Positum maris flumine

Hispaniae est latum.

2. Lapis, super quem ponitur,

Cedens ut cera funditur,

Ei dat locum latum.

3. Regina Lupa dicitur,

A qua sepulcrum petitur,

Haec tandem baptizatur.

4. Largiendo palatium

Et dedicans coenobium

Ab hac mire dotatur.

5. O Iacobe mirabilis,

Qui tot fulges miraculis,

Deum redde placatum.

Ad Benedictus.

A. Gaude, trina machina

Mundi, cum Hispania,

Cuius teris limina

Consequendo gaudia

Iacobi ob meritum,

Cuius tot miracula

Orbem replent gloria,

Qui tergens piacula

Nobis det suffragia,

Deo demus canticum.